Викаш дека вас се ви е јасно, ок! Разјасни ми ја дилемата што со месеци никој не ја објасни: http://forum.kajgana.com/showthread...-Дали-постои&p=3784758&viewfull=1#post3784758
Јадни и прости верници !?
Личните верувања се едно. Работа на поединецот и тоа е тоа.
Но религијата како организирана општествена,политичка,психолошка и економска категорија е нешто сосема друго.
И како таква има влијание врз секојдневниот живот.
Не гледам причина зошто религијата би била исклучена од вредносен и морален суд.
Не припаѓам ни на партии ниту пак сум гласал некогаш, но тоа не значи дека тие немаат влијание врз мене и дека со мојата неприпадност кон такви ентитети тие се апсолвирани од вреднување по основа на влијанието кое го имаат.
Она на што се инсистира да биде однапред вреднувано како позитивно притоа избегнувајќи било каква проверка на тоа вреднување секогаш е зло.
Догма.
Бољшевизмот бил супер, ама не бил за луѓе.
Фашизмот бил супер, ама не бил за луѓе.
Нацизмот бил ок, ама луѓето го расипале.
Капитализмот бил добар, луѓето не чинеле.
Религијата била прекрасна......ама ете...не чинеле луѓето...
Патриотизмот бил корисен ама ете...пак луѓето...
Трабантот е супер само не може да искачи по угорницава...мора да е до шоферот јеби га...никако до пластичната крнтија која не ја бива...
Никој не ги обвинува овде индивидуите, туку религијата како институција која со милениуми го кочи напредокот, манипулира со човечките стравови и надежи и наметнува норми и начини на однесување. Што значи кога се споменува инквизицијата, крстоносните војни, палењето вештерки, уништувањето библиотеки, цензурата....итн, итн со тоа се обвинува религијата како институција.
Иписмус и јас ја обвинувам црквата во таквите случаи. Тука нема ништо спорно. Таква будалаштини, палење луѓе, книги, измачување треба човек да е луд за да одобри. Меѓутоа поентата ми е следна. Христијанството е мирољубива религија. Комплетно безопасна, ако не било така немало да ја прифатам како таква. Тоа што го испревртеле наопаку и го злоупотребиле за да шират моќ фрла сенка која не ја заслужува самата религија како таква. Религијата сама по себе не претпоставува институционализација, но со тек на време станала таква. Тоа ти е класична човечка глупост. Така човек си има изговор да стави нож на појас и да сече глави заради интимно внатрешно чувство. Не можам да им барам изговор на свештениците зашто наредиле мачења и убиства. Како и би можела кога една од заповедите е Не убивај.
Опасноста недоаѓа само во форма на насилство! Зарем не е опасност негирањето на науката и разумот? Зарем не е опасност да го поминеш животот во заблуда и страв дека ќе гориш во пекол доколку не се однесуваш и не размислуваш како што ти налага христијанството?
Ако се перцепираш како православна христијанка, самото тоа значи дека си припадничка на одредена конфесија која пак произлегува од догмите,каноните и ритуалите на соодветната црква носител и основач на таа конфесија, во случајов МПЦ.
Без православната црква ти никогаш нема да беше православна христијанка,бидејќи без неа немаше да постои самиот тој модел за перцепција наречен православно христијанство.
Или било која конфесија, принципот е исти за сите.
Трабантот е типичен продукт на нефунционален систем во кој имало супер-талентирани пронаоѓачи,инженери и техничари но кои биле оградени со ѕид и принудени да направат.
Не го направил конкструкторот дека сакал да го прави, туку дека морал.
Зборувам за Источна Немачка, да не остане аналогијата да виси во воздух...
Кој човек?
Не може да се земе во глобала такво нешто како “човекот“ бидејќи има 6,8 милијарди луѓе на планетава.
Сите тие системи си имаат свои карактеристики,историја,се знае како и зошто се појавиле на сцената и на кого му користат.
Значи творба на одреден круг луѓе, а не на “човекот“.
И во распон на она што е во интерес на оние кои имаат корист од системот се движи некој поединец кој случајно се родил на територија каде е доминантен тој систем.
Ако излезе од тој домен во погон се става репресивната машинерија на системот.
Поединецот се раѓа во систем каде правилата на игра се поставени одамна пред да се роди.
--- надополнето ---
...исто во Писмото пишува дека секоја власт е од Бога дадена и оној кој се противи на земската власт ќе оди кај казаните...
Искуството го прави своето баш на место коментар, секој може да верува во што сака, никој не би требало заради тоа да го усудува другиот и тоа да биде некаков параметар за одредување на неговата интелегенција, и религијата и филозофијата се тука за една причина еден вид пружење на сигурност, припрадност, сатисфакција со еден збор самозалажување од кое човек неможе и несака да се лиши.
http://forum.kajgana.com/showthread...ерски-аспект&p=4166087&viewfull=1#post4166087Напишано од Јоан
Мислам дека ја потценуваш Црквата. Датумот ќе биде поместен. Тоа е јасно. Порано или покасно, но ќе биде поместен. Нема сила која може да се спротистави на Бога, а најмалку тоа е градоначалникот Зоран Заев. Ќе помине и негоавата горделивост и неговото време, а Црквата ќе остане.
Пред неколку години имаше некоја „уметничка драма“ во која света Дева Марија беше исмејувана како курва, ороспија. Заинтересирај се што стана со некои кои беа дирктно вмешани во оваа „уметничко дело“. Кога и каде го завршија својот живот.
Десетина илјади години спрема христијанството (според православните на форумов, 8000), пресметано според животниот век од Адам па до Исус, како што се споменувани во библијата, верниците на подфорумов се согласни за тоа ако не ми веруваш можеш и од нив да слушнеш. И да, немам ништо против лични убедувања, но религиите не се лично убедување, тие се како што кажав институционализирана догма и манипулаторска машина која се движи и опстојува од човечките стравови и надежи.
Види...неможеш да речеш дека си верник, ама само во тоа што тебе ти има смисла!Го читам подфорумов често, така што јасни ми се отприлика ставовите на повеќето кои пишуваат овде (алудирам на овие 8000 години).
Околу ова со институционализацијата. Па види. Прво била религијата, па после била создадена институционализацијата. И игрите започнале, но да не ја шириме темата натаму..
Инаку околу ова со радикалните религиозни ставови. Јас ги сметам како голем проблем на денешницата. Мене ми се комплетно несфатливи и не ги одобрувам. Впрочем не оправдувам насилство, перење мозок, насилно влијание на било кој идеал, движење или стојалиште. Ама од друга страна човек кој е радикален за една работа, да ја немало неа, ќе си нашол друга работа како вентил. Тоа е веќе посебна психологија и мислам дека секогаш ќе постојат ваков тип на луѓе.
Или си или не си, јасен е ставот околу тоа, како што неможеш да бидеш само малку трудна, така неможеш да бидеш и христијанин само во тоа што тебе ти има смисла, иако 90% од "христијаните" се токму такви верници. Ако си христијанин значи дека веруваш во земја стара 8000 години, во Адам и Ева, во потопот, во змии што зборуваат, во лавови, тигри, крокодили што паселе трева.....