Па добро, барем да се изнауживаме во вересијата додека трае.
Само не ми е јасно со која логика ја селат и техниката со сиот памет во центарот на градот. Знаев дека Близо од Раде Кончар се преселија во Соравија, постепено ги затвораат сите салони на Близо и ги консолидираат плаќањата на сметките и услугите на Вип и Близо во салоните на Вип, но ова со преместувањето на техниката е веќе чиста лакомштија. Парите не им се проблем, но ако толку не сакаат да плаќаат кирија во Раде Кончар, тогаш нека си купат некое друго место за техниката, наместо да ја селат во Соравија. А ако просториите во Раде Кончар се нивни и не плаќаат кирија, тогаш значи се уште полакоми за да не плаќаат сметки за струја и комуналии за просториите во Раде Кончар и во Соравија истовремено.
Значи тие кои живеат во западниот дел од градот - Карпош, Тафталиџе, Козле, Капиштец, и се разбира, Центар - ќе уживаат експресна техничка поддршка на терен кога ќе треба да им дојде екипа на лице место за да поправи дефект, а останатите - особено тие од другата страна на Вардарот, нека му ја мислат и нека чекаат, особено со протести и демонстрации како сегашниве, ќе се изначекаат светлосни години додека да пристигне екипата на терен. Можеби нема да биде таква ситуацијата во Аеродром и во Кисела Вода бидејќи се веднаш до Центар, ама затоа овие останативе од другава страна на Вардарот ќе си чекаат и ќе му ја мислат.
Дали Близо или Вип соработува(ат) со партнерски компании за одржување на нивните телекомуникациски мрежи ?
Доколку не соработуваат, би било добро да почнат, Македонски Телеком работи така веќе со години, всушност, во некои градови низ Македонија повеќе нема техничка поддршка од Македонски Телеком, ниту екипи за поправање дефекти на терен од Македонски Телеком, туку Македонски Телеком целата таа проблематика ја препуштаат на локални партнерски компании. Така на пример, еден мој пријател работеше околу година дена за приватна фирма која беше или можеби сеуште е во партнерство со Македонски Телеком и ја ширеа/шират нивната оптичка мрежа низ Скопје, а можеби и низ Македонија.
