Извршители (легални рекетари).

[Zaptija Stojkov]

Дали некогаш тие извршители ќе наплатат долг на Работодавец којшто се прави мангуп (не им дава плата на работниците 6 месеци? Ќе му конфискуваат ли на таквиот некој теренец вреден 100.000 евра? Сигурно не.
Каква е процедурата кога кога Работник ќе тужи на суд работодавец за заостанати плати?
Ќе му даде Работодавецот на судијата дебела сума на мито и на крај судот ќе рече не можеме ништо да сториме бидејќи твојот газда ја сменал трансакциската сметка, или пак се менало името на фирмата, се менал управниот одбор итн...

Но без разлика дали се сменила транксакциската сметка, името на фирмата, или дали се менал управниот одбор или не долгот треба да се наплати.

 

[Lonely111]

Дали доколку немам платено казна од 300 евра за претицување за кое знам дека не сум крив, и планирам да одам на суд, дали е можно извршители да ми дојдат на врата?

 

[onak]

Дали доколку немам платено казна од 300 евра за претицување за кое знам дека не сум крив, и планирам да одам на суд, дали е можно извршители да ми дојдат на врата?

не. извршител ке ти дојде на врата, откако, ке се добие правосилна судска одлука дека си должен да платиш...

 

[Lurtz]

Башибозук ја зафати Македонијава - ќе се наплаќаат стари сметки (тема вечерва кај Јанко). Којзнае колкави се каматите на сметки пред 2000-та а кој чува сметки од тогаш? Башка ми се сумњиви за сметките и опомените...којзнае што ќе смучкаат за профит

Извршителите тропаат на врата за сметки од минатиот век
Поштенските сандачиња на граѓаните и на фирмите од почетокот на годинава се полнат со извршни решенија за наплата на сметки за струја, вода, парно, телефон и други комунални услуги, стари и по 20 години. Граѓаните се во паника и крајно револтирани, зашто за сметка за струја од минатиот век, со сума од 2.000 денари, сега треба да платат 40.000 денари. Во најтешка ситуација се тие кои за таа деценија и повеќе додека судот се канел да им го испрати извршното решение, си го платиле долгот, но не го сочувале доказот за тоа.


- Голем дел од должниците тврдат дека тие сметки им се платени, но не ја чуваат потврдата, зашто поминале многу години. Во тој случај ги упатуваме кај доверителите, да се договорат дали да плаќаат, или не. Има случаи кога поради немање евиденција доверителите се откажуваат од наплата на долгот. Сме добиле многу предмети за извршување кои датираат од 1993, 1997 година - вели Коштанов.
Тој вели дека каматите на сметките стари десет и повеќе години се за 10 до 20 пати поголеми од главнините. Соочени со огромните суми кои присилно ќе им се наплатат и за тоа плус ќе треба да платат уште и за интервенцијата на извршителот, граѓаните ги вжештија телефоните во Организацијата на потрошувачи на Македонија - ОПМ. Во оваа организација велат дека во последно време имаат се повеќе поплаки од граѓаните, кои најчесто реагираат на тоа што не биле на време информирани дека треба да го платат долгот, туку сега, по 10-20 години на врата им тропаат извршители.
- Подолго време секоја недела по неколку граѓани ни се јавуваат и се жалат дека од нив се бара да платат некоја сметка за струја, вода, парно... дури и од 1991 година. Ние не можеме многу да направиме, но ги советуваме да се обратат кај Народниот правобранител, или да испратат приговор до судот за застареност на долгот. Во последно време ги советуваме и да напишат приговор до извршителите, иако знаеме дека тие само си ја вршат работата што им ја дал законот - велат во ОПМ.
И Народниот правобранител е затрупан со приговори и разни поплаки од граѓаните, поврзани со присилната наплата на таквите сметки за комуналии, на кои им дошло времето за наплата откако со децении фаќале прав во фиоките во судовите. Оттаму велат дека граѓаните на кои присилно им е наплатен долгот се жалат и на работата на извршителите.



Никој во државата не може да им даде конкретен совет на граѓаните дали треба да ги плаќаат старите сметки за кои има извршно судско решение. Минатото лето по најавата дека работата на судовите ќе ја преземат извршителите, овој проблем го актуелизираше Движењето за социјална правда "Ленка" кое ги советуваше граѓаните да не ги плаќаат старите сметки, бидејќи се застарени. На иста линија беше и Народниот правобранител, додека Министерството за правда протолкува дека сметките мора да се платат бидејќи застаруваат само ако не се тужени во рок од една година. Во овој хаос, кога ќе добијат за наплата сметка од минатиот век, освен барањето помош од Народниот правобранител и од ОПМ и ценкањето со извршителите и доверителите, на граѓаните им останува уште можноста да ја тужат државата, затоа што со огромно задоцнување ги известила дека имаат неплатен долг.

 

[букваЏ]

Друже слушај, секој добар адвокат ке ти каже да се повикаш на принципот на совесност и чесност. Односно, ако тебе редовно не ти праќале сметки, и при твоето не плаќање не си добил никаква опомена, го губат право да ти наплатат. За минат век посебно да не зборуваме, а постои и застареност. Министерството незнам што кажува или толкува, али законот си вели едно, и тоа е тоа.

 

[Струмикс]

Дали доколку немам платено казна од 300 евра за претицување за кое знам дека не сум крив, и планирам да одам на суд, дали е можно извршители да ми дојдат на врата?

Извршител сигурно нема да ти дојде, бидејќи они сега не наплаќаат долгови кон Р Македонија.
Може да ти дојдат од УЈП на врата и да ти побараат да ги платиш тие пари.
Но, пред да дојде до тоа, треба да те викнат во МВР на прекршочна комисија, која сигурно ќе напише решение на твоја штета, па ќе се жалиш по тоа решение, и ќе помине доста време, околу 2 години од денот на сторувањето на прекршокот, и со тоа ќе настапи застареноста.

 

[букваЏ]

Само мене ми е чудно, мојата баба имаше неплатена сметка 1 година од околу 1500 ден, и пред некој месец и стигнало дека треба да плати 15000 денари, извршител пратил тоа без претходен судски спор... Не се консултирала со мене у моментот бидејќи не бев тука, али убаво ме потсетивте. треба да се навратам на тој случај.

 

[Advokatisce]

Само мене ми е чудно, мојата баба имаше неплатена сметка 1 година од околу 1500 ден, и пред некој месец и стигнало дека треба да плати 15000 денари, извршител пратил тоа без претходен судски спор... Не се консултирала со мене у моментот бидејќи не бев тука, али убаво ме потсетивте. треба да се навратам на тој случај.

Нема шанса да немало постапка. Стигнало писмото ама најверојатно никој не реагирал

 

[bucio]

Го прашав комшијата по пат онака шо стори муабет без врска. Па ми објасни дека си идел од кај извршителот го тепал малку таму, и цела пензија ја запрел и заради него со полиции треба да се расправа, барем ќотек му удрил .

Инаку измеѓу банкарите и извршителите ништо не останува за пензионерот со минимална пензија.

 

[Zaptija Stojkov]

ГРАЃАНИТЕ НЕ САKААТ ДА ИМААТ РАБОТА СО ПРИСИЛНАТА НАПЛАТА

Извршителите блокираат и за платени сметки

Извршители пред врата за две, ама платени сметки или за камати за веќе исклучен телефон, блокирана сметка за долг од неколку денари. Ова набројување може да биде доста долго, ако се ислушаат поплаките на граѓаните кои имале какво било искуство со извршители. Иако извршувањето треба да се смета за механизам на неплаќачите за да им се наплати долгот, сепак граѓанските реакции за работата на извршителите откриваат колкав е стравот од овие луѓе.

- Мене двапати ми дојдоа извршители дома за сметки од „Топлификација“. Ништо не зедоа заради тоа што истите сметки беа двапати платени, но нели евиденцијата на фирмите е многу ажурна, вели граѓанин во својот коментар за извршителите што стаса до „Дневник“.

Не е мал бројот на граѓаните кои се жалат дека извршителите им доаѓаат на врата за да наплатат камати за услуга што веќе не ја користат.

- Ако сте платиле сметки и сте го откажале телефонот во јуни 2007 година, како може да ви испратат дека должите одредена сума за камати. А каде беа тие камати во последната платена сметка? Плус каков уплав вршат со извршителите, вели скопјанка.

Дел од граѓаните токму поради тој страв ги платиле сметките. Велат дека не сакале да имаат работа со извршители, па одлучиле да платат и нешто што не го потрошиле.

-Од „Телеком “ ми доаѓаше неколку пати опомена пред исклучување за наводни неплатени сметки кои беа платени и плус такси за неколку месеци кога воопшто не бил реализиран сообраќај. На крајот морав да платам с`, само да се спасам бидејќи немаше излез, вели друг граѓанин.

Од комората за извршители за „Дневник“ сведочеа дека најбројни сега се предметите за извршување што се однесуваат на неплатени комунални сметки, најмногу за струја од дистрибутивната компанија ЕВН. Оттаму велат дека тужат граѓани кои не плаќале сметки по повеќе од една година и тие се даваат на извршување. Наплатата на тужените побарувања сега е двојно зголемена бидејќи од лани, наместо судот, тие предмети директно ги наплаќаат извршителите. Од ЕВН велат дека сега процесот за наплата е побрз и поефикасен.

Но ниту од дистрибутивната компанија, ниту пак од ЈП „Водовод и канализација“ не информираат колкав долг наплатиле со извршители. Иако граѓаните сведочат дека деновиве „Водовод“ на големо праќа извршители за неплатени сметки, од претпријатието велат дека тие навремено ги утужуваат побарувањата за граѓаните кои не плаќале сметки повеќе од една година, а за фирмите три години.

- Во однос на побарувањата преку извршител бројката на предмети изнесува 9.964. Kако претпријатие сме задоволни од динамиката со која нотарите и извршителите си ја извршуваат својата законска обврска што подразбира и подобрување на самата наплата, велат за „Дневник“ од ЈП „Водовод и канализација“.

За седум години сите извршители во земјава од граѓаните и од фирмите наплатиле безмалку 450 милиони евра. Извршителите редовно ги наплаќаат невратените кредити, а од лани и комуналните сметки.

http://www.dnevnik.com.mk/default.asp?ItemID=A5A2173556E7064498B51059BDE8FE57

Пwewoдбата во 100 чекоwи пwодолжува...

 

[adrienne]

после 4 години Космофон тогашен, а сега One без никакво известување во меѓувреме ,за прв пат се појавува со извршител поради сметка од 500 денари која воопшто ја немаат испратено.Со што цената за тие 500 денари сега е 500 евра.Советувајте што да правам.

 

[nihilista]

ne se plasete, nikoj ne ostanal na ovoj svet, jas ne opljackav banka, ne dilav droga, ne sum makro, primer mi dale kredit i sea neam da go vratam, oni samo plasat, ne vi mozat nisto, mene eden izvrsitel (jas ke bev egzekutor na nego licno da preterase) mi rece sto imas na tvoe ime, mu vikam samo diplomi, on mi vika da si gi zakacis na zid i toa pazi izvrsitel od banka na koja ne i dolzam nisto samo sum zemal debitna karticka, a ovie na koi im dolzam bea po kulturni, im objasniv sto ste mi davale kredit jas ne ukradov pari vie ste mi dale kredit iako bev bez resenie za rabota, zatoa vi velam, ne se plasete, ednas mora da se umre a hrabriot umira ednas, sum zemal krediti ne od alcnost nego krpev kraj so kraj i sto to mozat,? Na kraj neka ti dojdat doma iskrsi sve sto imas i kazi im e zemajte sea nema nisto, edno morate da znaete oni udiraat na tie sto ke osetat deka im se plasis, mozes da gi tuzis za psihicko maltretiranje i stres na kraju krajeva luge so deca pa zaglaveni se u krediti, mora ova da se znae se ke bide samo nas nema da ne bide koga zivotot ke tece i ponatamu zatoa osvestete se, nema strav, ne se vrzuvajte za nisto materijalno, se neka zemat i niv gi ceka dva metra grob, morame da imame klasna svest i da svatime i vo praxa da go sprovedeme toa deka nie sme tie sto gi hranime niv a ne oni nas.

 

[nikola_bb]

после 4 години Космофон тогашен, а сега One без никакво известување во меѓувреме ,за прв пат се појавува со извршител поради сметка од 500 денари која воопшто ја немаат испратено.Со што цената за тие 500 денари сега е 500 евра.Советувајте што да правам.

Тужена е сметката? Не се разбирам многу ама мислам дека ако не е тужена несмеат да те чепнат само те плашат, сепак посоветувај се со некој правник

 

[adrienne]

не знам ни што е тужено ни ништо само извршител на врата..бев во One ми извадија "неплатена"сметка од пред 4 години, а јас го прекинав договорот на лице место уште тогаш...ама не го чувам тој документ ..зошто би го чувала? нема никаква логика....никој ништо не ми објаснува како е тоа возможно...како да докажам?! да идам ли директно кај извршителот да ми објасни?!?

 

[peter]

Едно лице А работи во фирма ХХ. Против лицето А има извршна пресуда, ама лицето А нема примено плата од јануари. Од фирмата XX му викаат на лицето А дека од страна на извршител во во негово име се задржани средства кои се некаде околѕу 80% од платата која фирмата му ја должи на лицето А. Дали извршителот има право да задржува средства од сметка на фирмата пред тие да легнат на сметка на лицето кон кое има извршна пресуда? Мене ми се чини дека газдите го дупат за да не му ги исплатат платите..