Најглупавата работа во Бетмен-Супермен-Ароу-Шмароу серијалите е идеалот кој е ограничен на еден мочан град. Готам-Метрополис-Старлинг... Па ќе го заштителе градот од луѓето кои биле корумпирани во него, како до вчера да немало корупција и градот така од поштеноќа станал мегаполис. Како да растеле во градчето Идн кога биле деца па сега некои лоши чичковци им го упропастиле и овие ќе го бранат. Како градот да е град-држава кој нема врска со остатокот од светот, па ќе направиш една листа и ќе го зачистиш, и од утре сите ќе си живеат среќно до крајот на животот.
Па после толку поезија околу правдата... правдата е производ на егото, она што е праведно за Бетмен не е праведно за Ароу и обратно. Ако за Бетмен е праведно да го испрати скотот зад решетки, Ароу за истото или помало злодело е спремен да му свирне стрела меѓу уши. И двајцата цепидлачат за правдата.
Ако има добра акција тогаш вреди да се гледа. Останативе идеали и морални дилеми, малку потешко.
