Ме мрзи да пишувам, а толку можам на оваа тема... али на кратко сите тие филмови што ги прават дека се зависи од нас се само за да си го заштитат бизнисот, а човекот го гледаат само како ресурс.
Ова што се случува со кладилниците и казината е недозволиво, ги цицаат луѓето до гола кожа, сите се испозадолжени кај лихвари, семејства се уништуваат, а наместо да се превземи нешто, се повеќе се отвораат нови.
Секогаш кога и да појдам со другар сум сведок на тоа како додека гледаме некој натпревар, на 15тина минути имаш некоја од вработените која се качува да си ја проба среќата на апарати со 100ка. Додека трае натпреварот заминала дневницата. Дури и газдата на тој што ја држи кладилницата штрака. Кога го имаш до тебе и слушаш кај што свири, шансата да одолееш и да не изиграш е рамна на 0!
Чоечката психа е заебана работа, но секогаш она што е забрането е слатко и сакаш да го пробаш. Тоа секогаш го поддржувам, се додека се има контрола над настаните, но верувајте тука нема контрола.
Првата работа со која што сите се соочуваат е кога ќе почнат да губат почнуваат да прават споредби. "Абе ај дур да пијам пиво во кафич че пуштам тука една стотка, нека има и за пиво и за мене". Откако ќе замине таа стотка имаш "Ај бе дур да јадам хамбургер имам дома леб и паштета дај за една 100тка та била та не била". И верувајте дека ова се случува кај сите што мислат дека имаат контрола, а уствари таа одамна заминала. Луѓето си ги оставаат платите тука, од дома не се излезени и јадат леб и маргарин, надевајќи се дека утре ќе си ги вратат парите, нормално тоа никогаш не се случува.
Од друга страна имаш ретардирани здруженија кои го бранат сето тоа, па уште ги окривуваат поради тоа што играат, наводно за да земаат плата вработени во тие места, каде што и вработените си ја оставаат платата, па на крајот и тие муабети паѓаат во вода.
На сметка на сето тоа страдаат кафичите, рестораните, фамилиите, маркетите кои што се доведени на тоа да очекуваат некој да купи нешто само доколку апаратот даде.
И дава, ете сега се паднал Џек Пот од 1 600 000 денари, но она што не му го кажуваат е дека за да се падне толкав Џек Пот треба народот да изгуби најмалку 16 000 000 денари. Може слободно да пресметате колку народот дневно губи пари за да се прават розевите филмови.
Кога бев мал имаше 2-3 кладилници низ цел град. Луѓето најчесто уплаќаа еднаш дневно, немаше уплати во живо, резултати чекаш само на телетекст, билтени само во вторник и петок, уживање беше да пуштиш ливче за 50 денари и да чекаш да трчаат, успат можеш и да испазариш и кафе да пијаш.
Ова што сега се случува е и повеќе од болест, нема ни уживање ни граници ни ништо и тврдам дека сето е производ на олеснетиот начин да се игра и да се губат пари. Колку сакаат нека убедуваат со прикаски дека може да се контролира, оваа работа не може, па затоа доколку сакаш да му помогнеш, премести ги кладилниците и казината на пооддалечени места, па да видиме колку ќе играат. Баш ме интересира доколку во овој момент ги нема казината, колку од сите што играат би пошле во Гевгелија.. Тврдам дека тој процент нема да биде поголем од 5%.