Последен гледан филм со кратка рецензија

[bucio]

Tri palme za dve bitange i ribicu.



Српски филм со дејствие за време на санкциите кон Србија. Филм за битанги и риба кои што сонуваат за своите палми, за егзотично место подалеку од суровата реалност на беспарица сиромаштија пирамидални штедилници итн. Комедија филм за ведрата страна на животот прикажувајќи доста темни нешта од истиот тој живот. Неколку пати ми е гледан а последно сега.....

 

[Filmakedon]

Прво и второ продолжение. Филм кој го одбележа крајот на една ера. 10 години Хари Потер. Реално гледано, како не голем фан на Роулинг, изборот за крај на сериалот ми делува прилично многу едноставен и веќе виден... Финалната борба со Лорд Волдеморт е напната, има возбудливи моменти, но крајот е премногу едноставен... Режисерот, а воедно и авторката, не успеваат да допрат до емоциите на гледачот/читателот... Ова е мој личен впечаток! Можеби и овој суд го носам зошто сосема поинаку сакав да заврши сериалот...
7/10

 

[^^GoRiLLaZ^^]

The Cameraman (1928)​

Добар глумец т.е. конкурент на Чаплин, сепак Чарли никој не го заменува. Околу филмов, Buster Keaton е камерман... па така следејќи ја личноста што работи во MGM Newsreels, ќе се заљуби во неа... значи типов е тотална будала во филмов, кој само глупости му се случуваат...

Оценка: 9/10

Одлично филмче, ме изненади глумецов... продолжуваме со исто темпо од неговиве филмови. Следно за гледање од него: Sherlock Jr. (1924)

 

[wot]

My Left Foot (1989)

\

Oпак филм. И како не би, Daniel Day-Мotherfuckin-Lewis. Кој уште овој филм му фалеше да го изгледам за да го пласирам во моите топ 5 глумци. И заслужено, човече, како и легурата, овај златото, статуетката од академците за улогава. Филмов е уствари биографска драма (својствено за актеров, премногу вакви преферира меѓу големите, профитабилни) за Christy Brown кој е роден со некоја парализа, да не барам стручни термини и преводи дека не ни запамтив баш и единствено функционално му е неговата лева нога. Која подоцна ќе ја користи за само-изразување, цртање и пишување. Но не е се така пеперутки и виножита duuuh, тој е роден во сиромашно 6-7члено ирско семејство со клише мајка со енормно срце и татко со низок ајкју кој пие, но сепак е авторитет меѓудругото благодарение на повременото насилство. Карактерот на Даниел ќе го развие докторката која ќе го запримети неговиот талент, и меѓудругото ќе го вметне во програмата за децата со вакви потреби, ќе го научи потечно да збори, да ја опушта вкочанесто и слични ствари како да се бори против "бенефициите" oд неговата болест. Dr. Eileen Cole: If you work with me, I'll help you say "fuck off" more clearly. Харизмата и блискоста од докторкава ќе бидат доволни за тој да се заљуби во неа, и да му биде уште една задоцнета лекција во животот. Да не пишувам повеќе, преубав филм и секако вреди да се погледне. Бел бумбар од мене.

 

[AceStr]

August rush

Совршенство, филм кој нема на никого да го остави рамбнодушен. Прекрасна приказна , со премногу чувства исполнета со добра музика.станува збор за двајца музичари , кои случајно имаат син ... Греота е да се расказува овај филм , мора да се погледне
10/10

Sorority Row

Интересен трилер , се започнува на една забава со една игра на група девојки кои сакаат да се пошегуваат со момчето на една своја другарка но завшува трагично а после некој ги демнее...
7/10

 

[IgorChete]

Hanna (2011) IMDB - 7.1/10

Акционен филм режиран од Joe Wright, во главни улоги се младата Saoirse Ronan, Eric Bana и Cate Blanchett. Се работи за таен агент ,кој се крие од својот поранешен работодавец Мариса, и неговата ќерка Хана кои мораат да ја убијат Мариса за да преживеат. Филмов е исполнет со акциони сцени кои ќе ви го одземат здивот, добра приказна и одлична музика.
Музиката е од Chemical Brothers, и морам да признаам дека одлично си ја завршиле работата, саунтрекот е подобар и од оној на Daft Punk во филмот Tron: Legacy.
Младата и надежна актерка Ронан одлично глуми во овој филм и уште еднаш докажува дека наскоро ќе стане меѓу најдобрите женски актерки. Има само 17 години, а веќе има номинација за Оскар со филмот Atonement, исто така режиран од Joe Wright.
Приказната е добра, но не е баш разработена како што треба и во филмот има неколку дупки во приказната, но не доволно големи за да го расипат филмот.
Топла препорака.
8/10

 

[Filmakedon]

Inglorious Bastard (2009)

Режија: Квентин Тарантино. Станува збор за заговорот против Нацистичкото раководство и одмаздата на една млада еврејка која поради режимот го загуби целото свое семејство. Дефинитивно оригинална фиктивна реконтрукција на крајот на Втората светска војна... Крај кој ќе го изненди секого и штета што е само филм
Бред Пит во улога на водич на `копилињата`, Амeриканец со јужњачки акцент. Обрнете внимание на неговиот италијaнски
10/10

 

[Figaro]

Chinese coffee (2000)

Одлична драма со Ал Пачино и Џери Орбах , двајцата се неуспешни писатели, целото дејствие на филмот се случува во станот на Манхајм (Џери) кој всушност не е писател, и цел живот жали зашто не станал писател а многу добро начитан човек и критичар. Има многу долги дискусии помеѓу двајцата актери во целиот филм за поената на живеење,парите,кариерата итн. Интересно филмче. 8/10

 

[Гучи]

Cell 2011​

Филмот е шпански (се зборува на шпански) и дејствието се одвива во затвор во Шпанија. Хуан треба да почне со работа како чувар но оди еден ден порано за да се запознае со идните колеги и да му го покажат затворот. При таа прошетка се одронува дел од покривот на затворот и го погодува по глава по што се онесвестува и чуварите со кои што беше го внесуваат во келијата 211, која што е празна, додека да викнат доктор. Во меѓувреме еден затвореник-Маламадре (којшто е "главен" помеѓу затворениците) успева да ги одврзе лисиците и убива еден од чуварите по што ги ослободува сите затвореници. Чуварите успеваат да побегнат али го оставаат Хуан во келијата...и тука почнува заплетот кој што сами ке го дознате

Одамна немам гледано волку јако филмче, оценка 10/10

 

[Тамарче]

The Black Dahlia

Од филмов очекував многу со оглед на тоа што го режираше Брајан де Палма, режисер на Bonfire of the vanities, филм што многу ми се допадна, и Carlito’s way.

Значи, филмот ја преработува вистинската случка за убиството на Елизабет Шорт, меѓутоа причините за убиството во филмот се измислени.

Прво не ми се допадна што една од главните улоги ги имаше Џош Хартнет. Не му стои улогата, некако не ја одигра како што треба, цело време ме иритираше со неговиот зарипнат глас и неговиот изглед „јас сум добар, наивен ама силен детектив“.

Второ, во првото „полувреме“ филмот се задржува на партнерството и пријателството на двата детективи. Дури после 50 минути кажува за смртта на Елизабет меѓутоа недоволно. Друго што не ми се допадна е тоа што Ли Бленчард станува опседнат со решавање на убиството на Елизабет, а во филмот не се објаснува зошто.

Насилство, крвишта, секси сцени, лезбејки, абе шо не. Сето то некако убо смислено, лошо реализирано. Да не должам многу, би рекла дека филмот е ок, ако се занемари лошата глума на Џош Хартнет и дупките во приказната.

Оценка 6/10

 

[Filmakedon]

Seven pounds (2008)

Потресна приказна за делото на еден млад човек (Вил Смит) кој е спремен да направи се за да им помогне на луѓето кои полека ја губат надежта во себе, притоа жртвувајќи се себеси за да се избави од несреќата која му го промени целиот тек на животот. Тој знае како е да имаш се и оддеднаш да останеш сам... Знае што е потребно за да усреќи некого... Знае како да ги избере луѓето на кои им е неопходна неговата помош. Тие се седум, а тој оддели по еден дел од себеси за да ги усреќи нив. Себежртвувањето е она кое никого не може да го остави рамнодушен...
10/10

 

[macko i]

Thick As Thieves[2009] Искрено најпрво очекував да биде нешто како 11 на Ошан но филмов е барем 2 пати подобар од него и најјакото е што во последни 15 минути ти се решава цел филм и си викаш а што ли гледав досега јас Во главните улоги е Антонио Бандерас оценка за филмот 9/10

 

[Io Sono Interista]

Untraceable (2008)

Не разбирам зошто толку лоши критики за трилеров. Да, приказната е веќе видена, имаме сериски убиец и федералци кои го бркаат. Да, не е некое филмиште, но сепак, има многу позитивни работи: Прво, Diane Lane сеуште е жешка! Можам и да не продолжам после ова. Второ, како ретко кој ваков крими/трилер, овој филм носи порака за ниската вредност на човечкиот живот, или за тоа колку сите ние ги вреднуваме туѓите животи. Идејата е ваква: типот е некоја врста на хакер кој има сајт кој не можат да му го срушат (автоматски создава мирори, нешто пософистицирано од Викиликс). Работата е што ова мора да се проголта за приказната да има смисла. Понатаму, типот убива луѓе и го пренесува тоа во живо на сајтот, на следниов принцип: колку е поголема посетеноста, толку побрзо жртвата умира. Сајтот станува мегапопуларен, „нормално“. Дури и на самиот крај пораките на посетителите ни служат како потсетник за тоа колку се изместени вредностите денеска:

Спојлер

- a genious died today...
- where can i download the video?

Застанав кај второ... трето, саундракот е добар, четврто, има тензија во филмот што е важно за секој трилер, петто, глумата е добра... Се на се, лесен крими трилер онака for fun, 7/10 според мене.

 

[Filmakedon]

Pearl Harbor (2001)

Гледан повеќе од 10-тина пати и сеуште не сум рамнодушен на него... Сеуште има некои елементи кои допираат до мене. Гледано од историска страна, сеедно ми е што филмот е правен на длабока патриотска основа, но приказната е феноменална. Говори за двајца пријатели кои делат две заеднички нешта. Едното е љубовта кон авионите. Рејф е храбар и истраен во намерата еден ден да биде врвен пилот. Дени, од друга страна, е несигурен и повлечен. Тој се обидува да се пронајде себеси, па често се поистоветув со својот пријател. Тука е Евелин, девојката која се вљубува во Рејф... Целиот филм е исполнет со турболентни моменти... Моменти кога животот згаснува, па повторно се буди... Слично е и со љубовта меѓу нив. Таа се разгорува, па сплавнува.. НО никогаш не исчезнува. Таа е вечна и покрај сите промени кои ги носи животот. Но, човекот не е вечен. Денес е тука, а веќе утре го нема. Исчезнува и повеќе не се враќа... Барем така треба да биде! Велам, така треба да биде, бидејќи овој филм покажува како човекот може да ја победи судбината и да ги сруши сите правила на игра во животот... Во исто време е и историсиот напад кој Јапонија го извршила на хавајската воена база Перл Харбор, што е дополнителна компликација на целата приказна. Не се навестува никаков посебен крај... Ситуациите во кои се наоѓаат ликовите се безизлезни, проблемите се нерешливи.... А крајот е она на што никој не можеше да се надева. Оној кој е спремен да посвети 3 часа за овој филм го уверувам дека нема да зажали! Музиката е на Ханс Цимер (Hans Zimmer) и тоа е дополнителен мотив за да се гледа филмот.
11/10

 

[Max Legend]

Dune

Базиран на истоимената научнофантастична епопеја од Френк Херберт Дина се случува во една многу далечна иднина,каде човечката цивилизација се потпира на зачинот меланж.,од исхрана до оружје.Овој зачин може да се најде само на планетата Аракис/Дина,позната не само по зачинот туку и по џиновските црви кои го штитат зачинот и жителите на планетата кои се нарекуваат себеси Слободници.Еден ден,Аракис,кој долго време беше под управа на Харконените,по наредба на царот Падишах Шадам треба да и се препушти на Атреидите,кои се нивни крвни непријатели...

Знам дека филмот доживеа фијаско,како кај публиката така и кај критиката,но Дина е ес еф филм на моето детство.Првпат го гледав на МТВ и иако не разбирав многу работи,од некоја необјаснива причина не можев да се тргнам од екранот.Атмосферата,пустината,специјалните ефекти,борбите,музиката беа одработени топ и изгледаат подобро и од некои филмови снимени со најсовремена CGI технологија.Ако има некоја маана тогаш тоа би било костимографијата и Стинг(не знам што си мислел Линч кога го ставил во сцена облечен само по пластични гаќи).