Мене ми мрзи да куцам и вокабуларот ми е ограничен на 2500 збора затоа ќе се послужам со блогот на nasty за да го искажам мојот револт.
http://nasty-talk.blog.mk/2009/10/21/revolt/
Револт
Не ми е јасно како е возможно, во оваа наша рунтава касаба, секој вид на јавно демонстрирање на револт и отпор кон државниот поредок, по дифолт да биде ушљакан со политички или етнички обоени етикети, секогаш исполитизиран, инструментализиран, или фингиран. Па добро бе да му се сневиди, дозволено ли е некаде во нашава резерват-држава политичка и субјективна слобода, постојат ли воопшто самосвесни, рационални и интелигентни битиа кои поседуваат критички ум способен за самостојно размислување и генерирање на слободни и независни мисли(ова посебно важи за студентаријата)? Партиски инструментализираните медиумски гласила и некои индивидуални “елементарни непогоди” што не етикетираат, како вакви или онакви, со еден збор неподобни, всушност бараат од нас послушност, а послушноста сама по себе ја инхибира или сведува на минимум потребата да се мисли. А доколку јавното мислење се пригуши и народот престане да размислува со своја глава, нормално контролиран од државата преку стравот, и така се претвори во една лоботомирана марионета, безпоговорно препуштена на едноумието и безличната пропаганда за национален фанатизам, ширена од страна на забеганите ни, и до зла бога наакани властодршци, тогаш сосема изгледно е дека, тоталитаризмот, веќе ни влегол во предворјето.
И еве сеа ќе излезам надвор, и гневно ќе кажам на цел глас, дека сум напизден од сево ова деградирање на оштеството и теророт што се врши врз обичниот човек, да ти се плукнам у селендрата од водачи(студентски), алчност, примитивизам, профитерство, корупција, опортунизанм, тоа ви е единствената идеологија која ја познавате и единствената религија на која и се клањате, да ти ебам еродираните, неспособни, некомпетентни, и импотентни институции заглибени у изметот на бирократизмот, да ти се серам у политичко-мафијашко-олигархистичките групации, на кои крволочниот монетарно-капиталистички систем им дозволи до таа мера да се зајакнат и мутираат во неуништливи паразито-феудалци, што сега можат непречено да си уништуваат и потчинуваат се’ пред себе, во бескрупулозната борба за проширување на својот феуд и моќта.
И плус, планирам да си опнам една колоритна маичка. Од предната страна ќе го испринтан ликот на Anton LaVey, а на грбот Бранко онака озарен, а испод него со големи флуоресцентни букви ќе биде испишано СОРОС е ЦАР и I LOVE GREECE, на рамо може да си истетовирам некоја свастика. Крајно испомешани работи што немаат благе везе со моите лични убедувања и светогледи, али ете ќе им дадам повод, на безглавата патриотска малограѓанштина, да искине гласни жици дека ете таму некоја сдсмовско-комуњарско-гркоманскa и соросоидно-нарко-анархо-фашизоидно-сатанистичка секта се собрала и поганела против државата и безгрешните сили кои така деликатно се обидуват да го одржат патриотскиот еквилибриум во неа. За после на ТВ да дадат прилог како некоја девијатна будала, се глупирала низ градов, ширејќи социјално неприфатливи гадости, со слики и тетоважи на некои од најомразените ликови и појави во државата.
