Последен гледан филм со кратка рецензија

[Blondi]

Don Jon (2013)​

​

Ова е уствари последниот филм што го гледав во 2013, али не можев претходно да пишам затоа што не бев тука...И знаете колку време го чекав торентот...
Во глобала филмов ги исполни моите очекувања...Не се сеќавам најискрено кога последен пат сум гледала филм, кадешто главниот лик е истовремено и режисер и сценарист...
Џон е 28 годишен дечко,којшто во животот ги има- своето скромно станче, бурниот ноќен и сексуален живот, два-тројца пријатели во негов стил, неделните миси во црква и...порно клиповите со кои има посебна и специфична конекција, опишана детално во филмот...
Ова е филм којшто е лесен за гледање, но не така површен како што изгледа на почетокот...Филм за љубовните познанства, кој прави совршено јасна дистинкција меѓу сексуалната возбуда и квалитетниот секс како резултат на јака физичка привлечност, но и како резултат на емотивната поврзаност и харизма...И најбитно прави дистинкција меѓу вистинско заљубување и потреба за заљубување...И верувам дека секој од нас се има пронајдено себе барем во мала секвенца во текот на тие 90 мин...
И на крај- Скарлет Јохансон во овој филм е божанствена! Да не постоеше, ќе требаше да ја измислат да глуми во овој филм...И не само тука, туку и во такви како Match Point, Lost in translation и In a good company...Незаменлива! Ја обожавам до небо и назад...

 

[Zlatikevichius]

The Secret Life of Walter Mitty

The Secret Life of Walter Mitty - онака... Не е којзнае колку лош за да се хејта, иако е предвидлив - must say that. Ама не е ни којзнае што. Морам да ги пофалам колоритноста, одличната фотографија, Бен Стилер како актер (ме изненади, да бидам искрен - очекував многу полошо од него), па дури и Бен Стилер како режисер (мислев дека е некоја шега кога видов дека филм на Бен Стилер е кандидат за Оскар). А она што од филмов го заклучив:

[некој може да ги смета за спојлери, иако не се. Во секој случај внимавајте]
-постоела приказната за Алхемичарот и пред Пауло Коелјо;
-богатството е до нас, не е во Обединети Арапски Емирати;
-животот е прекраток да го потрошиш на соништа;
-морам некогаш да појдам во Исланд! Мо-рам!
[/некој може да ги смета за спојлери, иако не се. Во секој случај внимавајте]

Немам што повеќе да додадам.

IMDB оценка: 7,7 Моја оценка: 7/10

 

[MyloXyloto]

Jeune & Jolie (Young and Beautiful)

Најновиот филм на Франсоа Озон (In The House), филмот за кој што лани пишев рецензија на форумов, и мислам дека многу го изгледаа филмот и на повеќето им се допадна. Ова е малку поинаков негов филм, или ќе го сакате, или нема да ви се допадне. Кој го гледал неговиот Swimming Pool ќе му се допадне и овој бидејќи содржински а и по целата таа атмосфера доста потсеќа на него, па веројатно режисерот сакал да го врати духот на неговите стари филмови. Доста смели сцени, приказната за младата проститутка Леа и нејзиниот љубовник старец преточена низ четири различни временски периоди ми беше пријатна за гледање. Добра актерска екипа, посебно крајната сцена кога се појави глумицата Шарлот Ремплинг, главниот лик од Swimming Pool. Кој е расположен за француска драма за проституцијата и младата напаленост, ќе му се допадне, ништо претерано импресивно, но сепак добар филм, но никако нешто најдобро на Франсоа.

 

[Me2]

Escape Plan

Втора рецензија ми е, не сум многу по нив ама ќе пробам да склопам една.
Во филмот главна улога има Сталоне кој работел како адвокат, но после толку луѓе кои ги ставил во затвор сака да види како е внатре. Почнал професионално да работи како човек на кој му плаќаат да избега од затвор за да видат кои се недостатоците на тој затвор. Има напишано и книга во која го опишува идеалниот затвор од кој неможе да се избега. Еден ден ЦИА му нуди 5 милиони долари за да избега од одреден затвор на кој не треба да му ја знае локацијата. Но наеднаш се се менува (ќе видите што всушност се случува тука) и тој се наоѓа во затвор кој всушност му е опишан во неговата книга и тука пробува да ги најде мааните за да избега и од тој затвор. Во затворот го запознава и Шварценегер кој ќе му биде од голема помош.

IMDB оценка: 7/10 исто 7ца добива и од мене.

 

[macko i]

Don Jon
Ова е најглупиот филм за 2013 сценарио безврска , крај безврска , целта на филмот ? Едноставно не го гледајте. Приказната е за тип кој сака коли , секс , чистење и порно. Ќе фати женска ќе се карат за порното и тоа е цело она во филмот. Оценка 0
The Wolf of Wall Street

Замисли филмов има 8,7 оцена на ИМДБ :patos:facepalm2. Ајде на почеток си реков ќе му дадам шанса ќе изгледам барем 30 минути од него. Гледав и си викам дали само ние и американците праиме филмови со досадна тематика? Ако кај нас е турско ропство итн , кај американциве главниот фраер мора да се дрогира , да се пијанчи , да легнува по 10 женски на вечер..... Дефинитивно ова ми е последен филм што го гледам со Леонардо Ди каприо.
Приказната е за животот на Волд стрит и не го догледав цел одбивен ми беше така што кој ќе издржи 3 часа тој нека раскажува . Од мене оцена 2.
Last Vegas
Ете еден од подобрите филмови за 2013 , а што може да се очекува кога ќе се спојат Морган , Мајкал и Роберт ? Приказната другарите од детството се собират по 58 години на ергенската забава во Вегас. Интересни случки и опуштен филм. Оцена 8

 

[Zlatikevichius]

August: Osage County

Уште една сатирично-коми-трагична (мело)драма за една од плејадата дисфункционални американски фамилии. Текот на приказната е веќе виден и однапред познат: една трагедија ги собира наоколу и притоа не можат да издржат ни три дена заедно. Но - има нешто во филмов што те тера да го изгледаш од почеток до крај и покрај сите клишеа за кои си комплетно свесен додека го гледаш. Не знам што е, не можам да го опишам - можеби таа некоја меланхолична нота која мене одсекогаш ме привлекувала во се, па и во филмовите, си го направи своето. Можеби се работи за нешто сосема друго, но сепак - го изгледав, го завршив. Три пати „Ура!“ за мене.
И за крај, да не остане недоречено - морам сите почести да ги оддадам на Мерил Стрип и Џулија Робертс за беспрекорната глума. Јас сум еден од оние кои многу ги нервираат сите епитети кои и се припишуваат на Мерил Стрип, и навистина ми пречи што речиси секоја година таа е меѓу номинираните за Оскар. Но овојпат е и повеќе од заслужена, и нејзината, а и номинацијата на Робертс.
Сепак, не би дал некоја препорака да го гледате филмов. Освен можеби ако немате што друго да правите. Или - ако мислите дека вашето семејство е отидено у курац. Тогаш ќе има ефект. Ќе знаете дека не сте сами.
IMDB оценка: 7,4 Моја оценка: 6/10

 

[MyloXyloto]

Го знаете она чувство кога одбирате да гледате филм само по тоа што излегол превод на titlovi а притоа воопшто да не го знаете филмот? Веројатно скоро никој нема таков будала ко мене, што самиот наслов Боргман (да, и мене ми личеше на скандинавско име, па го симнав, а и видов 2013 +Кан) ама да ти бил Холандски филм, ајде си викам имам добро искуство со Broken Circle Breakdown па сигурно и овој е квалитетен. Па сега кога го изгледав се двоумев дали да напишам рецензија поради тоа што глава сечам никој нема да ми ја сфати содржината поради тоа што и јас не знам што гледав, ама нешто ме привлече во него. Филмот зборува за група мажи и жени кои претставуваат еден вид на култ кој како мета одбираат семејство приредувајќи им бизарни настани и ситуации. Не знам дали сето ова беше некој-си трилер или пародија не знам имаше гадни ситуации. Не знам што гледав, и не знам уште што сето тоа претставуваше, ваљда не го разбрав како што треба филмот, па ете една препорака за некој да ми каже како тој го сфанал, да не спојлеришем во рецензијава. 6/10 Ама навистина нешто ми се допадна на некој начин, барме малку.

 

[Hurin]

Lone Survivor ​

​

филмов беше долго очекуван од другар ми кој е така малку воен фанатик а и ја имал прочитано книгата од која излегува истоимениов филм.​

друга работа исто така која ја разбрав дека акцијата била премногу реална за холивуд шо и стварно ме заинтересира.​

​

вистинска приказна за еден тим од Морнарски Фоки кој имаат задача да го фатат еден талибански водич.​

за тие што се љубители на акцоини воени филмови кој се така во по модерно време, филмов е баш тоа што се бара, добро склопен со добра акција, воените елементи се застапени задоволително, глумците растураат.​

​

е сега имам кратки замерки, нешто што другар ми воочи кога го споредуваше со книгата.​

прво ми беше многу сличен на black hawk down, значи оperation gone wrong, имaш пукање, мртви повредени итн. само сето тоа брзо се случува и многу не реални сцени, колку и да си маж и цврст не е можно д ги преживееш оние работи, и крајот е многу убрзан, фалеа работи кој требаше да се објаснат, делот каде што ќе ги видиме тие вештини за преживување, али тоа беше со 200 на саат и некако се изгуби тој добар моментум од почетокот на филмот​

7.5/10 и препорака за тепање време​

​

​

​

 

[Bateman]

American Hustle

Дејствието во филмот е сместено во доцните 70-ти во САД, затоа филмот изобилува со егзотични и интересни облеки, чудни фризури и ретро музика што му дава многу симпатичен шмек. Главните ликови се двајца измамници Ирвин (К.Бејл) и Сидни (А.Адамс) кои се запознаваат на една забава и ги здружуваат своите „занаети“ во исто време почнувајќи и страсна љубовна врска. По некое време се откриени од еден амбициозен агент на ФБИ (Б.Купер) кои во замена за нивната слобода ќе ги натера да соработуваат со него за да фати неколку крупни „риби“ од светот на политиката и криминалот.

И да не го прераскажувам повеќе филмот, ќе кажам дека за мене е многу занимлив, гледлив и добро сработен филм. Приказната може не е претерано оригинална но се се надополнува со одличната глума актерскта екипа.А бонус во приказната е и камео појавувањето на Роберт ДеНиро во улога на мафијаш (кое изненадување )

Овој филм ми е само уште еднаш ми потврдува зошто Кристијан Бејл ми е омилен актер. Пред два дена го гледав Wolf of W.Street и без оглед на каков и лик да игра, ДиКаприо секогаш го има истиот стил на глума, истите фаци истиот говор на телото. Бејл е мајстор на трансформации, и не само на физички, кои секако не може да не се пофалат, туку е мајстор на ментална трансформација, секој негов лик е изглумен 100% автентично и со целосна негова посветеност. Таков е случајот и во ова остварување, Бејл одлично го “носи“ филмот со својот лик и му ја дава онаа предност на истиот да се издвои од некои слични филмови.

Моја оцена за филмот- 8.5/10

 

[Figaro]

Moneyball (2011)
Иако бејзболот како игра не ја разбирам баш најдобро , целата приказна е поврзана со овој спорт. Тимот започнува со финалниот меч на Оукланд и Јенки. Оукланд го губи финалето таа година и најдобрите тројца играчи преминуваат во други клубови . Генерален менаџер на Оукланд е Били Бин(Бред Пит) поранешен најталентиран бејзбол играч (кој не се снашол во професионалниот бејзбол)има за цел и следната сезона да стигне во финалето и да бидат шампиони , но ги нема најдобрите три играчи и нема никаков буџет од сопственикот на тимот. Одлично е претставено како функционира купување на играчи , начинот на кој Били носи одлуки за дел од секундата што може да го чинат отказ од клубот. Бред Пит одлично се снаоѓа во улогата на генерален менаџер која е вистинска приказна и раскажува за упорноста на човекот во нешто што верува и покрај низата неуспеси и менување на вредноста на играчите во МБЛигата и поставување нови стандарди. Од мене оцена - 9/10 од ИМДб - 7.6/10

 

[macko i]

The Prestige
Прочитав некаде рецензија го гледав изгледав и да ви кажам не ме воодушеви многу.
Приказната е многу конфузна , па неможе баш најјасно да го следиш дејството што се случува сега , а што во минатото. Приказната е ок двајца пријатели магионичари стануваат лути ривали и водат опасен натпревар меѓусебе. Има една од теорите на Никола Тесла и идејата за телепортација на луѓе. Искрено очекував посолидно сценарио , а добиваш филм во кој нема да ја составиш туку ќе се изгубиш во приказната! Од мене оцена 6/10.

 

[Blondi]

The Wolf of Wall Street (2013)​

​

​

​

Ова ми е последниот гледан филм од номинираните за Оскар, иако меѓувремено гледав неколку безвезни за кои не вреди да пишувам...​

Ги немам гледано сите номинирани, али после ова можам да кажам дека овој е дефинитивно мојот фаворит за Оскар за најдобар филм за 2013, најдобра главна машка улога и евентуално најдобра режија...(според мене..)​

И после Shutter Island го мислев истото што и сега- Ди Каприо и Мартин Скорсезе се неверојатна комбинација! Иако малку бев зачудена кога видов дека филмот трае 180 мин, ама после 30-тата мин. ми стана јасно дека нема да трепнам до крај, освен што морав еднаш до кујна да отидам по вода...​

Ова е за мене филм што не те замара психички и не мора до бескрај да мозгаш за да разглабаш некои психотични и двосмислени сцени, едноставно филм што не те полни со негативна енергија, а истовремено крајно интересен и оригинален во секоја ама буквално во секоја од тие 180 мин...Ако кажам дека ова е филм за згодниот милионер Џордан, соопственик на огромна брокерска фирма, филм за животот исполнет со кеш, дрога, забави, жени - ништо не сум кажала - дефинитивно мора да се види...​

Човекот со огромно срце, колку и да направи срања во животот, колку и да пропадне во кал, останува со огромно срце и за него секогаш ќе се најде излез...​

Препорачувам на сите што обожаваат филмови, поготово на тие што со нетрпение ги очекувате Оскарите...​

​

​

​

​

 

[Daniel.]

Ретко пишувам рецензии, иако гледам многу филмови. Единствена до сега ми беше онаа за The Game. Исто како и тогаш, сметам дека овој филм заслужува рецензија (не сум видел ни една за него во поскоро време).
Се работи за оскаровецот на браќата Коен - No Country for Old Men

Веќе подолго време имав намера да го гледам, но дури вчера го изгледав. 2 часа искористени правилно. Филмот ми остави многу добар впечаток. Полн е со сцени за паметење (особено онаа со паричката - ќе знаете за која сцена зборувам, кога го погледнете).
Филмот започнува со вовед од главниот лик - шерифот Ед (Томи Ли Џонс), кој зборува за неговата професија и за историјата на семејството. Од таму дејството се префрла во "дивината", каде еден ловец, после неуспешниот лов на дивеч, ќе најде нешто неочекувано - остатоци од трговија со дрога која тргнала наопаку. Сите учесници се мртви, само еден е ранет. Ловецот ќе го пронајде преживеаниот, но ќе го остави. Исто така ги наоѓа и парите со кои требало да биде купена дрогата - 2 милиони. Ги зема и си оди. Доцна вечерта се враќа на местото, за да го спаси преживеаниот, иако знае дека тоа не е ни малку паметно. Но кога се враќа човекот е веќе мртов - убиен. Од тука почнуваат неговите проблеми... А неговиот проблем има име - се вика Антон (Хавиер Бардем) еден од најголемите психопати кој некогаш бил претставен на филмското платно. Што се ќе се случува понатаму - оставам на Вас да дознаете.
Од мене, топла препорака за филмов.
Оцена: 9, IMDb: 8.2

 

[Tutor]

The Enders Game

Кратка рецензија - BULLSHIT !!!

Мислам нема потреба да трошам тастатура но ајде 2 реда ради реда .
Значи го исклучив на саат и 5 минути , не можев едноставно ми се повраќаше.... деца деца деца уште деца.... мравки .....ласерски пиштолчиња за деца.... уште деца и уште мравки.... И повратив сончогледот и сокот што го пиев на 1:05 од филмот... исклучив и избришав. НЕмојте да се осудите да го гледате филмот. Освен ако не сте under 8 .

Оцена 1/10

 

[Filmakedon]

12 Years a Slave

Златен Глобус за најдобар игран филм - драма и 9 номинации за Оскар, меѓу кои Оскар за најдобар филм, режија, главна машка и споредна машка и жесна улога. Извонредна филмска адаптација на мемоарите на Соломон Нортап, слободен афроамериканец, сопруг, татко и одличен виолинист кој станува жртва на трговијата со робови. Градација од денешното поимање на САД, филмот не сели пред век и половина каде поимот цивилизираност нема воопшто допирна точка со денешницата. Додека на северот луѓето живеат во мир, на југот ропството е најнормална практика. Црнците се приватна сопственост и газдата одлучува за нивната судбина. Но, Соломон е човек од северот. Токму тоа го прави овој филм посебен. Кога еден човек кој поминал низ ужасот на ропството и сонувал за слобода и среќа... ја доживува слободата и одеднаш се буди назад, на почетокот. Филмот не прави индирекно сведоци на големо ѕверство, крајна нечовечност... целосно ни ја потврдува погрешноста на ропството, ни го појаснува значењето и моќта на слободата и колку таа некогаш била од дното на срцето посакувана. Нашата слобода се гради над грешките кои се правени во минатото. Судбината на Соломон е судбина која ја имале илјадници црнци низ плантажите на Луизијана. Нивниот живот е пример за неправедност кога силата е над еднаквоста и кога само надежта го буди новото утро. Музиката во филмот е, секако непогрешливо, на Ханс Цимер.