Прашањето за абортусот како право на избор е стар колку и луѓето..и додека во Стар Израел таков чин толку се осудувал што било забрането да се спомене...денес, дојдено до таму што се граничи со ментално насилство продолжено со осуда..ако ја заземеш спротивната страна од онаа која е застапувана.
Точно така, убаво го кажа, ментално насилство продолжено со осуда.
Само не прокоментира дали е сето тоа во ред или не, бидејќи и ти на момент го направи.
Колку што можев да приметам од еден твој претходен пост, имаше ставено линк до слика на абортиран фетус. Кажи ми, дали е во ред да се вадат пред очи такви слики пред мајката, која е исправена пред дилемата дали да абортира или не. Мене ако ме прашаш, тоа е манипулација.
Исто како тебе и јас би можела да и' извадам слика пред очи на многу пари, слава, забава...или докторати, кариера, или финансиска стабилност и слобода......или било каква друга слика што ќе биде идентична на нејзиниот посакуван идеален живот доколку подлегне на абортус. Само и само со една цел, да ја изманипулирам.
На мајките не им требаат такви слики, ниту како мојата, ниту како твојата. Немој погрешно да се сфатиш. Јас сум за целосно информирање, кажи и' ги ризиците од абортус, кажи и' ги статистиките на неплодност, кажи и' низ што се' ќе треба да помине, што ја очекува понатаму (како мајка или не), да размисли дали ќе може да се бори со својата совест во иднина....И сето ова да се каже најотворено и најреално. И остави ја самата да одлучи.
Но, немој да вадиш бедни слики, само за повеќе да ја збуниш и предизвикаш болка кај нејзе.
Односно, немој сликовито да ја силуваш.
Мене ми е сосема јасен абортус во случај на силување,тешки деформации на плодот, опасност по животот за бремента жена..или било каква друга компликација во која стои правото на избор на жената како човечко суштество, без да биде приморана на тоа
Имаш двојни принципи. Ако си против абортус, ќе бидеш против во сите случаи, без разлика дали е силување, деформации или опасност по живот. Не можеш да кажеш, оправдувам само ако..., или оправдувам во онаа ситуација... Бидејќи, ако го направиш тоа, имаш двоен аршин.
Зошто им даваш право на избор само на оние мајки кои се силувани, кои носат деформиран плод или кои се во здравствена опасност? Зошто тие имаат право да изберат, а оние кои си имаат други причини и објаснувања, не смеат да изберат? Тоа е дискриминација.
Ако си против, ќе бидеш против до крај, па макар и по цена на живот на мајката. Ако веќе даваш избор, ќе го дадеш на сите, ме разбираш што сакам да кажам?
Затоа јас велам, право на избор по сопствени убедувања, сфаќања и размислувања. И на крајот, секој ќе си ја сноси својата одговорност и последици. Ама мора да се даде избор!
Мојата поента од почетокот беше дека...светоста на животот настанува со зачнувањето..а не некаде по патот на развојот на плодот...
Ова е само еден аспект од целата дискусија, кој е многу испревртено поставен од страна на оние кои се против. Се согласувам дека животот е светост. Но, исто така знам и дека секој има различно сфаќање за тоа кога животот започнува. Затоа можеш да го земеш како еден аспект од целото прашање, но не и како единствен аспект. Следствено, не можеш само врз база на него да генерализираш.
Денес поголениот број на повикувања на правото кое го застапуваш се од од социјален карактер...бедно.
Се сложувам со тебе, но биди малку поширок во сфаќањата и разбери дека секој има право да си одлучи сам, без разлика на тоа какво оправдување ќе си даде пред себеси. Ниту јас, ниту ти, сме тие кои треба да судиме. Тие што ќе одлучат, ќе си живеат со својата совест и своите причини зошто така избрале.
И каде е тука рамноправноста на одлука на двата родитела?
Знам зошто се буниш и те боли, напишав погоре дека ми е јасна вашата машка позиција кога во таков случај се осеќате како да сте со врзани раце, дека вас никој не ве прашува.
А јас од друга страна можам да дебатирам и за оние случаи кога машките се тотално незаинтересирани и гледаат да се скријат во првата дупка, а девојките се оставени и препуштени сами на себе.
Гледаш сега дека паричката има две стани? Мене ако ме прашаш, ниту едната од нив не е правилна.
Рамноправност постои кај сите зрели личности. И таа почнува од самиот чин на сексот, да биде здрав и сигурен. Заедно сме одговорни за контрацепција, исто како што и заедно треба да сме одговорни во случај на несакана бременост.
Признавам дека има ситуации кога жената одлучува самостојно, без консултација и спротивно на желбите на мажот. Но, знај дека жена која е самосвесна, возрасна и несебична, ќе донесе заедничка одлука.
п.с. Трилчо, ако сакаш бујрум вклучи се. Или и понатаму од позадина ќе осудуваш различни размислувања од твоите?
