Припадник на полицијата претепал момче до смрт! - ПРОТЕСТИ ПРОТИВ ПОЛИЦИСКАТА БРУТАЛНОСТ

[831]

Не орнувајте внимание на шутраков и сличните примери поради кои конечно протестите треба да завземат поинаков тек во секоја смисла...

Муабетот ми беше: рамнодушноста и инерцијата им отвараат царски друмови на тоталитарните режими со полна уста демократија - Теодор Адорно! Ја имаше еден пријател на ФБ.

 

[FAH Q 2]

Brother Ego, комотно и ти можеш активно да се вклучиш во протестите, лидер нема, раководни групи кои се формираа во Неделата имаат и во нив СЕКОЈ можеше и може да партиципира, еве, комотно можеш и ти, доколку се чувствуваш кадарен, да отидеш. да се пријавиш и да дадеш свои идеји, сугестии и слично.

Се согласувам со тоа дека голем дел од оние што излегуваат на телевизија или земаат мегафон во рака се губат, али не можам да им замерам за тоа, единствено дечкото вчера што збореше на ТВ за барањата добро се покажа ( не тој за кој алудираше Ејсид од погоре ), другиве се топат во неискуството од вакви работи, 90% од нив прв пат се појавуваат на телевизија, и тоа не за анкета '' Каде на одмор ?! '' туку за далеку покомплексна работа.

Вака пасивно со куцање на тастатура ни ти ништо не правиш, ниту со муабетот со твојата поубава половина, излези и јасно пренеси го твојот став, твоите идеји со кои верувај дека ќе можеш нешто да допринесеш ...

Фреквенцијата е таа. И ти знаеш што сакам да кажам, и јас знам што сакаш да кажеш и ти. Многу добро, сите многу добро знаеме што е работата.
Јас допринесуваВ за “протестите“ во физичка смисла, бројчано. Не мора сите ние да излеземе со микрофон в рака, и да се правиме born-leaders. Кој се чувствува кадарен, нека биде. Кој се „губи“ или кој се „комерцијализира“ како организатор или лидер, го прави тоа од неколку причини:

а) Гајле му е за се', оти јас кога ќе се ставам во ситуација да ми е битно нешто, сигурно нема да се “губам“, туку ќе се борам за она што го барам, по секоја цена. Оти сме луѓе, а не ебени говеда.
б) пак му е гајле за се, битни се неколку минути на камера залеани со голема хипокризија.
Како може некој да се „губи“ и да ми носи цвикера Боки13 стајл (многу добро рече Acid), доколку е погоден од нешто (во овој случај: од смртта на младо момче и од ноншалантноста на властите). Под паролата „можев да бидам јас“ нема да се губиш, ако стварно веруваш дека би можел да бидеш ти следен.

Но, ако чекаш Македонија да ја збрцаат во ЕУ и да ја напуштиш државата за дел од секунда, нема потреба да се грижиш дали ти ќе бидиш следен на таа “листа“, оти ти ќе бидеш далеку, и ќе пиеш мартини и ќе го гледаш изгрејсонцето, а сега ова е собра прилика да се исживееш, еден ден да им кажеш на некој „жешки риби“ дека си бил лидер на протести. Може ќе закачат и некој слика на фејсбук. Еден лајк не е мала работа

Ако на тие навистина им е дојдено до протести, ако на нив им е навистина гајле за целата ситуација, ќе превземат нешто.
Тоа е филозифијата на револуционерите кои нешто постигнале низ историјата.
А не само part-time when the sun goes down протестанти.

И уште нешто...

Знаеш зошто луѓе како мене не можат да стигнат до положбата да им се обратат на протестантите?

Погоди зошто...

 

[Chapstick]

Идеја за формата на протестот

Posted on June 15, 2011 by Протестира.ме

Оваа идеја ми дојде денес кога еден од протестирачите за време на трибината на крајот од протестот кажа „… да окупираме некоја институција…“. Не е битно дали беше зборот окупираме, битно е следново:
За овој тип на протестирање не е потребна масовност. Доволен е оној број на доброволци за да се опкружи градбата на институцијата.
Да го земеме, на пример, судот. Оние кои ќе се пријават за овој подвиг ќе треба да седнат покрај ѕидините на градбата во целиот нејзин круг, дали тој синџир од протестирачи ќе биде погуст или поредок, тоа може да се допрецизира како дополнително доколку идејава влезе во реализација. Протестирачите се опремени со по барем еден транспарент, било во вид на флаер, на парола, на графика. Битното, според мојата логика, e да не се блокираат влезовите, бидејќи идејата е нели тие што треба да влегуваат и излегуваат како вработени треба да имаат пристап до своите работни места за, демек, да бидат во можност да работат на случајот со протестите, или остало. Доколку во спротивно не постои согласување со оваа логика, и ако мнозинството смета дека треба да се изврши блокада или нешто трето, во ред, за мене во овој предлог најважен е начинот и глетката врз протестот. Сето ова може да се синхронизира со повеќе институции, онолку за колку што дозволува бројот на пријавени протестирачи со што се дава една слика на организираност, креативност, нешто што партиите не знаат да го изведат, нешто што е слично (или можеби идентично, не сум проверил) со протестите низ светот каде дефинитивно непартискиот дел од народот протестира.
На овој начин:
Се оттргаме на ден или два од монотоноста на шетањето по улици.
Се запазува еден вариетет, кој понатаму може да се прошири со други креативни предлози.
Кај возачите не постои гнев затоа што не можат да стигнат некаде, според мене, сепак, кога гледав како се бутаат со колите да поминат пред да стигнеме, а ние трчаме да им се фрлиме пред нив ми е премногу ризично, може да се создаде аверзија кон нас.
Оние кои работат во тие институции добиваат можност да не погледнат што сме и кои сме, бидејќи ова протестирање може да се одржува во делот од работното време во денот.
Граѓаните кои поминуваат или имаат некаква работа во таа институција добиваат можност да не погледнат.
Никој не е блокиран и не настануваат непријатни ситуации.
Овој предлог според мене е интересен за освежување на протестите и проширување на неговите димензии.
Фала ви за вниманието што го одвоивте да го прочитате овој мејл, и најсрдечно ве молам, како 25-годишен човек на кој му е преку кур од аморфниов народ кој пропаѓа во сивилово, сериозно да го земете предвид овој предлог, за, ако од прво читање не фати око, барем во пренесувањето негово пред тимот за планирањето на протестот да се доработи или доизмени каде е потребно.
Овој текст го најдов на protestira.me интересен е предлогот, разгледајте го за реализација.

 

[gade]

Размислував нешто, некој што е поупатен во законодавна терминологија нека ме дополни.
Дали постои можност со собирање потписи да се поднесе измена на закон?
Например да поднесеме измена на закон за контрола на мвр или нешто слично.

 

[Tetro]

во разговорот ги спомнав настаните во 68ма, во 1980 во Полска, 1997 во Скопје, кога Филип Петровски штрајкуваше со глад и сл.

Да не генерализирам многу многу на темата, Филип П. е заслужен за денешната состојба во која западнаа студентите. Политизацијата на Студентскиот Сојуз започна тогаш (претходно беше независен). Срамота е да се споменува неговото име и да се поврзува тој со протести, само штета и нанесе на идните генерации.

Не сме кадарни поради вакви структури да одржиме едни протести како што имаше:
Кина `89-та,
Србија 1996-97,
Иран 99-та,
Чиле 2006-та,
пак Иран 2006-та
и 2010 во Англија.

Секако, и падот на Берлинскиот ѕид немаше да биде никако остварлив без студентите. 9-ти Ноември `89-та.

 

[Chapstick]

Анализа
Кој протестира на плоштадите

Ова се генерациите што доаѓаат. Оние што не ја разбираат нивната азбука се полуписмени
Ерол Ризаов


Интернет-генерацијата веќе со денови мирно протестира по македонските градови. Најмасовно во Скопје. Младите бараат одговорност за една залудна смрт. Особено за обидите на власта за забошотување на убиството на Мартин Нешковски, нивен врсник, претепан од полицаец на специјалните одреди, таа вечер не се знае по чиј налог ангажиран во обезбедувањето на премиерот Никола Груевски на прославата на изборната победа. Сликата на невината жртва, младиот Нешковски, носена од младите стана најсилната порака за демократизација на Македонија. Протестите повикуваат на јавно соочување на сите граѓани на Македонија со својата совест и со совеста на општеството, без оглед на политичката, партиската верската и расната припадност. Имаат ли граѓаните на Македонија, по дведецениска хибернација и тотална амнезија, нешто што ќе ги разбуди и ќе им овозможи да видат една нова слика, сосема поинаква од онаа што постојано ни е пред очи. Ако сите не го почувствуваме мирисот на вистинската македонска пролет, набргу овие кокичиња ќе замрзнат, бидејќи прерано ги кренале главите. Снегот е уште длабок. Во Македонија од дамнина им ги кинат главите на петлите што рано кукуригаат.

Моќта на социјалните мрежи во Македонија е вест која го обиколува светот. Највлијателните и најугледни медиуми веќе објавија дека младите бараат целосно расчистување на мотивите за убиството и политичка и конкретна одговорност во хиерархијата на МВР, според законите, професионалните и етичките принципи, за сите што знаеле, а го прикривале убиството и свесно ја дезинформирале јавноста цели три дена. Тоа се конкретните барања, она што историчарите го нарекуваат непосреден повод. Вистинските причини се нешто над тоа. Тоа се предвесници на новото време.

Младите што протестираат не бараат смена на власта, не ги проблематизираат изборните резултати, не испорачуваат политички услови и партиски пораки. Целиот нивен протест, во суштина, се сведува на демократизација на Македонија, заштита на човековите права и слободи и одговорност за едно убиство и обид за прикривање злосторство. Тоа го пишува како цел во сите партиски програми. Тогаш во што е проблемот. Лесно е да се напише, тешко е да се оствари. Некој демократијата во Македонија ја сфаќа само онака како што тој мисли. Наместо сите, вклучувајќи ја и власта и опозицијата, определени, неопределени да се гордееме зашто, сепак, постоела ваква затскриена критичка маса, во што не верувавме, се мобилизираа веднаш „јаничари“ и дежурни бранители на националните интереси да ја банализираат работата и да ја претворат во наводно партиска нарачка со политичка мотивација да се собори власта. Тоа предизвика лавина од грешки на партиските војници и функционери на власта, кои се' уште не седнале во своите фотелји, влечат потези што го откриваат малиот демократски капацитет. Покрај флагрантните обиди да се забошоти убиството, лажењето на јавноста, навреда и уцена на родителите на Мартин, сатанизацијата на медиумите и новинарите што пишуваат објективно за случајот, почна една лесно препознатлива кампања на жестоки навреди и извртување на тезите. Божем тие што протестираат се изманипулирани дечишта, дека еден „несреќен случај“, „немил настан“, „туѓа и лична трагедија“, „некој сака младите да ги искористи, да го политизира случајот и да ја компромитира власта“. Тоа, во суштина, е најголемата грешка по обидот да се забошоти убиството на момче кое сакало да ја прослави победата на својата партија во близина на највисокото раководство.

Да имаше малку здрава размисла со сопствена глава, во аналитичките центри на ВМРО-ДПМНЕ многу бргу ќе видеа дека ова не се ликовите од партиските митинзи. Ова не се гневните измачени лица на тутунарите, млекарите, лозарите, стечајните работници, невработените, партиските членови и симпатизери. Не треба повеќе од 10 секунди да се види дека ова се нашите деца, генерација на „Фејсбук“ и на „Твитер“, ова е друга костимографија, иконографија, нов стајлинг, нова саморежија, нова комуникација. Ова се генерациите што доаѓаат. Оние што не ја разбираат нивната азбука и нивните пораки се полуписмени. А тие ја знаат нашата азбука штом зинеме. Добро знаат што значи и каде припаѓате кога за убиството на Мартин Нешковски ќе речете несреќен случај, немил настан, злоупотребена трагедија во политички цели и слични глупости што ја навредуваат интелигенцијата не само на целата интернет-генерација, туку и на повозрасните. Тие добро знаат кој сте ако сакате да го угасите интернет. Да кажете за овие млади луѓе дека се жртви на манипулации и дека се злоупотребени за политички цели е не само политичко слепило, туку неподготвеност за соочување со реалниот живот.

На власта и' требаше речиси цели 10 дена да открие дека кампањата за ублажување на последиците од убиството на Мартин Нешковски не дава резултати и дека пораките се погрешно адресирани. Сега се прави нова уште поголема грешка. До провладините медиуми колективниот главен уредник упати нова наредба да се игнорираат протестите и да не им се дава нагласен простор. Трескаво се бараат нови методи како младите меѓу себе да се раскараат, да се обвинат дека се насилници и да се маргинализираат. Се бараат и нови афери кои ќе го разводенат интересот за протестот и барањата на младите. Апсолутно погрешно. Власта влегува од грешка во грешка. Интернет нема кој да го замолчи. Колку повеќе го притискаш, тој посилно експлодира. Особено е силен кога другите молчат.

Нема друг начин да се смири ситуацијата освен да се признае грешката и да се понесе одговорноста. Секаква. И политичка, и морална и законска, не само на директниот убиец, туку и на сите во хиерархијата што знаеле, а го прикривале убиството на Мартин Нешковски. Оној момент кога почнува прикривањето на убиството почнува и неговата политизација. Да се излезеше храбро пред јавноста уште истата вечер на 6 јуни и да се осудеше грозоморниот чин според сите професионални и законски норми, политички и етички принципи, трагедијата барем донекаде ќе беше ублажена.

Света обврска е на сите нас да го зачуваме ова богатство што сме го имале, а не сме ни знаеле. Тие израснале самоникли, жилави, тука крај нас без наша помош и поддршка. Немаме право да ги ништиме. Тоа би било најголемото злосторство.

Извор

 

[FAH Q 2]

Да не генерализирам многу многу на темата, Филип П. е заслужен за денешната состојба во која западнаа студентите. Политизацијата на Студентскиот Сојуз започна тогаш (претходно беше независен). Срамота е да се споменува неговото име и да се поврзува тој со протести, само штета и нанесе на идните генерации.

Не сме кадарни поради вакви структури да одржиме едни протести како што имаше:
Кина `89-та,
Србија 1996-97,
Иран 99-та,
Чиле 2006-та,
пак Иран 2006-та
и 2010 во Англија.

Секако, и падот на Берлинскиот ѕид немаше да биде никако остварлив без студентите. 9-ти Ноември `89-та.

Ко прво, не се ни сеќаваш зошто се бореа тогашните студенти. Толпа од незадоволни студенти која се собра од Тетово и дојде пешки за да ги подржи студентите во Скопје е joy to behold. Едноставно таквото нешто те прави горд на твојот род. Нешто што многу ретко се случува денес, не само овде, туку и во светски рамки.

Споменатиот тогашеш студентски лидер тогаш штрајкуваше со глад. Кога конечно успеа да проговори за своите барања во Собранието на Република Македонија, едвај стоеше на нозе.
Што се случи подоцна, се случи. Како можеш да обвиниш човек што протестира за негативна смена на ситуацијата? Тој треба да биде одговорен за се што се случува во следните 15 години? Смешно ми е некако твоево резонирање. Но добро , така нека е.

Штом спомна „тешка ситуација на студентите“...

Што им фали на студентите? Живеат како бубрег во лој, имаат материјал полесен од средношколците во бивша Југославија, се им е достапно, се им е ефтино. Во што ја гледаш таа „тешка ситуација“ побратиме?
Толку е тешко што 99 проценти од средношколците се запишаа, а 99 проценти од нив ќе завршат.
Тешко на општеството со таква „тешкотија“. Нејсе, забегав оф топик.

Се надевам дека надлежните на Форумот ќе ми простат, бидејќи и овај муабети без разлика на тоа, е темел на сето тоа што се случува и треба да се случува со државата и со новите протести, во кои, јас сеуште полагам надежи.

 

[bucio]

Ко прво, не се ни сеќаваш зошто се бореа тогашните студенти. Толпа од незадоволни студенти која се собра од Тетово и дојде пешки за да ги подржи студентите во Скопје е joy to behold. Едноставно таквото нешто те прави горд на твојот род. Нешто што многу ретко се случува денес, не само овде, туку и во светски рамки.

Споменатиот тогашеш студентски лидер тогаш штрајкуваше со глад. Кога конечно успеа да проговори за своите барања во Собранието на Република Македонија, едвај стоеше на нозе.
Што се случи подоцна, се случи. Како можеш да обвиниш човек што протестира за негативна смена на ситуацијата? Тој треба да биде одговорен за се што се случува во следните 15 години? Смешно ми е некако твоево резонирање. Но добро , така нека е.

Штом спомна „тешка ситуација на студентите“...

Што им фали на студентите? Живеат како бубрег во лој, имаат материјал полесен од средношколците во бивша Југославија, се им е достапно, се им е ефтино. Во што ја гледаш таа „тешка ситуација“ побратиме?
Толку е тешко што 99 проценти од средношколците се запишаа, а 99 проценти од нив ќе завршат.
Тешко на општеството со таква „тешкотија“. Нејсе, забегав оф топик.

Се надевам дека надлежните на Форумот ќе ми простат, бидејќи и овај муабети без разлика на тоа, е темел на сето тоа што се случува и треба да се случува со државата и со новите протести, во кои, јас сеуште полагам надежи.

Тој еден процент што ќе успее да ја избегне машината за мелење месо како што ја представува Пинк Флојд, тој е надежтта тој е иднината. А не препотентниот академски граѓанин што направил во животот завршил факултет, кур голем и останатите 99 проценти имаат завршено.

Е сега што би направил со тој факултет само за протест може да служи, за ништо друго.

 

[Splendora]

ne se sekiraj za zakonite tie shto se zameshaa megju vas veke ke vi smislat kako da go storite toa

Дечко, опасен трол си значи, за нецели две недели 231 мислење, и скоро сите политички
Не го подржуваш протестот, кажа, и не замарај више!
Ко сега јас да одам во темата за метал музика и да почнам на металците да им серам како не им чини музиката, појма немаат, рокерите дека ги дупат и искористуваат за свои манифестации. Мислам дај олабави

 

[Anon]

Не е трол... полошо е. Навистина ги мисли работите што ги пишува.

 

[DBack]

Девојки и дечки кајганџии,

Сите вие кои мислите дека имате капацитет да демонстрирате граѓанска демократска моќ, ВЕ МОЛАМ, излезете на протест.

Протестот трае не повеќе од два саати дневно. Не е насилен, не е ризичен, а е недвосмислено корисен - за мене, за вас и за тие после вас.

Протестот не е против ниту една политичка партија. Протестот не е организиран од ниту една политичка партија. Го организираат и водат младите за да добијат третман каков што заслужува еден нормален човек во демократска држава.

Тргнете на страна тоа боите и ИЗЛЕЗЕТЕ да ги иссвиркате функциите кои МАНИПУЛИРААТ и ЛАЖАТ!

Ако не за вас, тогаш излезете за вашите деца - родени или сеуште не.

 

[Syn]

ne se sekiraj za zakonite tie shto se zameshaa megju vas veke ke vi smislat kako da go storite toa

Зошто лажеш и зошто упорно се обидуваш тука да манипулираш ?

Тие што првично се замешаа со нас, а тој ден не бев на протест, повеќе ги нема на овие протести, тие кои се замешаа со нас се всушност и опфатени со овие протести бидејќи за разлика од нив и Тебе, ние гледаме Се и опфаќаме периоди кога и они беа на власт во оваа држава, поточно, еден од нив и беше на врвот во МВР.
Меѓу оние што се замешаа со нас секојдневно, се и вујкото на Мартин, неговиот брат и неговите пријатели, ти упорно овде се обидуваш да говориш за некакви документирани сцени за кои знаеш а упорно забораваш дека документирани се и зборовите од неговата Мајка за обидот МОЛКОТ НА ТОА СЕМЕЈСТВО ДА БИДЕ КУПЕН ...

Но не, ти не се обидуваш да видиш Се, ти го гледаш она кое тебе ти одговоара а и на оние кои се обидуваш да ги заштитиш неосновано тролајќи и ширејќи лаги и манипулации. Упорно се обидуваш да го игнорираш фактот дека секое незадоволство во една земја знае да оди во корист на едни а на штета на други поради начинот на кој дише секое исполитизирано општество каде имаш повеќе политички опции кои се борат за власт, упорно забораваш дека тоа секогаш ќе биде злоупотребено ( како што беше злоупотребено на стартот ), упорно забораваш дека ако одиме по твоите апсурдни логики во земјава никогаш не треба да има протест и изразување на незадоволство, упорно забораваш дека влегуваш од контрадикторност во контрадикторност штитејќи едни а напаѓајќи други, односно, вметнувајќи политички поларитет во овој случај.

Еве една порака и до тебе и твоите бездушни лаги скриени зад ник и аватар на форум, кажи им ги истите на вујкото на Мартин, неговиот брат и неговите другари, гледајќи ги во очи !

Ние ништо не злоупотребуваме, реков и поназад, ние како народ сеуште учиме колкава всушност моќ поседуваме во нашите раце, и тука доаѓа она што Brother Ego го збори погоре, неускуството кое и те како плива на површина во моментов, неискуството од вакви настани кое се отсликува со низа работи кои се наведени и во темава, но како што реков, учиме ...

А ти ? Тролај, trolls gonna troll, минорни сте, минорни и бедни ...

 

[Tetro]

Нејсе, забегав оф топик.

Абе и оф-топик мора некогаш, ако сака некој нека брише после.

Ко прво, не се ни сеќаваш зошто се бореа тогашните студенти. Толпа од незадоволни студенти која се собра од Тетово и дојде пешки за да ги подржи студентите во Скопје е joy to behold. Едноставно таквото нешто те прави горд на твојот род. Нешто што многу ретко се случува денес, не само овде, туку и во светски рамки.

Доаѓаа не само од Тетово, стопираа низ цела Македонија за да стигнат. Беа големи протести.

Споменатиот тогашеш студентски лидер тогаш штрајкуваше со глад.

Велиш дека не му даваа од партијата организатор да јаде? Не ти е јасно сеуште сценариото, погледни хронологија малце. https://secure.wikimedia.org/wikipedia/mk/wiki/Филип_Петровски#.D0.A1.D1.82.D1.83.D0.B4.D0.B5.D0.BD.D1.82.D1.81.D0.BA.D0.B8_.D0.B4.D0.B5.D0.BD.D0.BE.D0.B2.D0.B8

Кога конечно успеа да проговори за своите барања во Собранието на Република Македонија, едвај стоеше на нозе.

И мене сеуште ми се тресат нозете пред толку многу народ во скапи костими кога ќе застанам да зборувам.

Како можеш да обвиниш човек што протестира за негативна смена на ситуацијата? Тој треба да биде одговорен за се што се случува во следните 15 години? Смешно ми е некако твоево резонирање. Но добро , така нека е.

Баш затоа. Сведоци сме на случувањата и движењата на студентите. Од тогаш до денес, ССУКМ се направи СПУКМ (од Сојуз до Парламент-Организација на Власта), Партиципациите и другите давачки по факултетите се зголемени до горе, Факултетите реално станаа машини за пари. Студентските домови ги направија партиски штабови, се примаат само со членска книшка, другите нека се снаоѓаат како знаат и умеат, мензите се со бедна храна....

Што им фали на студентите? Живеат како бубрег во лој, имаат материјал полесен од средношколците во бивша Југославија, се им е достапно, се им е ефтино. Во што ја гледаш таа „тешка ситуација“ побратиме?
Толку е тешко што 99 проценти од средношколците се запишаа, а 99 проценти од нив ќе завршат.
Тешко на општеството со таква „тешкотија“.

Факултети отворија во секој град, 99% студенти на факултет. Да се наполни буџетот, не мора секој да се вработи после. Нека има само одлив на млади мозоци бре.
Материјал може има, ама има и професори од бивша Југославија, на секој факултет минимум по 3-4 такви. Велиш дека сите кои се запишале завршуваат?

 

[Chapstick]

Одговор од МВР
Почитувани,

Министерството за внатрешни работи би сакало да ве информира дека најголемиот дел од барањата доставени со поднесокот 49181/1 од 14.06.2011 година, кои се во во ингеренција на министерството се веќе исполнети, односно по истите е постапено, додека за останатите политички барања постојат соодветни процедури во демократски избраните институции.

1. Од страна на Министерството целосно се почитуваат човековите права и слободи. Впрочем ова беше еден од условите за визната либерализација по кој Република Македонија беше високо оценета. МВР секојдневно работи и се залага за нивно унапредување, а како признание на сите активности кои ги презема Министерството дојде и поканата за предлагање на член во Поткомитетот за превенција од тортура и друг вид сурово, нечовечко или понижувачко постапување и казнување на Обединетите Нации, со мандат од 4 години.
2. Одговорноста во однос на убиството кое се случи на Плоштадот „Македонија“ е веќе лоцирана и до надлежното Јавно Обвинителство, на 08.06.2011 година, беше процесуирана целокупната документација од преземените мерки и активности во форма на кривична пријава, а подоцна и во форма на посебни извештаи. Пријавата беше прифатена и проследена до Основниот суд Скопје 1 - Скопје како барање за отварање на истрага.
3. Осомничениот за кривично дело „Убиство“ по чл.123 од КЗ на РМ, на 07.06.2011 година, ден по настанот кој се случи во утринските часови на 06.06.2011 година, беше идентификуван, обезбеден и со него беше извршен разговор во службените простории на СВР Скопје. Истиот веќе следниот ден, на 08.06.2011 година, беше изведен пред надлежен Истражен судија од чија страна му беше изречена мерка притвор во времетраење од 30 дена. Изрекувањето санкција за осомничениот е во исклучителна надлежност на судот кој треба да одлучи во фер и непристрасна постапка.
4. Утврдувањето на кривична одговорност и санкции за сите одговорни лица е исто така постапка во која одлучува судот врз база на добиените докази и сознанија од истрагата.
5. Кривична пријава се поднесува врз база на основани сомненија за сторено кривично дело. Во конкретниот случај, по спроведените предистражни дејствија, беше идентификуван осомничениот и против истиот беа иницирани мерки на кривичен прогон. Во натамошната постапка, доколку надлежниот Истражен судија одлучи да ја прошири истрагата и за прикривање на кривично дело, преземајќи мерки на кривичен прогон против други лица кои биле присутни, го виделе настанот, а не го пријавиле, МВР целосно му стои на располагање за да постапи по сите наредби.
6. Во моментов во соработка со своите меѓународни партнери, МВР спроведува реформи со кои ќе се зголеми персоналниот и техничкиот капацитет на Секторот за внатрешна контрола и професионални стандарди. Покрај тоа беа преземени и низа мерки за зацрвснување на неговата независност во насока на поголема ефикасност во постапувањето. Од друга страна МВР продолжува блиску да соработува со Народниот Правобранител и Собранието како надворешни институции овластени да вршат надзор врз работењето на министерството. СВКПС исто така е отворен за соработка и со невладините организации, а согласно хиерархиската поставеност Јавниот Обвинител во секој момент може да иницира постапка за кој било случај или кој било полициски службеник. Барањето на замена на СВКПС со „Независен систем на контрола“ е легитимно и впрочем беше дел од програмата на СДСМ. Не може да исклучиме дека опозицијата истото ќе го покрене во Собранието и мнозинството пратеници ќе се произнесат по него согласно мандатот кој им го имаат доверено граѓаните.
7. Законските и подзаконските акти од областа на внатрешните работи се веќе донесени и истите беа поздравени од страна на Европската комисија. МВР и натаму продолжува да работи на хармонизирањето на домашното со европското законодавство. Доколку немате информација, осомничениот е вработен во Министерството пред десетина години. Оттогаш во голема мера се изменети условите за прием и напредување во специјалните единици, а критериумите се поставени на повисоко ниво.
8. Забраната за вработување на лица во МВР кои имаат криминално досие беше предвидена во законите поврзани со оваа проблематика, но истата наиде на осуда од страна на експерти за човекови права и беше оценета како противуставна и дискриминаторска со образложение дека секој по издржување на пропишаната казна е еднаков со останатите граѓани.
9. МВР редовно ги доставува своите извештаи до Собранието на РМ и нема против во соодветна процедура, истото да одлучи кој може да присуствува при разгледување на истите. Секторот за односи со јавност и слободен пристап до информации веќе соработува со сите заинтересирани страни и согласно законските обврски одговара на сите поставени прашања.
10. МВР нема ништо против заострена казнена политика кон сите сторители, вклучувајќи ги и вработените во Министерството. Сепак измените во КЗ се ингеренција на Министерството за Правда и правниците треба да проценат дали ваквото решение е уставно издржано.
11. Прејудицирањето вина и одговорност, непочитувањето на надлежните институции и процедури е постапка која што се коси со сите демократски правила и постапки. За политички барања постојат соодветни процедури во демократски избраните институции, кои впрочем изминативе години во неколку наврати ги користеше СДСМ. МВР јасно го соопшти својот став по случајот дека станува збор за трагичен настан кој не е политички и истиот не треба да се злоупотребува во политички цели. Одговорноста за настанот е индивидуална и обврска на министерството беше истата да ја утврди, лоцира и да покрене соодветна постапка, што досега е сторено.
    

Брзата и ефикасна истрага, откривањето на осомничениот за неполни 24 часа, откако по 13 часа чекање беше добиено известувањето од Институтот за судска медицина за причините за смртта, јасно ја покажува разликата во сегашното полициско работење во однос на постапувањето на полицијата во случаите на Трајан Бекиров, Диме Ицковски-Поштар или трудницата Асије Скендери. МВР нема да отстапи од индивидуализирање и процесуирање на одговорноста. Само така може да се заштити угледот на полицијата од сите кои се обидуваат вината да ја генерализираат не водејќи сметка за достоинството на преку 850 полициски службеници и нивните семејства кои од 2001 година наваму беа повредени или загинаа на должност. Тие како и сегашните припадници на МВР секојдневно ги ризикуваат сопствените животи штитејќи го територијалниот интегритет и суверенитет и безбедноста на граѓаните.

 

[bucio]

. МВР нема да отстапи од индивидуализирање и процесуирање на одговорноста. Само така може да се заштити угледот на полицијата од сите кои се обидуваат вината да ја генерализираат не водејќи сметка за достоинството на преку 850 полициски службеници и нивните семејства кои од 2001 година наваму беа повредени или загинаа на должност. Тие како и сегашните припадници на МВР секојдневно ги ризикуваат сопствените животи штитејќи го територијалниот интегритет и суверенитет и безбедноста на граѓаните.

МВР толку многу се грижеше за своите службеници па преку суд ги бараше парите од оштетата нивна, бараше пари од мртвите и од инвалидите од луѓето кои што крвареа и искрварија за оваа земја, ете така се штити угледот на полицијата и достоинството на нејзините службеници кои беа повредени или загинаа на должност.