Расте нервозата во СДСМ пред скорешниот старт на судскиот процес за „Пуч“
16.04.2015
Информациите за скоро стартување на судскиот процес за случајот „Пуч“ ги испаничи опозиционерите. Очигледно вознемирени од делата за кои се товарат осомничените, сега почнаа и да ја актуелизираат темата за амнестирање на учесниците во аферата со прислушувањето. Но ваквиот пристап доведе до спротиставени ставови.
Темата се отвори во опозициските медиуми. Бранко Геровски уредникот на Плусинфо и Слободен печат , кој важи за главен пиар стратег на опозицијата во еден од неговите последни текстови посочува на амнестија за Заев и неговите соучесници во нелегалното снимање телефонски разговори и незаконското објавување на материјалите. Наводно дознал дека Американците, ќе му понуделе на премиерот Груевски предлог за излез од политичката криза во земјава во кој ќе се содржело и барањето за иземање од одговорност.
„Предлогот најверојатно ќе содржи барање за оставки на компромитираните државни функционери, формирање преодна влада со широка политичка основа, затворање на отворените кривични случаи со општа амнестија и прекин на кампањата на објавување аудио-снимки од илегалните прислушувања на илјадници граѓани“, напиша Героски.
И новинарот Зоран Димитровски, кој важи за подржувач на опозицијата во колумна за Фокус од минатиот месец предлага десет мерки за надминување на кризата и меѓу нив е и донесување на закон за амнестија на обвинетите во аферата „Пуч“ .
Теза ја разви опозиционерот и жесток критичар на власта Љубчо Георгиевски. Во телевизиска емисија побара помилување за Заев, Верушевски, Костовски и Лазаревски.
Но предлогот за амнестирање на учесниците во аферата остро се спротистави главниот финансисер на СДСМ, првиот човек на СОРОС, Владимир Милчин.
„Нема да биде простено ако СДСМ во името на привидната стабилност потклекне пред притисокот на странците и прифати уште еден компромис чие вистинско име е капитулација“, се огласи Милчин на својот фб профил.
Од СДСМ во меѓувреме се обидуваат да ја избалансираат работата, па партискиот портпарол пушти информација дека наводно партијата не се согласува со амнестија. По ваквата хаотиччна состојба на Бихаќка, се отвора прашањето дали позицијата на Заев е нарушена и тоа го користи радикалното крило на СОРОС за да ги земе конците во свои раце?
И додека едните опозиционери ја шират тезата за амнестирање, а еден дел се наводно против, од владејачката партија се децидни. Пратеникот Александар Николовски порача - амнестија нема да има, ВМРО-ДПМНЕ е за правна и политичка завршница