Последен гледан филм со кратка рецензија

[Tonchie]

Blue Crush 2 (2011)

Блу Краш 2, очекував да биде сурферска лимонада од филм, ама не толку лоша колку што испадна на крај. За разлика од првиот дел кој е добра лимонада, овој не е.
Привлечна млада дама од Лос Анџелес, со бутовен дух, фрис спирит ен шит сурфа секој ден и еден ден дешава да оди по стапките на мајка и која ја изгубила кога имала 5 години. Фаќа авион и лета за Јужна Африка каде што упаѓа у една хипи комуна од сурфери. Нејзината најдобра другарка таму има желба да стане официјална сурферка на Roxy. У меѓувреме двајца момци се борат за кој да ја ќари рибава.
Дугачко, досадно, предвидливо. И тиња саундтрак. У првиот дел барем саундтракот беше 9/10. Овде севкупно 2/10

 

[bucio]

Neprijatelj.



Секој гледа тоа што сака да види, тоа е пораката на филмот. Инаку дејствието е во Босна седум дена после завршување на војната. Мала единица се наоѓа околу една стратешка точка каде што било линијата на разграничување, нивна задача е да го деминираат теренот од нивни и од непријателски мини. Филмот почнува да се расплетува кога во блиската фабрика ќе најдат човек заѕидан во една просторија, и кој што е цивил. Околу тој човек си кријат големи мистерии и големи недоразбирање. Добро филмче мене не ми беше некој тежок неразбирлив трилер затоа што ја разбрав пораката од тој филм.

 

[Filmakedon]

The Pianist (2002)

Извонреден филм кој може да се носи рамо до рамо со Шиндлеровата листа. Роман Полaнски убедливо не води до чувство на револт и бес и не прави немоќни пред силата на човечкото лудило. Ни влева чувство на несигурност од сопствениот вид... од самите себе. Никој не може да помине низ животот на тој што секојдневно живеел во голгота на ужас, болка и неразбирање на реалноста. Животот во надеж која е безначајна кога се полнат возовите чиј правец е единствено кон смртта. Никој од нас не може да се поистовети со некој од ликовите, никој не може да влезе во нивната кожа, да го разбере нивното однесување, да го почувствуа нивниот страв... Гледаме немо кон историски факт од кој сите се грозиме... а кој нашиот вид го изврши. Филмот е еден историски документ за воените години во Варшава... еден од најпогодените градови. Еврејската заедница е наполно уништена на крвнички и крајно безчувствителен начин од нацитичка Германија... Еден млад пијанист, по име Владислав Шпилман, успева да побегне од колективното депортирање и започнува борба за опстанок во Варшава. Испреплетено низ повеќе случувања, добиваме слика за изгубениот соживот на полскиот народ со Евреите, појавата на првите струи на револт против окупаторот како и негирање на општото убедување за ѕверството на германците.

 

[Vlatko_Gjorce]

Desperate Hours (1990)

oд Michael Cimino, кој се прославил со неговиот втор филм The Deer Hunter (1978)(кој доби 5 оскари и се смета за еден од најдобрите анти-воени филмови) и си ја уништил кариерата со наредниот - Heaven's Gate (1980), кој требало да биде лоу-буџет вестерн но Cimino тотално изгубил контрола над снимањето и буџетот и крајниот резултат бил филм од 5 саата (!) кој, по убедување, го скратил на пола - 2 и пол саата, филм кој не го вратил баајги надминатиот буџет и наишол на лош прием кај критиката, и поради кој ќе банкротирале United Artist, па нормално што никој после ова нејќел да го ангажира.

(Не знаев, сега видов дека) филмов е римејк на некој од 55та со Х. Богарт (The Desperate Hours (1955)).
Претпоставувам дека оригиналот е многу подобар, зашто римејков е клише заложничка драма, што значи предвидлив до коска, со слабо сценарио поради кое пати добриот кастинг - Мики Рурк, Ентони Хопкинс, Елиас Котеас, Мими Роџерс, Дејвид Морс, Кели Линч...така да, нема зашто некој да си го губи времето со овој...
Оцената на IMDB e таман - просечна 5ка.

Нареден за гледање - Lenny со Дастин Хофман, биографски за некој стендап комичар, се смета за еден од најдобрите црно-бели филмови, па ако успеам да скоцкам некаква рецензија пошто не ме бидува, ќе пишам нешто за овој...

 

[Figaro]

The lives of others (2006)

Германски филм ,во филмот е прикажано начинот на кој тајната полиција на Германија (Штаци) се однесува со луѓето кои не се согласуваат со актуелната власт. Дејствието се случува во источен Берлин во 1984 година и под лупа е ставен успешен драматург . Оцената на IMDb конечно да е реална 8.5

 

[Ендорфиниус]

X - Men : First Class

​

- Филмот инаку не е продолжение на досегашната приказна. Всушност станува за збор за корените и првото колено на мутанти, деца кои ги откриваат и стануваат свесни за своите супернатурал моќи. Приказната започнува со Ерик (Магнито) кој како дете минува тежок и трнлив период низ логорите за време на Втората СВ, а од друга страна е запознавањето на Чарлс (Проф. Х) и Рејвен (Мистик) и нивниот животен тек како брат и сестра. После 20ина години Чарлс докторира на теза за мутантските гени, која го прави релативно познат, по што него го контактира агетка на ЦИА која беше сведок на убиство од страна на мутанти. Тие формираат своја посебна група која се обидува да ги открие мутантите со зли намери (благодарение на моќите на Чарлс), по што реализираат дека всушност се работи за голем заговор и можно иницирање на Трета СВ помеѓу САД и СССР. Чарлс седнува на работа и почнува да пронаоѓа мутанти насекаде низ светот (со помош на Серибро), формира своја трупа на борци која тргнува во поход кој спречување на најлошото ..

Бидејќи ми се гледани претходните делови од поодамна, кога разбрав пред некој ден дека има излезено нов филм од Х Мен, ме заинтригира и синоќа му седнав (јбг уште сум слаб на супер хироу мувис ). Да бидам искрен, приказната беше доста добра и филмот ги надмина сите претходни 3 дела заедно собрани, барем судејќи по мој вкус. Препорака до сите кои ги имаат гледано претходните делови, обавезно. Посебно јако е обработено големото пријателство помеѓу Чарлс и Ерик, што и како подоцна се има испречено помеѓу нив и разидувањето на нивните патишта.

 

[Blondi]

We Bought a Zoo (2011)​

Жанр- фамилијарна драма
Улоги- Скарлет Јохансон , Мет Дејмон...

Одма да кажам дека нема да бидам баш објективна кога ќе пишувам за филмов, бидејќи Скарлет Јохансон(мојата омилена актерка и идол) е во главна улога и ќе бидам пристрасна...Доколку друга актерка би играла во филмов дефинитивно нема да му дадам солидна оцена и позитивна критика...
Иако е снимен според вистинска приказна, сепак не ми е баш реално дел тоа се случуваше...
Имено се работи за еден млад вдовец и новинар (Мет Дејмон) со две мали деца, кој целиот свој живот го поминал во авантури, снимајќи репортажи насекаде по светот, додека неговата сопруга се грижела за децата и домот...Но сега е све променето...Решаваат да почнат од почеток...Тој ја продава куќата, ја напушта работата и со децата се селат во друга куќа, на периферија од градот...Заедно со куќата ја купуваат и зоолошката градина во склоп со неа...Но таа е напуштена и животните не се баш добро одгледувани...Таму се запознаваат со персоналот на зоолошката, кадешто главна е Кели (Скарлет Јохансон) и решаваат градината комплетно да ја реновираат и да ја отворат за посетители...
Глумата и сценографијата многу ми се допаднаа....Скарлет е прекрасна како и секогаш...
Од мене оцена 7/10 (заради Скарлет) инаку филмот ми е просечен...
Во животот не е секогаш така розево..Не секогаш можеш да оставиш све и да купиш зоолошка градина руинирана и да ја направиш атракција, воедно и да се заљубиш, па дури и за син ти да се најде друштво...

 

[Vespertine]

Haywire

Акција, како што знаете сите тука јас неам промашено филм, значи моја препорука е врх. Така да не се двоумете и погледнете го филмот во кој што се раскажува за една девојка што тепа и пука, и други агенти во неа пукаат, ама она тепа брате. Има добри сцени, ептем добри сцени... акциони добри сцени како на пример на почеток кога пукна првиот куршум или кога девојката тепа, значи стварно тепа.
Режија Стивен Содерберг. Улогите ги толкуваа: поима немам која е девојката али добро глуми, и тој дечкото фацата од романтични комедии го има, и го има антонио бандерас и Иан мекгрегор го има и мајкл даглас, и таткото на девојката е познат глумец само заборавив како се вика. Поздрав.

 

[Ilumious]

Fracture (2007)

На филмов налетав случајно, претурајќи по имдб и барање на занимација. Да бидам искрена прв пат слушнав за него, можно е да бил дискутиран во темата за генерална дискусија ама јас немам видено.

Вили Бичам (Гослинг) е успешен млад адвокат кој има одличен процент на добиени случаи во своја полза и во исчекување е на ново работно место. Моменти пред да ја напушти старата работа, добива повик од неговиот шеф да заврши една навидум рутинска работа, не претпоставувајќи дека тој случај ќе стане негова агонија и опседнатост во исто време, но и најтежок случај во кариерата. Од другата страна пак го имаме Тед Крофорд (Хопкинс) кој пука во неговата жена со намера да ја убие но со пред тоа одлично осмислен план како да се ослободи од обвиненијата, иако исходот изгледа преочигледен.
Нема епитети со кои може да се опише глумата на овие два централни карактери. Хопкинс - стандард, зарем треба да се трошат зборови за ваков актер? Уште една улога на негативец изглумена на негово ниво. За Гослинг во филмов само може да се каже дека е јасно зошто неговата кариера за толку брзо време има добиено таков експоненцијален тек. Неговата агонија и немоќ на почетокот се претворија во вистинска пасија потоа, кои Гослинг ни ги прикажа на исто ниво како и неговиот противник Хопкинс што ни ја покажа неговата добро позната ладнокрвност. Навистина не можам да одлучам кој од нив двајца подобро одглуми во филмов.

Што се однесува до самиот филм, тој припаѓа во оние филмови за кои се вели дека нема да почувствувате кога поминало времето. Многу точно. Но имам само една замерка за крајот - пребрзо се расплети дејството, дури и како да протрчале сценаристите во тој дел. Зборувам за

Спојлер

начинот на кој Гослинг дојде до доказот. Па и уште на крајот кога неосетно му влезе дома. И што беше глупоста со телефоните на масата кога се потенцираше дека инспекторот има ист телефон како Гослинг? Погрешно наведување, на моменти почнав да мислам дека и инспекторот е вмешан во тоа. Според мене многу непотребна сцена.

Како и да е, сепак го препорачувам филмов, одлична глума како што нагласив, без премногу ликови и објаснување зошто Гослинг е меѓу најдобрите (помлади) актери во моментов.

8/10, поради забелешките во спојлерот.

 

[alex-st]

Brake (2012)

Jeremy Reins е агент вработен во Тајната служба на САД.Филмот започнува со сцената кога тој се буди заробен во некаква стаклена кутија сместен во багажник на автомобил и единствено што поседува во тој момент е радио станица преку која успева да дојде до контакт со некои луѓе. Агентот е киднапиран се со цел да ја каже тајната локација на претседателскиот бункер (заштита при евентуален терористички напад). При различен сплет на околностите, успева да дојде до мобилен телефон и да ги предупреди колегите за настанатата ситуација. Се што би кажал натаму, би било спојлер. Одлична акција, доста напнато до самиот крај, ако сте љубител на ваквите филмови (посебно Buried) ова е вистинскиот филм за вас. Слободно може да го погледнете и трејлерот, на никој начин нема да добиете непотребни информации кои би ви го уништие задоволството при гледањето. Крајот е феноменален, многу добро смислено сценарио. На IMDb има оцена 5.9/10, јас би му дал 8/10.

 

[Mamba.]

Shanghai Noon (2000)

Чон Ванг е чувар на кралот на Кина.Кога принцезата Пеи Пеи е киднапирана од Забранетиот град Ванг се чувствува одговорен и ќе тргне во потрага по неа во САД заедно со уште тројца чувари.Во Невада тој е одвоен од групата и наскоро ќе се сретне со крадецот Рој О'Банон...да не пишам уште оти може да кажам нешто што не треба.
Се на се добар, интересен филм...иако ми беше гледан повеќе пати морав пак да го изгледам.

Оценка - 6/10

 

[jasisamojas]

Hysteria (2011)
http://www.imdb.com/title/tt1435513/
Во овој филм дознаваме како е дојдено до идејата да се измисли првиот вибратор за жени.
Во 1880 година голем број од жените во Англија добиваат необични и мистериозни симптоми, кои наликуваат на епидемија: нервоза, силно чувство на надразливост, анкциозност итн.
Еден лекар ја нарекува оваа „болест„ хистерија.
Занимилив и интересен филм, со мошне комични сцени. Моја субјективна оценка 5,5/10.

 

[Io Sono Interista]

Cronicle (2012)

Ова ми е втор гледан филм од Оскарите наваму, ако не сум подзаборавил нешто. Како нема што да се види, и добро е што не гледам. Новиве филмови се толку лоши и неинвентивни што ТВ сериите ги убиваат во поим, а некогаш ТВ-то се сметаше за втора лига. И сега е така според буџетот, но филмовите се помалку го оправдуваат.

Како и да е, овој филм не беше лош. Јас имам thing за shaky camera филмови уште од Blair Wich Project, но овој филм тотално ме изненади. Започнува со едноставни сцени па оди кон сцени кои бараат малку ефекти и понатаму кон тотална акција. Може да е почуствува како работите полека бегаат од контрола. Ова е филм за „обични суперхерои“ или за суперхерои кои не го исполнуваат потенцијалот. Личи на prequal на некој филм затоа што завршува онаму каде што би започнал приказната за некој суперхерој, без да знаеме за неговото минато.

Ме изненади комбинацијата на жанровите што е доказ дека shaky camera филмовите имаат перпектива, ако има добри идеи. Како и да е, и покрај тоа што актерите се добри и Dane DeHaan многу потсетува на младиот Леонардо Ди Каприо, премалку време е посветено на приказната и на изградба на ликовите, т.е. нивното пријателство, желби, амбиции, врски... нешто што ќе направеше да се поврземе со нив емотивно и да го доживееме филмот до максимум. Според мене требаше да биде 20-30 минути подолг за да се оствари ова.

Во секој случај, 7.5/10. Не е Cloverfield, ама не е лош.

 

[Goxyto]

This Means War (2012)​

​

​

​

Почетокот на филмот ми делуваше како многу сериозен филм, али понатаму се работеше само за една сторија која на моменти беше досадна за следење. Можеби затоа што филмот е 2012та ме натера да го догледам до крај. Сета таа технологија што е вметната во филмот... (Атеншн! Премногу Аппле продукти! ) ме остави да го догледам до крај. Грешки во филмот има неколку. Филмот започнува во Хонг Конг со сторија околу еден германец (?) и смртта на неговиот брат, па потоа цел филм не се спомнува германецот за да на крај тој дојде во Л.А. и да се обиде да ги убие детективите. Ха. Многу е и нереален. Еден против десеттина души, овој со М9 ги убива сите со по еден пуц-пуц. No sense.

Риз Винтерспун, предобра глумица. Или пак само преубава?

На ИМДБ има оценка 6.5... многу му е, јас би му дал 5/10.

 

[Figaro]

All good things (2010)

Интересен крими-драма филм со одличен актерски тим, Рајан Гослинг,Кирстен Данст и Френк Ланџела .Дејвид Маркс (Гослинг) е син на Сенфорд Маркс ( Ланџела) кој е сопственик на голема и успешна компанија. Дејвид никогаш не сакал да се бави со бизнисот на татко му,затоа ќе отворат продавница со својата жена Кети Маркс(Данст).Уште пред да почнат да ја водат продавницата таткото на Дејвид ќе ги разубеди и двајцата ќе се преселат во Њујорк,каде што Дејвид ќе работи во фирмата . Проблемите започнуваат кога Дејвид ќе и каже дека не сака никогаш да има деца . Интересно станува кога Кети ќе ја види мрачната страна на Дејвид. Приказната е вистинска и ликот на дејвид е сеуште жив. Улогите на сите глумци се погодени перфектно,посебно на Рајан. Моја оцена 7.5