Навистина интересен трансфер период за Висла. По трансфер "експериментите" на Пиотр Пжибецки во последните две сезони, Сабате влезе многу посериозно сега. Од клубот си заминуваат дури седум играчи меѓу кои: голманите Вишари и Борбели, бековите Гембала, Ракотеа, Обрадовиќ и Моја, како и пивотот Пиечковски. Можно е заминување и на Марко Тарабохиа.
Ангажираа неколку сериозни имиња меѓу кои поранешниот голман на Загреб Иван Стевановиќ кој доаѓа од швајцарски Кадетен, шведскиот лев бек Филип Стенмалм од француски Аикс како и големата унгарска надеж на левата бековска позиција Золтан Сита кој доаѓа како позајмен играч од унгарски Веспрем. Потоа од Тулуз доаѓа еден за мене многу интересн играч кој имав прилика да го гледам неколку пати сезонава на Арена, Шпанецот Алваро Санчез. Опасен техничар, многу ме интересира што ќе покаже во Висла. Исто така го ангажираа и централниот бек на Шамбери, Шпанецот Нико Миндехија познат по неговите настапи во Сегед. И како последно засилување Леон Шушња од Загреб кој ќе ја комплетира пивотменската позиција со Жабиќ и Сулиќ.
Мислам дека се на добар пат да направат добра екипа, Сабате е добар тренер знае како се работи, останува да видиме каков ќе биде резултатот.
