Acid
Frontman
- Член од
- 22 јануари 2005
- Мислења
- 35.639
- Поени од реакции
- 35.994
- Возраст
- 41
- Локација
- Скопје
- Веб-сајт
- www.kajgana.com
Возевме: Volvo V40 (видео)
Еден од најубавите хечбек автомобили што се појавија минатата година, и кој со нетрпение чекавме да го тестираме, дефинитивно е новиот Volvo V40. Иако доаѓа со висока цена, овој модел навистина има што да понуди и како естетика и како квалитет, но и како безбеден и многу штедлив автомобил.
Фото: Димитар Петровски/Кајгана
Дизајн
Volvo на V40 продолжи со атрактивниот дизајн што скандинавците го почнаа со XC60 и со S60. Заоблените линии и креативните решенија доминираат, а интересните детали се присутни и во внатрешноста и во надворешноста. Маската почнува со агресивните предни светла и спуштениот „нос“ кој го навестува спортски дух на овој модел, а преку крилата, динамичните линии продолжуваат до мускулестите задни странични блокови и завршуваат на смирените, но атрактивно дизајнирани линии на багажникот и стоп светлата.
Конкретниот модел што го возевме имаше дополнителен спортски кит за праговите, спојлерот и дифузерот и уште неколку детали што дополнително го нагласуваат убавиот изглед.
Нема сомнеж дека ова е еден од оние автомобили кои со мерак ги гледате, им ја отворате вратата за да влезете во него и се посветувате на уживањето во убаво дизајнираните линии.
Ентериер
Белата кожа во внатрешноста во комбинација со сината боја на надворешноста му даваат посебен префинет и луксузен изглед, а со оглед дека тест возилото беше со највисокото ниво на опременост, Summum немаше недостаток на опрема и додатоци. Лебдечката централна конзола е обложена со алуминиумски детали кои се присутни и на воланот и на рачките на вратите, а префинетоста се забележува и кај останатите елементи.
Фото: Димитар Петровски/Кајгана
Volvo има применето интересно решение за брзинометарот кој е единствениот кружен инструмент што се гледа низ воланот, додека останатите се поставени вертикално, а дури ни инструментот за вртежите не е претставен како круг. Но, она што е најинтересно се индикаторите за тоа колку е штедливо возењето и оној за менување на брзините. Практични и корисни податоци, ако сакате да го достигнете максимумот во економичноста на V40.
Каков е за возење?
Со оглед на тоа дека 1.6 литарскиот дизел агрегат со 115 коњски сили е направен за економичност, Volvo V40 нуди мирно и сталожено возење низ град и на отворен пат. Во градските средини Start/stop системот се грижи за дополнителната заштеда на гориво кога стоите, а индикаторите на инструмент таблата ви покажуваат кога да ги менувате брзините и колку е моторот штедлив.
Според спецификацијата овој автомобил троши само 3,6 литри, а возејќи го низ Скопје и по отворен пат, можевме да забележиме дека е исклучително штедлив.
Штедливоста на моторот, во извесна мерка, е на сметка на перформансите, па 1.6 литарски мотор често нема доволно сила ако сакате поагресивно возење и му требаат 11,9 секунди за да стигне до 100 километри на час. Неговата максимална брзина е 190 километри на час.
Фото: Димитар Петровски/Кајгана
Што ни се допадна?
Дизајнот, удобноста и економичноста на ова Volvo вистински освојуваат. Убаво е да го гледате, да го возите или да патувате со него.
Што не ни се допадна?
Главната „мана“ на овој атрактивен модел на Volvo е неговата висока цена. Замерка може да му се даде и за разликата во удобноста кога се возите на предната и задната клупа. Моделот е наменет за помлади луѓе, кои немаат фамилија, па има голема разлика во удобноста на предните седишта во однос на „тврдите“ задни седишта.
Дали е возбудлив за возење
Дизелскиот 1.6-литарски мотор се покажа одлично кога е во прашање економичноста, па со тој мотор, V40 се фокусира на практичноста и на штедливоста. Ако сакате спортско возење, како опција се достапни дизелскиот 2.0-литарски мотор со пет цилиндри, како и бензинецот со 2,5-литри зафатнина, пет цилиндри и 254 коњски сили.
Колку е атрактивен?
Убавиот дизајн и префинетата внатрешност го прават прилично атрактивен. Паркирајте го некаде каде што минуваат многу луѓе и сигурно ќе привлече еден куп погледи.
Заклучок
За цената од 31.056 евра колку што чини овој модел со највисокиот степен на опрема (тест возилото имаше дополнителен спортски кит што ја зголемува цената до 35.000 евра) добивате навистина убав и квалитетен автомобил што ќе ве заштити со бројната безбедносна опрема, и ќе ви ги заштеди парите што би ги давале за гориво. Сепак високата почетна цена значи дека Volvo V40 ќе можат да се го дозволат само мал број луѓе, или пак само оние што вистински ќе се вљубат во неговиот убав дизајн.
Погледнете го видеото
-
Еден од најубавите хечбек автомобили што се појавија минатата година, и кој со нетрпение чекавме да го тестираме, дефинитивно е новиот Volvo V40. Иако доаѓа со висока цена, овој модел навистина има што да понуди и како естетика и како квалитет, но и како безбеден и многу штедлив автомобил.
Фото: Димитар Петровски/Кајгана
Дизајн
Volvo на V40 продолжи со атрактивниот дизајн што скандинавците го почнаа со XC60 и со S60. Заоблените линии и креативните решенија доминираат, а интересните детали се присутни и во внатрешноста и во надворешноста. Маската почнува со агресивните предни светла и спуштениот „нос“ кој го навестува спортски дух на овој модел, а преку крилата, динамичните линии продолжуваат до мускулестите задни странични блокови и завршуваат на смирените, но атрактивно дизајнирани линии на багажникот и стоп светлата.
Конкретниот модел што го возевме имаше дополнителен спортски кит за праговите, спојлерот и дифузерот и уште неколку детали што дополнително го нагласуваат убавиот изглед.
Нема сомнеж дека ова е еден од оние автомобили кои со мерак ги гледате, им ја отворате вратата за да влезете во него и се посветувате на уживањето во убаво дизајнираните линии.
Ентериер
Белата кожа во внатрешноста во комбинација со сината боја на надворешноста му даваат посебен префинет и луксузен изглед, а со оглед дека тест возилото беше со највисокото ниво на опременост, Summum немаше недостаток на опрема и додатоци. Лебдечката централна конзола е обложена со алуминиумски детали кои се присутни и на воланот и на рачките на вратите, а префинетоста се забележува и кај останатите елементи.
Фото: Димитар Петровски/Кајгана
Volvo има применето интересно решение за брзинометарот кој е единствениот кружен инструмент што се гледа низ воланот, додека останатите се поставени вертикално, а дури ни инструментот за вртежите не е претставен како круг. Но, она што е најинтересно се индикаторите за тоа колку е штедливо возењето и оној за менување на брзините. Практични и корисни податоци, ако сакате да го достигнете максимумот во економичноста на V40.
Каков е за возење?
Со оглед на тоа дека 1.6 литарскиот дизел агрегат со 115 коњски сили е направен за економичност, Volvo V40 нуди мирно и сталожено возење низ град и на отворен пат. Во градските средини Start/stop системот се грижи за дополнителната заштеда на гориво кога стоите, а индикаторите на инструмент таблата ви покажуваат кога да ги менувате брзините и колку е моторот штедлив.
Според спецификацијата овој автомобил троши само 3,6 литри, а возејќи го низ Скопје и по отворен пат, можевме да забележиме дека е исклучително штедлив.
Штедливоста на моторот, во извесна мерка, е на сметка на перформансите, па 1.6 литарски мотор често нема доволно сила ако сакате поагресивно возење и му требаат 11,9 секунди за да стигне до 100 километри на час. Неговата максимална брзина е 190 километри на час.
Фото: Димитар Петровски/Кајгана
Што ни се допадна?
Дизајнот, удобноста и економичноста на ова Volvo вистински освојуваат. Убаво е да го гледате, да го возите или да патувате со него.
Што не ни се допадна?
Главната „мана“ на овој атрактивен модел на Volvo е неговата висока цена. Замерка може да му се даде и за разликата во удобноста кога се возите на предната и задната клупа. Моделот е наменет за помлади луѓе, кои немаат фамилија, па има голема разлика во удобноста на предните седишта во однос на „тврдите“ задни седишта.
Дали е возбудлив за возење
Дизелскиот 1.6-литарски мотор се покажа одлично кога е во прашање економичноста, па со тој мотор, V40 се фокусира на практичноста и на штедливоста. Ако сакате спортско возење, како опција се достапни дизелскиот 2.0-литарски мотор со пет цилиндри, како и бензинецот со 2,5-литри зафатнина, пет цилиндри и 254 коњски сили.
Колку е атрактивен?
Убавиот дизајн и префинетата внатрешност го прават прилично атрактивен. Паркирајте го некаде каде што минуваат многу луѓе и сигурно ќе привлече еден куп погледи.
Заклучок
За цената од 31.056 евра колку што чини овој модел со највисокиот степен на опрема (тест возилото имаше дополнителен спортски кит што ја зголемува цената до 35.000 евра) добивате навистина убав и квалитетен автомобил што ќе ве заштити со бројната безбедносна опрема, и ќе ви ги заштеди парите што би ги давале за гориво. Сепак високата почетна цена значи дека Volvo V40 ќе можат да се го дозволат само мал број луѓе, или пак само оние што вистински ќе се вљубат во неговиот убав дизајн.
Погледнете го видеото
-
Одличен дизајн.
Секој мерак си има своја цена
мада јас мислам дека и аутово малце повеќе е преценето ...
