Проблемот е во неписменоста и временскиот анахронизам. Се користат застарени методи на пропаганда и политички клиентелизам и популизам, кои сепак се беспрекорно ефективни врз закржлавениот провинцијален и покондирен ум на жалното неписмено Македонче. Против нив може да се дејствува единствено користејќи сурови стратегии од минатото бидејќи очигледно сме прескокнале цела епоха во развојот.
Доколку достигнувањето на една крајност (апатија) не продуцира реакција од спротивен правец тоа е доволен доказ дека организмот не е здрав и тешко ќе се опорави. Еве, гледаме како СДСМ ги манипулира реакциите на оној помал дел искрени во движењето против криминалот на власта. Како наближуваа изборите ги снема. Од апатија влегоа во хибернација, сонувајќи сладки сништа за тоа како херојски се борат против неправдите и криминалите на власта додека во меѓувреме продолжуваат да бидат користени и искористувани од тие кои им проектираат желби.
Не е дека и јас не сум бил.. Ама сепак, минимално функционален рефлексен механизам, кај секој нормален организам со нервна маса која поседува некакво основно ниво на свесност, треба да предизвика гадење при гласање за преварантите, криминалците и криминалните умови сконцентрирани во раководните групи на СДСМ и ДПМНЕ. Но не. Гласаат (на последните избори околу милион) и убедени се дека токму тие другите, се глупите и ненормалните, а ваму кај нив е цутот на авангардното и непогрешливо поимање на реалноста.
Види сега неможеш и несмееш револтот да го истураш во немоќ врз сопствениот народ. во секоја држава има неук народ. А и на крајот на краиштата немора твоите погледи врз нештата да се исправни. Порано во комунизмот ни било лесно, имало една „вистина“ и неморало да се замараш со купишта информации (најчесто неточни или напумпани) кои денеска се достапни до сите.
Пропагандните принципи се исти и порано и сега. Меѓутоа методите се малце изменети. Сега луѓето се соочуваат со повеќе информации и бираат на која опција ќе и веруваат. Уште повеќе, денеска секој еден човек е медиум, кој вака или така стреми кон успех. Тој успех значи бомбастични наслови, лажни и напумпани вести итн. Меѓу тие поединци има и доста успешни кои манипулираат со вестите во корист на едните или другите.
Во ера на цутот на социјалните мрежи, луѓето се бомбардирани на социјалните мрежи со разно разни информации и социјалните мрежи стануваат бојно поле во кои се антагонизира општеството. Интересно е, но сега како никогаш луѓето политичката кампања ја сметаат лична па така и загубата или победата на своите избраници ја сметаат за лична(дали ти текнува на реакциите на симпатизерите на Хилари, кога оваа загуби?). Па така речиси сите гласачи сами по себе се партиски војници. Види го примеров на Кајгана. Јас не верувам дека сите овие луѓе кои пишуваат на темава се членови на партии, ниту пак имаат некаква корист од партиите, а очи си вадат меѓусебно.
Пак ќе ти кажам Македонците не се криви за оваа ситуација. Македонското општество е едно од најранливите во светот. Можеби ќе звучи дебилно што ќе го кажам ова, меѓутоа за тоа не се криви ни нашите политички партии. Но точно е и дека тие на секој можен начин ја злоупотребија таа состојба до која не доведе меѓународната заедница.
Што се однесува до криминалиите на едните или на другите, јас во овие 25 години покрај толку јадење трици не видов некој да лежи затвор. Истиот муабет беше за Бране дека ќе лежи во 98 и? Све е популизам, па дури и обвинувањата. Значи да не бидам погрешно сватен, сум за да добијат бомбите судска завршница, не заради СДСМ, туку заради Македонија. Но искрено не верувам дека од тие бомби може да излезе правна завршница, колку и да има добра воља, без други материјални докази, тешко... А сомнежот за искреноста уште повеќе го зголеми најавената и никогаш необјавената бомба за Смилковци, тоа е мрља, која како поминува времето, тешко дека ќе успее да се тргне.
А од друга страна, си викам можеби е намерно сето тоа оставање простор, вакум во барањето на правдата. За да на опонентот му се даде шанса да се извади. Кога ќе размисли човек, СДСМ и ДПМНЕ совршено си се надополнуваат едни со други. Ми се чини и дека дури и да си најчесен и најискрен, кога ќе станеш некаков функционер, ти спремаат некаква криминална иницијација со која те имаат во џеб понатака. Но ако ја погледнеме Европа, ќе видиме дека секаде е истата шема. Курто и Мурто избор. Секој еден разбуден, кој почнува да ги буди другите е маргинализиран, исмејан, дискредитиран и така натаму. Како што гледаме така е и кај нас. Еве земи критикувај симпатизер на СДСМ и после критикувај симпатизер на ДПМНЕ и ќе видиш со што ќе се соочиш. Впрочем верувам дека веќе си се соочил.
Излез? Има, мора да има излез, ама не треба да се бориме со ветерници, туку полека да го трасираме патот. Како што стојат работите, во случај да се дознае дека некој крева глава одма му се удира заушка. Само тивко и конспиративно...
EZ WIN ( само што нема поправен на избори ако е се регуларно, освен на сила нормално ) Борбата на сдс е моментално тоа, да се издејстува прегласување на било каков начин за да си ја исправат грешката. Ова за оние понеупатените објаснувам 