Македонски менталитет

[rossonerka]

Колку ви пречи, колку го подржувате, колку се придржувате кон нашиот македонски менталитет? Ова последното придржуваме сакале или неќеле да признаеме сите ние всушност го градиме тој менталитет. Ни пречи ама и ние сме еден дел од него, сите ние без исклучоци.

Имаме позитивности, ама преовладуваат негативностите некако.

Први сме за оговарање. Кој со кого бил, што праи комшијата, ќе направиме цел список на пријатели кој со кој се мувал и спиел, што носела таа вчера на искачање и зашто денес пак истото го носи, зашто носи штикли во понеделник ... Никој не гледа што има во свој двор, ама затоа се е запазено што се случува во дворот на комшијата.
Имаме речиси нула на самокритичност. На нас сите други ни се криви. Ние виновни? Ма нееее. Ние сме најдобри и најпаметни, а сите околу нас се спротивното.
Први сме да одиме на кафе, да безделничиме, кај нас кафулињата 24 часа да работат сите ќе имаат 24 часа работа. Нормално мора да се видат луѓево да изоговараат. Иако тука има и една позитивност во нашиот менталитет. Сме комуникативни и сакаме забава. Кај нас има забава 7 дена во неделата. Весело е, расположени сме, сакаме да се дружиме.
Некултурни сме, нецивилизирани, не сакаме да почитуваме законите туку од инат правиме спротивно од нив, а штом не фати чичко полицаец се јавуваме на нашиот пријател полицаец да ја среди казната и потоа ја пцуеме државата и законите што ги донаса кои се сепак европски ама ние сме биле далеку од Европа, не биле тие за нас.
Обожаваме политика, иако викаме дека не. Се се врти околу политиката и околу партиските книшки. 100 години ќе ни треба да го заборавиме Тито и да ја оставиме политиката.
Гостопримливи сме. Тоа е добро. Ама и се што е од странство е фантастично и одлично. А се македонско нормално е заникаде и први сме да го испоплукаме. Кај нас квалитетните луѓе одат надвор, сами си ги бркаме. Па и што да бараат тука кога никој не ги почитува.

Дополнете си и други карактеристики што ве нервираат (а во кои секако имаме удел и самите ние). И дали би се промениле овие карактеристики во брзо време. Јас мислам дека воопшто не сме склони на промени. И што вие би сакале да се промени?
Воедно и што ви се допаѓа од нашиот менталитет? Некои позитивности?

 

[Duduk]

Macedonia is place, where the weird things are normal, and the normal things are weird :kez:

 

[Mario Gómez]

Први сме за оговарање.

Девојките тоа, нивна професија

Имаме речиси нула на самокритичност. На нас сите други ни се криви. Ние виновни? Ма нееее. Ние сме најдобри и најпаметни, а сите околу нас се спротивното.

Oва е точно, секој за себи мисли дека е најпаметен, најубав, најубаво се облекува, слепо одејќи низ животниот пат, како да е се до облеката. Никој не се шали на негова сметка.

За другото, 99% од луѓето максимално вмешани во политика, до гуша.Секој менва партии, народски шо би се рекло, кај шо дува ветрот. Закони за нас не постојат, не ни ги познаваме нашите права во државата, се жалиме дека никој не не ферма а се донесуваат закони со што ќе се подобри моќта на народот. Школото е за нас императив, секој ден се забавуваме, скопското е наш предводник.

Пцуеме се живо и диво, секогаш е крив професорот, судијата или полицаецот, никаква општожа култура, фрламе ѓубре по улици. Се гледа цело време да се плука државата, не гледаме што можеме ние за неа да сториме, туку чекаме таа да не вработи, со никаква помисла за самовработување. Факт е дека сме мрзи големи, и денешната работа не ја оставај за утре за нас не важи.

Од позитивните работи на нашиот менталитет да ја споменам упорноста и тврдоглавоста која е слична со едно домашно животно и тоа што сме домаќини и отворени за секого.

 

[drle]

Јас изгледа длабоко во моето потекло немам Македонски корени, ако судиме според тоа колку од наведените карактеристики ги поседувам односно немам ниту една од наведените Македонски карактеристики што го креираат Македонскиот менталитет. Можеби сум исклучок или пак премногу се генерализира околу Македонскиот менталитет.:raz:

 

[jovanovski]

браво за суперхикси


Cudna rabota e ovoj nash mentalitet
zavist ljubomora kriminalitet
sebise ne se gledame a drugite da
od vremeto velat bila glavna pricina

Peeri,narkomani razni gluposti
ovoj zena nemal imal pak je ostavil
ozboruvanja aferi i izmislici
sekoj znae naredno shto ke ni se sluci

 

[Пеам на свадби]

Синтагмата ,,македонски менталитет" е изговор зад кој се кријат личните преференци на субјектот. Не верувам во колективна свест, освен идеолошка.

 

[Mac))]

Синтагмата ,,македонски менталитет" е изговор зад кој се кријат личните преференци на субјектот. Не верувам во колективна свест, освен идеолошка.

Wow, баш си ефективна во имитирање на субјектот Анхоли. Али немој трн да те види.

Ај бе па, ко во други земји мед и млеко да им тече, па они не оговараат и не се ситат ако некој друг пропадне.

 

[LordDragonII]

Македонците по менталитет се мешавина од хипици и пункери.

 

[DemonOfTheFall]

Се ми смета, нема една ствар што може да ме убеди дека македонскиот менталитет чини.

Прво, да се земе фактот дека тука на било која тема секој има што да каже а никој не го слуша соговорникот, не прави единствени у цел свет! Ајде, ќе речеш пет века под турско ропство, заостанати сме. Да седнеш и да му објасниш на некој хаце тип што уште Грујо го лаже дека е чист антички македонец било што, па макар и најпростата работа, неможеш. Зошто? Зошто истиот тој што по цел ден седи пред коперација со пивото и ракијата што воедно е и единствена рутина во животот животна философија му е ДА МУ ЦРКНЕ НА КОМШИЈАТА КОЗАТА едноставно не дека неможе, не сака да те сфати зошто не е оупен мајндед, туку стереотип, што уште верува во гатачи и врачари, а не во медицина. И истиот тој директно од пред коперација иде у влада и е министер. И тој води држава. Или пак, сите, ама баш буквално сите без исклучок не ги интересира за нив, туку другите, кој што рекол, направил, помислил, се е мета на оговарање и пресудување дали е во право или не е. И кога ќе помислиш дека анализирањето на општеството завршува тука, не, си утнал голема категорија, оние што се знаат, што и без диплома од медицински се доктори, а најмногу се политички експерти кои само серат колку другите не чинат. Такви се и најмалите деца у прво одделение кои наместо да играат ластик се делат на комуњари и офци, верници и атеисти, сиромашни и богати, деца на директори и деца на чистачки.

 

[G-ca Ljubov]

Па ми пречи донекаде македонскиот менталитет и би го поделила на две групи , првата- секој сешто знае, секој секаде си го пика носот и секој е експерт за неверојатен број на теми а особено политика а во суштина се нема појма од ништо (има исклучоци)... другиот дел пак нема желба да знае ниту да коментира освен да оговара и со часови да го топли својот задник во ‘‘урбаните‘‘ македонски кафулинја, гледам кога ке дојдат во Охрид мислат дека се во Лос Анџелес а кога шетаат по охридската калдрма ја замислуваат како Тајмс сквер во Њу Јорк...
Една работа е голема неизживеаност која се покажува на многу прост начин со докажување кој колку се претворил во камен претходната вечер или во трска, земја и што ли уште не.. и друга работа што толку им се допага таа глупава состојба на монотоноста во нивниот живот , ова е навистина за чудење.:nesvest:

 

[Пеам на свадби]

Wow, баш си ефективна во имитирање на субјектот Анхоли. Али немој трн да те види.

Ај бе па, ко во други земји мед и млеко да им тече, па они не оговараат и не се ситат ако некој друг пропадне.

Оуки, требаше да се поедноставам?
Епа ајде:
Пеерче, ја не веруем бачко у македонски менталитет. Сериозно. Ја у принцип, веруем у субјективен менталитет. Тоа шо се поклапаме у некои ствари е коинциденција. И сите шо се вадат за своите сељо-накај неискоренливи навики со ,,менталитетот", ќе си останат непроменети увек.

 

[Blackout]

Оуки, требаше да се поедноставам?
Епа ајде:
Пеерче, ја не веруем бачко у македонски менталитет. Сериозно. Ја у принцип, веруем у субјективен менталитет. Тоа шо се поклапаме у некои ствари е коинциденција. И сите шо се вадат за своите сељо-накај неискоренливи навики со ,,менталитетот", ќе си останат непроменети увек.

Па тоа ти е уствари менталитет што 90% од народот ги имаат тие погоренаброени навики.
епа сега коинциденција која ја има на една територија ти е менталитет исто како што појава на една болест на одредена територија ти е пандемија разбираш?

 

[Пеам на свадби]

Па тоа ти е уствари менталитет што 90% од народот ги имаат тие погоренаброени навики.
епа сега коинциденција која ја има на една територија ти е менталитет исто како што појава на една болест на одредена територија ти е пандемија разбираш?

Не. Еднаш е вест, втор пат е коинциденција, трет пат е тренд. За разлика од болеста, која пациентите несвесно и неволно ја примаат, овие навики кои ги декларирате како ,,менталитет" се тренд. И` одговараат на масата која ги применува. Свесно.

 

[Гладиус]

Ууууу реална слика за македонците еј
Прво, да започнеме со трачарењето. Вратете се пред 100 години кога жените оделе на чешма. Една и шушнала на друга дека некоја трета имала дамка на фустанот, па оваа грешно ја разбрала па на четврта пренела дека го изневерувала мажот...
Самокритичноста... Ееее интересна работа е ова... Кога 500 години народ ќе биде под ропство, во период на самостојност и независност ќе се лечат комплекси од минатото. Порано што ќе кажел агата - тоа било. Е сега, како последица на тоа, во крв ни останало да си се фалиме и според нас секогаш да сме ние во право
Секако дека сме политички народ. Не знам од каде и зошто е тоа така, ама криво ми е што наместо стопанството и земјоделството да бидат главен фактор во државата од кои можеме само да добиеме нешто плус ние сме ориентирани кон политиката и јаките функции. Можеби пак се тука тие 500 години каде за сите потурчувања, земање јаничари и што уште не биле виновни тогашните водичи на државата - окупаторите (ги молам овдеприсутните турци да не ме сфаќаат погрешно)
Дека не почитуваме закони, не почитуваме. Ама ете исто научени од минатото на востанија, буни и револуции за прекинување на нечија власт и укинување на некои закони, истото го правиме и денес. Непокорни сме!:salut:
За културата сме си ние како општество од денешницата криви. Влијанието од околните земји собрано на куп си ја прави некултурата на човекот. Ама, и во минатото, кој македонец имал убав живот па можел да си дозволи високо образование (во тие времиња високо било и основното) за да научи како да биде културен? Се знае, предците наши киснеле по ниви, копале од утро до мрак и секогаш му служеле на некој. Така културен не се станува.

Е сега, дека сме забавни, комуникативни, социјабилни и што уште не, се докажува со тоа што нема македонец кој е во странство а не успеал. Сите се привикнале на новата средина, сите научиле како да се однесуваат.
За кревање атмосфера сме први Доказ ми беше кога имавме гости од Хрватска. Луѓето не можеа да се изнаиграат и не можеа да поверуваат дека кај нас има ноќен живот во тек на цела недела
Па нели и срцето ни заигрува кога ќе слушнеме зурла или тапан?
Итар народ сме Скоро секогаш знаеме да надитриме некого за да успееме во нашите цели

Некои карактеристики ги поседувам, некои не. Сепак, генерализирање не може да се прави. Ова погоре е само една општа слика од која отскокнуваат многу поединци.
А верувам дека сме склони на промени. Можеби промените нема да се осетат кај нас, но сигурно ќе се осетат кај следните генерации

Во глобала, македонче си е македонче каде и да оди Па дури и да е на печалба во Америка, Австралија, Западна Европа, Источниот свет, секој од нас си сака добра чашка ракија со убава музика. И да не ги заборавам и припадничките на понежниот пол, секоја од нив колку и да се привикнала на новата средина ќе има што да им каже на пријателиките за новата комшивка

 

[Кралот Марко]

Македонскиот менталитет си е супер, само што останатиот свет сопствените односи ги гради врз други вредности, кои за нас изгледаат неприфатливи. Единствена маана на нас ни е што нашиот менталитет онаков каков што е не го адаптираме спрема останатите кон кои тежнееме. Инаку сетете се само колку странци кои што дошле кај нас пренеле нешто од нивниот менталитет. Јас би рекол скоро „ич“. А колку странци го прифатиле нашиот менталитет: да паркираат на тревник, да пијат и пушат колку сакаат и каде сакаат, да прават што си сакаат и каде си сакаат. Едноставно би рекол многу брзо се адаптираат во нашиот амбиент, притоа не штедејќи зборови да се пофалат колку им е убаво овде и како не им е јасно што всушност ние бараме, кога си живееме среќно и убаво, онака лежерно.