Менаџерот на Арсенал, Арсен Венгер вели дека неговиот тим повеќе не може да вели дека неискуството е причината за неуспехот
Топџиите последниот трофеј го освоија во 2005 кога славеа во ФА Купот а последниот триумф во Премиер Лигата им е во сезоната 2003/2004.
Во минатото Венгер често велеше дека неискуството на неговиот млад тим е причина за не освојувањето на трофеи но стратегот вели дека неискуството повеќе не може да биде изговор.
За L’Еquipe стратегот изјави: “Луѓето постојано велат дека не сме освоиле ништо веќе пет години. Тоа е вистина, но ние секогаш останавме на највисокото ниво, дури и во тешките периоди за клубот.”
“Арсенал изгради нов стадион и потребно беше да платиме за тоа, а во исто време и да изградиме нов тим.”
“Што ќе кажете за Манчестер Сити доколку тие не освојат трофеј оваа сезона откако инвестираа 200 милиони фунти?”
“За мене, главната причина зошто [B]ништо не освоивме[/B] во последните пет години е фактот дека играме во најдобрата лига во светот против клубови со нелимитирани фондови.”
“Секако дека сакам да освојувам трофеи. Нашата надеж за оваа сезона е секогаш иста – ќе се бориме за титулата во Премиер Лигата и го сакаме трофејот од Лигата на Шампионите.”
“Планот е да продолжиме со подобрувањето на силата на тимот и младоста.”
“Моите играчи повеќе не можат да го користат изговорот за неискуство. Тие се желни за титули. Мислам дека се способни за тоа и ќе успеат да го покажат.”
Еве еден дел од интервјуто кој најповеке ми се допадна...
))
