И сега, што правиме, откако јас волку небитна за оваа земја признавам дека не сум била информирана околу пресовите на надлежните? Што правиме што сум се обидела неемотивно да го сфатам убиството (жал ми е, не сум емотивна ниту за лични проблеми)? Што правиме што се обидувам да бидам објективна, и само поради тоа не се ни обидувам да гледам ТВ за да ги слушам срањата на А1 и Сител?
И откако ете, јас си го признав тоа, што правиме? Ќе ја расформираме полицијата? Ќе забраниме да постои полиција? Ќе ги линчуваме сите полицајци? Што ќе правиме? Јас би сакала да го дочека исходот од обвинението кон момчето, и ако овој полицаец случајно добие казна за ,,убиство од небрежност,, тек тогаш ќе излезам и ќе протестирам и ќе палам и ќе кршам. Ама сега? Не гледам причина да протестирам, ниту мирно.
Никаде не е розево. Во ниту една земја.
Јас само имам разбирање дека оваа земја е долго долго време држена во заложништво, и тој што е на власт прави обиди тоа да се промени, а кој работи тој и греши. Грешка можеби е формирањето на ваква единица, и уште поголема грешка што било кој добил работа таму.
Но, познавам и добри полицајци, посветени на работата, познавам полицајци кои умреа за ти мирно да спиеш, познавам полицајци кои секојдневно си го ризикуваат животот за да се расправаат со секакви криминалци.
Затоа не можам да ја обвинам целата полиција, и не можам да ја осудам целата полиција.
За сите вакви говеда, како овој тигар, најстрога казна. За да им се исчисти образот на оние кои чесно и посветено си ја работат работата.
