Пребарувајки низ гугл случајно наидов на ова:
Забрана за ноќно возење за почетниците
Со одредбите во Законот за безбедност во патниот сообраќај се ограничува движењето на мотоциклистите, особено на возачите почетници до 21 година и на тие што немаат најмалку двегодишно возачко искуство. Ограничувањето за овие категории возачи, кои не смеат да управуваат мотоцикл, трицикл или четирицикл, во периодот од 23 до 5 часот наутро, е една од безбедносните мерки. Покрај забраната за ноќно возење, тие не смеат да возат мотоцикли со моќ поголема од 25 киловати.
исто и ова:
Забраната за управување со мотоцикл, трицикл или четирицикл во периодот од 23 до 5 часот важи само за возачи почетници, односно лица на возраст до 21 година или со двегодишно возачко искуство.
„Ваквите ограничувања за возачите почетници е европски стандард кој настојува да се постигне поголема заштита во сообраќајот на младата популацијата и децата“, изјави вчера министерката за внатрешни работи, Гордана Јанкулоска, појаснувајќи ги одредбите од новиот Закон за безбедност во патниот сообраќај.
Јас како што знам, возење на скутери воопшто не е дозволено во периодот 23-05 за сите категории на возачи. Има ли некоја измена во Законот за сообраќај со која јас не сум запознаен ?
