Стварно не можам да замислам што Мурињо имаше замислено синоќа.
Зошто одбраната константно стоеше на 35-40 метри до голот ? Па секако дека Барса има играчи како Чави, Иниеста, Меси, Педро, Виља, Алвес, Абидал (колку се само брзи и колку само точно знаат да ја додадат топката), и едноставно Чави, Иниеста или Меси испраќаат долга топка кон страна, страничните играчи како Виља, Педро, Меси, Абидал или Алвес ја уфрлаат топката во средина, и гол. И така 5 пати, фала богу беше Икер, два пати Пепе, и два-три пати Карваљо иначе Барса би имале двоцифрена предност.
Зошто беа толку пасивни ? Премногу им оставаа на играчите на Барселона да се разиграат, на тим како Барса треба константно да му се сецка играта, нон-стоп да ги фаулираш со оние ситни фаули, да ги изнервираш, иако се психолошки многу јаки.
Зошто беа поставени толку далеку од играчите ? Никогаш не беа до играчите, туку секогаш на некои си 2-3 метра од играчот, а секако таквите креативци ќе го искористат тоа, едноставно мораш нон-стоп на противникот да му дишеш во врат. (истото што им го правеа на играчите на Реал).
Роналдо ? Роналдо има еден проблем, кога и да добие топка мора да ја задржи кај себе некои 5-10 секунди, и прави нешто, некоја бицикла, дрибла и слични работи, стварно ми е предраг играч, но мора повеќе да гледа и на тимот, не само за себе. Роналдо е многу покомплетен играч од Меси, но Меси едноставно има предност, игра со екипа, и само кога е потребно прави некој индивидуален потег, дали е до поддршката која ја има, дали е до нешто друго, не знам.
Срце ? И секако најголемата предност на Барселона е тоа што нивните играчи играат со срце за својата екипа, а нашите играат за пари (секоја чест на исклучоците).
Ние сега ја научивме оваа лекција, бар се надевам, Мурињо и играчите сега треба едно 10 пати да го изгледаат натпреварот, и да го анализираат секој можен детал, секоја можна грешка, а синоќа грешки имаше 90 минути. Не можеш на крајот на сезоната со нов тренер и потполно нов тим кој се мењава секоја година да кажеш дека си завршил некоја работа. Треба да се остави овој тим да игра заедно и во наредните 3-4 години, и константно да се приклучуваат и дечките од Кастиља, како што тоа го прави Барселона. Можеби по едно засилување на лето кое ќе биде стварно потребно, и само постепено да се приклучуваат играчите од Кастиља, прв од нив Сарабија, момакот е феномен. Единствено со таква политика можеме да им парираме на Барселона. И самиот Мурињо кажа дека во Реал треба да останеш 2-3 сезони за да направиш напредок, пазите, напредок, а не да го направиш тимот најдобар во светот.
Без сомневање, Жозе е голем тренер и сигурен сум дека ќе ги увиди грешките, и уште некои други грешки кои ни јас самиот не можев да ги видам.
Денеска е вторник, а во сабота следува Валенсија. До тогаш главите горе, и ХАЛА МАДРИД !
)))))
