Лондонските „чекани“ се водат по старата „ако е забавено, да не е заборавено“, па при крајот на преодниот рок наводно излегоа со официјална понуда за нашиот Горан Пандев.
Сагата „Пандев“ се развлекува веќе подолго време и се чинеше дека македонскиот напаѓач ќе остане во Лацио, каде што во последно време не се чувствува среќно и сака да ја промени средината.
Според италијанските медиуми, римскиот клуб ја прифатил понудата на Вест Хем од 5 милиони евра, плус дополнителната клаузула што налага Вест Хем да му исплати на Лацио половина од сумата што ќе ја добие за Пандев, доколку тој си замине од клубот во следните две години.
Овој трансфер би бил идеално решение за Вест Хем, Лацио, како и за самиот Пандев. Претседателот на небесно-сините Клаудио Лотито би ризикувал да го загуби Пандев како слободен играч идното лето доколку не го продаде сега, затоа што македонскиот центарфор има уште една година од договорот со Лацио, а обновување засега не доаѓа во предвид.
Спортскиот директор на Лацио Игли Таре за медиумите изјави дека Лацио не го „малтретира“ Пандев со тоа што го изостави од првиот состав, пријавените играчи за Лига Европа, па дури и од клупата за резервни играчи. Сепак, дваесет и шест годишниот Пандев е незадоволен од односот на клубот кон него и сака да ги промени клупските бои што побрзо.
Пандев беше поврзуван и со трансфер во Зенит од Санкт Петерсбург, но Горан го одби трансферот во Русија, верувајќи дека до крајот на преодниот рок ќе добие понуда од друг европски клуб.
Ако се’ оди по плановите на Џанфранко Зола, Пандев би бил во првиот состав на Вест Хем за дуелот на „чеканите“ против Блекбурн Роверс.
Кајгана.
lee:
