Отсекогаш бил почитуван, тоа е неспорно, но не од толку многу луѓе како денес. Не ми бил меѓу омилените затоа што не го имам слушано, но дека имаше вокални способности, имаше повеќе од било кој што излегол во Македонија со микрофон во рака.
Ми текнува кога почина. Бев негде прва година средно и, одеднаш се крена толкава еуфорија што луѓе што воопшто немаа слушнато негови песни липаа, ронеа крокодилски солзи, неможеа да се смират, добиваа напади итн. Жално, не викам дека не е жално, особено откако по обдукцијата се добија резултатите како настанала смртта, но претеризам е што една недела после тоа, истите тие што не го ни знаат бараа ослободување од настава поради голема потресеност. Македонска работа, секој гледа да профитира од нечива смрт.
Па следуваше фазата цела нација жали. Групно плачење како на шпанска серија. Пак ќе напоменам, тажно е тоа што почина пред се млад човек, а 90 годишни желки што незнаеш дали се живи или вегетираат нема да пуштат душа уште 20 години, малтретирајќи ги останатите околу нив. Но, до толку да се глуми лудило, не е во ред.
Наместо да се потрудат како почит према него да и помогнат на неговата фамилија побрзо да преболи, мораше уште толку да се експонира во јавност, да има судски спорови, да се спомнува и да му се валка името. Прогласувањето за светец беше најглупавото нешто што некој можел да го смисли. Да, Тоше беше хуманитарец и помагаше на секого, беше скромен и ги ценеше моралните вредности во општеството, па дури и минимално, влијаејќи врз свеста на младината, но не е светец. Тоа што беше верник не мора да значи дека претворал вода во вино и правел чуда за да биде светец. Тука се отвори и нова тема за дискусија во јавноста - кои се критериумите за еден смртник да биде прогласен за светец, што буквално го понижи него во јавноста, уште толку дотурајќи му на огнот.
Зарем не можеа сите оние што го почитуваат еднаш годишно, еве на неговиот роденден, да ги слушнат неговите песни дома, ако се верници да отидат во црква и да се потсетат на него, а не да прават циркузи како вчера? Колку и да е хуманитарен концертот, јас сум сигурна дека некој има профитирано од тоа. Ако им беше да соберат пари, можеа да организираат некаква фондација, да има доброволни прилози, донации итн. а не она што се организираше вчера.
Премногу е ова што го правите. Крстувањето кучиња и мачки не е мерка за тоа колку вие го сакавте и го почитувавте Тоше.
ftopic:
