Анархија

[Дмт]

На крај краева, ако сум попаметен, повеќе сум вложил у сопствената интелектуална и физичка надоградба, ако имам вештини кои се доволно ретки за да бидат високо ценети, сакам бе да ми биде тоа соодветно ценето. Нека крекаат за егалитаризам оние што немаат што друго да им понудат на луѓето. Луѓето не се еднакви по способности, не треба да бидат еднакви ни по тоа колку имаат (нормално, надвор од основни потребштини за живот, но современата социјална држава тие ги обезбедува, нали лепи?)

Целава твоја филозофија се сведува на тоа, дека некој е попаметен или имал некои вештини "ценети".
Ти бараш сето тоа да ти биде ценето(загарантирано), и тоа од државата.
Има тешки лопови(луѓе со јаки вештини) кои исто така бараат да им биде загарантирано и ценето .
Kako за чудо моментално таквите се тие што треба да ја спроведат гаранцијата...на тие што ги гласаме
мислам. 99% од богатството е во 1% од луѓето на планетава.
Ти бараш "правдината" да ти ја обезбеди државата ?!
Сега си ебен а не приметуваш, може треба да ти го начука до даска и очи да ти излетаат.
За вакви како тебе само робовладетелство да се врати и робови у каменолом.
Има јаки вештини да стекнеш таму.

 

[The Wolf]

А на што се сведува целата твоја филозофија?

 

[Дмт]

А на што се сведува целата твоја филозофија?

Да отвориш очи без некој да ти го начука.

 

[The Wolf]

Тоа е фина пропозиција, ама конкретно ништо не кажа. Особено на темата.

 

[Дмт]

Еве ти со прости зборови:
Државата е зло.

 

[The Wolf]

Те молам давај аргументирани одговори бидејќи вака како што ги кажуваш, имам исто толку фајде од муабет со тебе колку од муабет со поп што ми цитира пасажи од библијата.

 

[Дмт]

Те молам давај аргументирани одговори бидејќи вака како што ги кажуваш, имам исто толку фајде од муабет со тебе колку од муабет со поп што ми цитира пасажи од библијата.

Имаш опција да гледаш или да мижиш, аргументи не требаат.
Е сега гледањето не е така лесна работа, некој не гледал со години...му се залепиле(сраснале)
очните капаци.
Мојата намера е само да ти го насочам вниманието на друга страна, а аргументи сам најдиси.

 

[The Wolf]

Добро попе.

 

[Дмт]

Problems cannot be solved by the same level of consciousness that created them.
Толку е од дебатата, не е до аргументите....туку до луѓето е....што сакаат.

 

[The Wolf]

Проблемот со вашите утопистички креации е едноставен- барате луѓето да бидат подобри од што се.

Свеста не е левел на World of Warcraft, не е метафизичка категорија- таа е обликувана од објективни прилики. Што побогато е едно општество, што поразвиено, толку е посвесно. Но никогаш нема да биде доволно свесно за сите во него да живеат онака како што сакаат. Никогаш. Слободата никогаш нема да биде совршена. Хиерархиската поставеност никогаш нема да се ничкоса и да стане хоризонтална. We don't roll that way.

Во суштина, вие сте оние кои не верувате во човекот, а не јас. Мижите пред неговата несовршеност, ја одбивате, велите мора да биде подобар, посилен, поскромен, поподготвен да се откаже од себеси за општото добро- барем христијаните нудеа задгробен живот, вие нудите низа на откажувања, жртви и сеопшт чекор наназад за ветувањето на еднаквост? Нудите фиктивна слобода, каде секој зависи од добрата волја на секого?

Погледнете добро околу вас, во луѓето што ги гледате секој ден. Светци се? Несебични, подготвени да соработуваат за да постигнат сеопшт напредок? Не. Не се. Ете затоа е системот, затоа е државата. Таа е рефлексија на човековата природа и нема да се промени. Исклучителните околности се токму тоа, исклучоци. Секогаш некаде ќе има Чиапас, никогаш тоа нема да биде светот.

 

[Дмт]

Проблемот со вашите утопистички креации е едноставен- барате луѓето да бидат подобри од што се.

1.Свеста не е левел на World of Warcraft, не е метафизичка категорија- таа е обликувана од објективни прилики. Што побогато е едно општество, што поразвиено, толку е посвесно. Но никогаш нема да биде доволно свесно за сите во него да живеат онака како што сакаат. Никогаш. Слободата никогаш нема да биде совршена. Хиерархиската поставеност никогаш нема да се ничкоса и да стане хоризонтална. We don't roll that way.

2.Во суштина, вие сте оние кои не верувате во човекот, а не јас. Мижите пред неговата несовршеност, ја одбивате, велите мора да биде подобар, посилен, поскромен, поподготвен да се откаже од себеси за општото добро- барем христијаните нудеа задгробен живот, вие нудите низа на откажувања, жртви и сеопшт чекор наназад за ветувањето на еднаквост? Нудите фиктивна слобода, каде секој зависи од добрата волја на секого?

3.Погледнете добро околу вас, во луѓето што ги гледате секој ден. Светци се? Несебични, подготвени да соработуваат за да постигнат сеопшт напредок? Не. Не се. Ете затоа е системот, затоа е државата. Таа е рефлексија на човековата природа и нема да се промени. Исклучителните околности се токму тоа, исклучоци. Секогаш некаде ќе има Чиапас, никогаш тоа нема да биде светот.

1.Свеста не се обликува, таа или е или не е.
2.Слободата е ултимативна категорија, се друго е срање у боја.
3.Луѓето се такви какви што се затоа што државата преку своите механизми ги направила такви.
Механизмите се: религија, образование, медиуми у поново време интернет и
да не заборавиме можноста од користење на високо развиена технологија.
Таа истата која ја користам во моментов да пишувам на нет.
И за твоја информација светците не се ништо подобри од проститутките.
Државата не е рефлексија на човечката природа, туку механизам за контрола на луѓето.
Луѓето се поробени од државата...правото прашање е кој е над државата.
Сигурно не се луѓето избрани од народот.
Постоењето(природата) секогаш ти го дава она што го сакаш.
Дали сега или некогаш далеку во иднина не е важно.....БИРАЈ ШТО ЌЕ ПОСАКАШ.

 

[The Wolf]

Слободата е ултимативна категорија за тебе затоа што си фанатик. Државата не е вселенски брод кој се спуштил од Сатурн за да ги пороби луѓето, таа е збир на човечки однесувања кои произлегуваат од објективни прилики како технолошки развој, усложнување на човечкото општество со се' поголемата специјализација и поделба на трудот итн. Образованието не поробува, тоа ослободува. Вистинското ропство е ропството на незнаењето, на умствениот мрак. А од тоа никој не може да те ослободи ако немаш волја и способност сам да се ослободиш.

Не ми е јасно, ја критикуваш високата технологија или ја фалиш? Или чинам велиш дека е во погрешни раце. Епа почешај се по главата и види кој е заслужен за приликите во кои се развила високата технологија. Прво либералниот капитализам, па после државниот капитализам од Њу Дилот па наваму. Впрочем, од што сте пацифисти, не забележувате дека токму воената индустрија го создаде и интернетот и атомската енергија и уште еден куп други придобивки на модерното доба. Тапа сте бе. Стварно сте тапа.

Иди орај ниви у Чиапас и ќути.

 

[Дмт]

Е ај ѕирни kako се појави државата пред 6000 години и кои им се приказните на
сумеријанците и после пиши за тоа како се појави државата на планетава земја.
Е да....ментално ропство.
Хахахха атомска енергија придобивка!?
Незнам што да ти кажам понатака....
Јас ти реков прашање на состојба е, не е до аргументите.

 

[Toecutter]

Социјалните трансфери кои ги ставаш во наводници значат дека луѓе чија работна сила пазарот на труд во Македонија не може да ја апсорбира/адекватно да ја компензира добиваат какви-такви средства за живеачка преку реалокација на средства земени од оние кои можат да си дозволат да ги дадат. Идеално, данокот би бил прогресивен, со што целосно би се остварила и неговата социјална функција, а богатите би го вратиле долгот кон општеството кое го овозможило нивното богатење. Рамниот данок е дел од пакетот неолиберални реформи кои нашиве квислинзи доброволно ги прифатија. 30 сребреници indeed. Кога станува збор за приватните инвеститори/странските фондови, државата е овде за да обезбеди тарифа на јавната служба која ќе биде доволно ниска за истата да им биде достапна на граѓаните.
Приватниот инвеститор секогаш пристапува кон инвестирање во јавно добро не бидејќи е умрен доброволно да се асоцира со своите сограѓани, туку мотивиран од желбата за профит. Државата е должна да му обезбеди услови во кои ќе профитира и да го покрие остатокот со даночни пари кои во услови на прогресивно оданочување повеќето и онака се црпат од богатиот слој.
Дали добро те чув? Дали ја браниш ефикасноста на приватниот сектор и пазарот наспроти државата? Дали си можеби од тие дибеците на Нозик, анархо-капиталистите? Да не мислиш дека слободниот пазар е совршен механизам за алокација на ресурси, без потреба од државна интервенција? Онда си забегал.
А ако си анархо-комунист/синдикалист, тогаш тешко ќе најдеш начин да ги мотивираш луѓето да работат на проект од кој тие самите нема да видат конкретна корист во текот на нивните животи. Големи инфраструктурни проекти не можат да се изградат без учеството на многу луѓе, голем број од кои воопшто не живеат во регионот кој ќе профитира од нив.
Таквите проекти бараат и стручњаци кои ќе мораат да вложат многу повеќе од својот живот во учење и подготовка за да се квалификуваат за нивната работа од некој што ќе си го прчи цел живот, ќе фрли пет лопати и оп и он учествувал и има право да го користи објектот. Ова е исто така познато и како проблемот на free-riding, еден од главните аргументи против егалитарните уредувања како анархистичкото.

Доброволна асоцијација на луѓе со заеднички интерес звучи супер, но јас гледам дека по селата луѓе не може да се договорат околу тоа кој треба да го асфалтира пристапниот пат до куќите што им се една до друга, па камоли да направат брана или нешто покрупно од заеднички интерес. Човекот е во суштина себичен исто толку колку што е склон на алтруистички дела. Ти сакаш да го срушиш системот кој ми дозволува да направам избор помеѓу себичноста и алтруизмот и да ми ја наметнеш доброволната асоцијација, бидејќи во услови на анархија се' ќе зависи од добрата волја на комшијата, на сограѓанинот, на твојот универзален брат по човештина, нели? Се гледаме на барикадите онда, другарче. Попрво ќе умрам отколку да зависам за мојата благосостојба од тоа како е расположен некој тиквар со основно и три грама памет.
Наречи го колку сакаш преплатено, без државната моќ на присила, ништо од долготраен карактер што би им служело и на идните генерации нема да се изгради.

Ми велиш дека анархијата функционира, но не ми нудиш ниту една богата анархистичка комуна, ниту една културно воздигната анархистичка комуна, ниту една анархистичка комуна која е способна да ги одбрани своите членови од вооружените државни армии (не велам да опстои наспроти нив, туку да ги држи во страв за воопшто да не нападнат). Сите тие живеат во константен страв, сиромаштија и примитивно ниво на културен развој.

Ги спомнав Фиренца и Медичи за да ти илустрирам како еден од најблагородните хуманистички потфати во историјата, имено ослободувањето на човековиот ум и душа од јаремот на католичката црква го направиле благородници кои владееле со град-држава со железна тупаница. Обичните луѓе не сакале уметност, сакале леб. Сакале покрив над главите. Сакале ефтина забава. Истото го сакаат и денес. За било што од повисока естетска и духовна вредност е потребно и извесно количество на нееднаквост за секому да му се алоцираат онолку ресурси колку што е способен да допринесе за напредокот на своето општество и цивилизација. Приватните донатори кои ги спомнуваш ти биле благородници кои секако имале државна моќ, а чие богатство не би постоело во анархистичка комуна. Ниту пак Да Винчи ќе ги создал делата што ги создал кога би копал ендеци и би учествувал во "доброволни потфати" цел живот. А бидејќи во услови кога луѓето доброволно се асоцираат сите се "jacks of all trades and masters of none", таму царува медиокритетот, работењето со гс, импровизацијата и "пљукни па залепи" праксите. Нема Да Винчи, нема Ајнштајн, нема Бетовен, бидејќи никој нема поттик да си го развие талентот до крај, затоа што општеството нели, се' цени подеднакво. Луѓето се денес рибари, утре инженери, задутре музичари. А всушност не се ништо.

Да и се помочам на таквата анархија. Регрес. Дегенерација. Очај.

Најсмешно е што инсистираш на „анархист“, а тоа не сум.
Не знам каде си го прочитал тоа, но во ред и заклучил од моите пишувања на темава.
Ја сметам анархијата за пожелна и како пат до слободата на поединецот и групата.
Може да се прпелкаш колку што сакаш, во анархија луѓето го покажуваат своето право лице. Не е воопшто важно што напишал Кропоткин или некој друг. Тоа е само mind game за оние за кои им се игра таа игра. Никаков рецепт ниту нешто слично. Кому е битно каква е мотивацијата?
Луѓето се онакви какви што се поради системот кој би обликува во форма која му е потребна за да опстанува.

Анархијата го покажува поединецот во вистинско светло, без маски на лажна филантропија.
Државите само во 20-от век убија 450 милиони народ, само во војни, лично мислам и повеќе но да се задржиме на конзервативните процени. И сеуште убиваат масовно, скоро и да нема поголем убиец од државата. Дали е преку војни,дали преку монополизација на медицина и фармакологија, дали преку социјален притисок...механизмите се многу. И лешевите.
А обожавателите на смртта исто така. Како тебе. Ти ја поддржуваш државата која е убиец и арамија со што наведените епитети се и твои епитети. Едноставно.

Анархо-ова и анархо-она ќе си праиш муабет со фановите на Бернејс пропаганда и слични ликови, тие се по тој муабет. I dont give a shit mate.
Анархија не е синоним со анархизам. Пракса вс. Теорија.

Социјалните трансфери не се социјална помош. Социјална помош е 20 евра месечно. Тоа е дел од буџетот - 1,1 милијарда евра украдени од некого и распределени на лица на кои власта смета дека е потребно да ги алоцира. Од таа заблуда па понатаму просторот за дебата се стеснува во рамките на школските стереотипи и фрази а време и желба немам сите една по една да ги цитирам.
Пазарот е сосема добар механизам ако не е присутна државата како манипулатор на корпоративни интереси и енфорсер на монополи и услови на игра кои му одговараат на еден минорен процент од населението. Ако е присутна државата...тогаш имаме наводен слободен пазар, опеан по мејнстрим медиумите како нешто добро...а реално е срање.

Ми велиш дека анархијата функционира, но не ми нудиш ниту една богата анархистичка комуна, ниту една културно воздигната анархистичка комуна, ниту една анархистичка комуна која е способна да ги одбрани своите членови од вооружените државни армии (не велам да опстои наспроти нив, туку да ги држи во страв за воопшто да не нападнат). Сите тие живеат во константен страв, сиромаштија и примитивно ниво на културен развој.

Беа посочени разни примери, ако те интересира пролистај ја темата, специјално да барам повторно по којзнае кој пат секогаш кога некој ќе се приклучи на темава...not gonna happen. Имаш и богати во финансиска смисла како Мондрагон и помалку богати, секакви. Но богати се во една категорија во која не би навлегувал бидејќи нема потреба со оглед на соговорникот.

А ти најди во меѓувреме држава која не краде и не убива. Лесна задача имаш.

Поздрав и среќна кариера (минус 50% на име на безбедност).

 

[The Wolf]

Државата убила 450 милиони луѓе. Државата поробува. Системот поробува. Институциите поробуваат... Булшит. Луѓето го прават тоа. Човек му го прави на човека и не трепнува. Просто е бе. Алчност и реткост на ресурси. Не е државата таа што го учи човека да биде скот. Ти си тој кој што ги амнестира тие милиони што убивале со тоа што за нивното зло ја обвинуваш државата. На ист начин плукаш по споменот на сите што правеле добро преку државните институции (а дури ни ти не си толку слеп да ги наречеш сите кои работеле за една државна организација лоши) и го правиш нивниот слободен избор невалиден, бидејќи бил направен преку државни механизми.

Како да се државните злотвори било што друго освен групи на луѓе обединети против други групи на луѓе заради себичен интерес. Дури и успехот на Мондрагон (секоја чест на дечките, прочитав за нив) значи пазарен неуспех за некоја друга фирма, други луѓе, други работници. Да не се разбереме погрешно, Мондрагон прави добро, Мондрагон е фантастична човекова творба, но опстојува во рамки на држава. Држава која и' гарантира правна заштита, која и' го штити имотот, која одржува стабилна валута (мање више, еврото е у криза), држава без која Мондрагон не би бил возможен. Нејзиниот успех и профитабилност на крај краева зависи и од конзумеристичката култура, која бара константно подновување наместо поправање на расипаното, без кое таа нема да има обрт, туку бргу ќе го засити пазарот со производи и ќе пропадне.

А ако бараш солидарност, соработка, лична автономија, најсолидарната класа на светот е класата што го поседува меѓународниот капитал. Тие итекако соработуваат, разменуваат искуства, се дружат, градат заедно итн. Тие ја демонтираат социјалната држава, бидејќи не им се плаќа. Тие ги кратат даноците што толку многу ги мразиш. Тие формираат приватни училишта во кои си ги школуваат децата. Градат оградени населби со вооружени приватни стражари. Немаат национални, расни и полови предрасуди, ги обединува богатството. Тие ги мобилизираат западните армии да прават 'ршум по третиот свет за да си ги осигураат ресурсите како нафтата, ретките минерали, гасните полиња и сличните добра што им го гарантираат комфорот и стабилноста на домашните системи. А твоето (и на сличните на тебе) заблудено антидржавно паламудење им е од најголема можна корист, бидејќи наместо повторно да се заземе државниот апарат кој до 70тите беше (повеќе или помалку) во рацете на левицата и на синдикално здружениот труд, особено во западна Европа, тој се демонтира и се претвора во минимална држава, затоа што луѓето ги убедија дека плаќањето даноци не е во нивен интерес, се'едно што сега нема кој да ги брани, затоа што корпорациите се навлезени во сите ешалони на меѓународните и државните организации.
Си ја погодил донекаде релацијата, ама си ја утнал насоката- не е државата манипулатор на корпоративни интереси, корпоративните интереси се манипулатор на државата. И тоа не на апстрактен механизам наречен држава, туку на живи луѓе, на кои лоби групите им плаќаат дебело за да им ги застапуваат интересите. Расипливи, податливи луѓе кои нема да се променат ако го промениш името на системот или на елитата која раководи со него.

Индивидуалниот избор е местото каде се прекршува разликата помеѓу луѓето и нелуѓето. Помеѓу слободните луѓе и чопорашите. Помеѓу способните и неспособните. А за да бидеш таков човек, не пречи системот, ти треба решеност да дејствуваш, се' друго е изговор- и државата и институциите и капитализмот. Ако си геноциден убиец, лично си виновен ти, лично е виновен секој еден војник или егзекутор кој го повлекол орозот. Додека има луѓе на кои нема да им пречи да се однесуваат на таков начин, ќе биде нужна и држава и војска и полиција. It IS complicity, and you have a part in it too. Толку од мене. Поздрав.