Здраво,
доста нервозен од техномаркет и нивната приказна, налетав на овој форум. И скоро цел го прочитав, изгубив доста време, но овој е единствен форум во мк активен на оваа тема, затоа ќе се пробам да споделам, а можеби и да добијам некој совет.
Климата која ја купивме лани во август од техномаркет е
HITACHI RAS/RAC-E14H2
Баравме H1 (јапонска, така видов на нет), но немале такви во техномаркет и не убедија дека иста е и оваа. Планот (кој им го кажавме на техномаркет) беше да загреваме дома 40-45 квадрати. Во принцип ние тоа намерно го кажувавме, но потреба од тоа имавме можеби само 2-3дена во годината, најчесто потребата за греење беше 25квадрати (по потреба може да се смали и на 16). И тоа не преку цело зимо, туку само во октомври и ноември и во пролет, март - мај. За другиот дел од годината имаме одлично парно. Изолацијата на куќата е добра (не велам одлична, но добра) затоа што во лето е многу поладно внатре од надвор, а и во зимо дома е осетно потопло од надвор.
Е сега се покажа во октомври дека климава не може да загрее 45 квадрати, па решивме да се задоволиме со 25 и на крај со 16. Но во ноември се покажа дека не може ни 16. Ајде сервис - празна била. По 1недела нешто подобро работење, пак иста песна, дува ладен воздух. Ај пак сервис, грешно ја намонтирале као, свиткале некои цевки, ајде пак поправка. Овој пат ни 2 дена не работеше ко шо треба и пак почна да дува ладно. Престанаа да идат, игнорантски однос, помина цела зима, за конечно во март да дојде сервис. Констатира - исправна била. Ајде пак молење дојде сервис во јуни, и констатира дека
не е исправна. Ја зедоа на сервис (демонтажа) и ја вратија во почеток на август назад. Ја вратија исчукана, исцрнета, и и недостигаа 3 дела (видливи). Ми велат ги загубиле во транспортот, и ја оштетиле во транспортот. Недостигаа 1 на надворешниот дел, и 2 пластики од внатрешниот. Не сакавме да ја примиме таква, но не убедија дека за некој ден ќе ги донесат деловите што фалат. До денес никој ништо не донесол. Апсолутно ништо. Гаранцијата истекува во вторник, јас појма немам дали ја поправиле и дали ќе ги донесат деловите. Да проверам дали работи не можам на 35степени надвор
Као ако сум плател 1000денари за сервис, ќе ми продолжеле гаранција за 1година. И на тоа се сложив, и сега не идат ни сервис да направат, како да чекаат да помине гарантниот рок.
Откако многу се изнервирав од вчера почнаа да ми вртат друг филм, дека кој ме терал да купам ваква клима, немало никогаш да сум задоволен, затоа ќе ми ги врателе парите, или ќе ми заменеле со друга со доплата, демек тие ќе ми препорачале. После никаквово искуство се што сакам е да си ги земам парите од кај нив ( и се надевам ќе се случи тоа) и да си купам нов климатизер. Дури и да не си ги земам сега (можеби ќе успеам некогаш), сакам да купам нов затоа што моето здравје и време ми е поважно од тие 500евра. Што препорачувате? Јас имам одлично искуство со
Mitsubishi MSZ-GA25VA / MUZ-GA25VA. Кога велам одлично тоа значи навистина одлично, тестирана на температури до -15, грее без проблем 24квадрати и тоа постигнува пријатна температура за многу брзо време. Кога ќе ја пуштиш 10-15мин не прави ништо, дреми, нешто се слуша тивко, и потоа почнува да работи. Кога ќе почне да работи - е тогаш прави чуда
Кога сакав да купиме овој бренд во мк никаде не го најдов. Гледам низ темава доста добри коментари за Toshiba од енергија. Како една фирма во мк не сети да носи нормални клими, па макар и да се скапи. Си велам има нормални луѓе во Македонија кои би дале и до 1000евра за клима што ќе ја користат 10+ години. Иначе, во Бугарија не мислам да одам, ниту во Грција ниту во Србија, освен ако некој не знае добар совет како да нарачам, да платам транспорт и да ја добијам климата во мк. Кога купувавме клима лани, се јавив во Фонко и ми рекоа дека за греење не препорачувале и не продавале од нивните клими. Чудно!? да се сменило тоа досега, затоа што видов овде беше спомнуван и фонко. Како што реков - совет навистина ми е потребен и ќе бидам навистина благодарен.
