Рудници и
ООЗТ Рудници и железарница - Скопје
- Член од
- 9 декември 2009
- Мислења
- 12.162
- Поени од реакции
- 18.203
Еве го и нивниот двокатен модел, далеку подобар на изглед од Јутонг.А сигурно и далеку поквалитетен.А кредитот бил земен од Санос за покривање на превисоката банкарска гаранција која била побарана од владата.Значи, биле премногу сигурни или во квалитетот (неспорно) или во нечие ветување (најверојатно се сменале работите со Орце Камчев и неговите врски со Кинезите).
Еве го и нивниот ретро модел...познат од негде?
Три модели понудија тогаш, еве уште еден ретро модел во средината...тој простор е доста бескорисен кај моделот горе т.е. сега кај Јутонг.
И да, Санос баш со овие модели горе се пријави на тендерот за нови автобуси за ЈСП.Ако се сеќавам добро Јутонг се Еуро 4 (за ЛАЗ сум сигурен), а Санос нуделе Еуро 5 модели.Веста е од Февруари 2009-та.
САНОС ТВРДИ ДЕКА ИМА НАЈПОВОЛНА ПОНУДА НА ТЕНДЕРОТ ЗА НАБАВКА НА 302 ДВОКАТНИ АВТОБУСИ
Странските понудувачи на тендерот за набавка на 302 двокатни автобуси не треба да се фаворизират на штета на домашниот производител на автобуси САНОС кој конкурира со најприфатлива понуда, оцени денеска на прес-конференција сопственикот на САНОС Славе Распашковски.
Според него, САНОС и стои на располагање на Владата најповолно и најквалитено да ги произведе бараните автобуси, да овозможи нивно одржување во периодот на експлоатација и да отвори 300 нови работни места.
- Нашата понуда е најповолна и практично најниска бидејќи за само 662 евра по автобус повеќе во однос на кинескиот понудувач, САНОС нуди мотор Еуро 5 и друга опрема чија вредност е над 10.000 евра, рече на денешната прес-конференција Распашковски.
Тој тврди дека од почнувањето на постапката за набавка на новите автобуси во изминатата година не е излезено во пресрет на ниту едно барање на САНОС за техничко прилагодување на бараниот тип автобус. Наспроти тоа, рече Распашковски, имаше низа исполнувања на барањата на кинеските понудувачи.
Според Распашковски, со правилата на тендерот не се зема предвид фактот дека светската економска киза ја чувствуваат и домашните производители и банки и оти ќе биде многу тешко да се издаде бараната банкарска гаранција. Тоа, укажа Распашковски, практично значи изложеност на износ од над 20 милиони евра, а една третина од тој износ останува блокиран капитал скоро три години.
Покрај САНОС на тендерот за набавка на 302 новопроизведени двокатни автобуси од кои 300 од затворен тип и два од отворен тип за градскиот сообраќај, се пријавија и кинеската „групација Џенгџоу Јутонг“, бугарската „Кинг Лонг ООД“ и „Пре-ос ДОО“ од Словачка.
Министерството за транспорт и врски на 20 јануари најави дека комисија за спроведување на јавната набавка ќе изврши преглед на комплетноста и валидноста на доставената документација, како и евалуација на пристигнатите понуди, по што ќе одбере најповолен понудувач.
А сликава е како потврда дека нешто очигледно работат, сликано во Ноември 2011 на влезот од фабриката:
