Ништо од плановите за 6-та национална терестријална телевизија, извисија Роби Телекабел и телевизија 24 за национална терестријална лиценца.
https://www.24.mk/parite-odat-vo-st...a-za-mediumi-veli-ne-treba-nova-nacionalna-te
Парите одат во странство, студија нарачана од Агенцијата за медиуми вели не треба нова национална телевизија
03.05.2018 | 17:58
Агенцијата за медиуми нема да распише конкурс за доделување на национална концесија за телевизија затоа што маркетинг агенцијата која ја правела студијата препорачува дека нема услови на пазарот за нов играч. Во студијата се наведува дека се мали шансите новиот концесионер да постигне одржливост во одредена временска рамка, а и дека ќе ги загрози и останатите национални телевизии, кои според анализата покажувата пад на приходите.
„Податоците за пазарот покажуваат пад на приходите од основната дејност и пад на приходите од продажба на рекламен простор како најголем извор на финансирање на овие телевизии последователно во последните пет години, со исклучок на 2015 година“ - MARKETVISION
Од Агенцијата за медиуми велат дека постапиле по закон нарачувајќи студија за оправданост за доделување на нова национална концесија. Ја ангажирале Агенцијата Маркет вижин која често се јавуваше како маркетинг агенција која ги добива тендерите за соработка меѓу претходната власт и медиумите блиски до неа.
„Со оваа Агенција имаме соработка на различни проекти, соработуваме и со други маркетинг агенции, меѓутоа кога станува збор за маркетинг агенции во изминатиот период соработувале со Владата, ако се мисли на полето на владините реклами, така што оваа агенција не е исклучок“, вели Зоран Трајчевски - директор на АВМУ.
Пазарот е тој што треба да покажа дали има потреба од нов национален медиуми, велат од Владата.
„Потребни се реформи во медиумската индустрија, а тоа значи и целосно департизирање и професионализирање на АВМУ, да биде вистински регулатор на пазарот. Дали се потребни нови концесии или не тоа треба пазарот да го каже, меѓутоа едно е факт дека медиумите кои работат и егзистираат во Р.М. мора да ги почитуваат сите меѓународни стандарди, авторските и сродни права, но и треба да бидат испочитувани од регулаторот за тоа што го работат и на кој начин“, вели Роберт Поповски - министер за отчетност.
Додека од една страна со студијата се оправдува слабата кондиција на постоечките медиуми, од друга страна се ускратува правото на некој нов национален концесинер да излезе на пазарот – во директна конкуренција со постоечките телевизии.
Постапувајќи вака, се отвора дилемата дали на ваков начин не се дава можност на нов медиумски играч да инвестира во програма, продукција и проекти, преку кои ќе се вратат и рекламите кои во изминативе години се преселија надвор од Македонија токму поради слабата програмска понуда дома. Долго време дел од експертите коментираат дека дел од медиумите станаа зависни од владините реклами, а во трката за профити го занемарија квалитетот на понудата.
Ирена Смиљанска
Aj тоа туку емитувала и Sport klub, HBO, пакет Box каналите, RTS 1, RTS 2, Nova хрватска...
