Си ја исчитав темава од прва до последна страна. Дискусијава почнува да се движи од една точка па скока на друга. Тргна од зошто убави теми не се преточуваат во дискусија, па зошто некој пишувал кратки, некој долги постови....па стигна до тоа да се објаснува што е форум.
На форумов активна сум некои три години ако не се лажам, ама го читав уште од почетоците. Имам само некои 600 мислења кои ми се на точно избрана тема според вкус и интерес, да речам и според прилично доволно познавање за темата. Прво бев пасивна и читав за да си создадам некое поле на интерес на форумов. Дали тоа беше одредени членови и нивната одлична способност да преточат мисла или став во пост, дали беше начин на дискусија или добри информации за нешто.
Научив работи за кои прв пат прочитав тука, си го дооформив ставот за многу проблематики, видов секакви виртуелни(или можеби реални)карактери, прочитав многу текстови од талентирани форумџии кои се обложувам дека ако ја нема темата за прозни искри или пишуваме на зададена тема ќе беше многу сиромашен форумов(барем за мене).
Но едно нешто несфатив.....што е со форумов и темите сега?
И порано имаше личности што пишуваа на секоја можна тема, се обидуваа да напишат постови со што понеразбирливи зборови(демек тоа што повеќе членови нема да ги разберат ги прави попаметни од другите и сл.), имаше иронични, агресивно настроени што својата улога во форумот ја наоѓаа во контрирање на сите, но така најубаво се изразуваат или привлекување внимание дали намерно или ненамерно. И моите омилени што би ги нарекла упикувачи иако не ми се допаѓа како израз. Оние кои се ќе направат да им се упикаат на претпоставените на форумов.
Но, затоа се има избор и вкус. Јас ги сакам креативните теми и креативните постови.... читам таму и пишувам таму - ПРОСТО. Ги читам форумџиите кои стварно вредат да се читаат, а не ги ни приметувам оние кои не ми се допаѓа како се изразуваат, спамираат или се бламираат. Сакам иронија го читам Итар Пејо(се извинувам за именување) иако пишува и во ЧДА, ама му ги читам постовите во теми што мене ме интересираат а не и тие во фудбал и сл. друг па го прави тоа обратно.
Значи да сублимирам две работи. Начинот на кој некој дискутира и си ја сфаќа својата улога тука на форумот неможе да се коментира и објаснува зошто е индивидуално и нормално различно. Ако некој сака иронија, а некој не.... тоа е работа на вкус. Ако некој се изразува иронично, а некој не...тоа е работа на способност.
Има преубави и поучни теми, има забавни и безвезни теми. Некој сака забава некој сака дискусија, некој сака испуцување, некој сака катче за креативност.... За секој треба да има по нешто, затоа е и општ форум ако сакаш пушувај, ако сакаш читај, ако сакаш игнорирај .....имаш избор тоа е тоа
И втората работа е агресијата која почнувам да не ја поднесувам на форумов и затоа и се помалку го посетувам и се помалку пишувам. Слободата некој да те направи од гомно подоле е апсурдна дури и кога оставаш една репутација на девојка што ниту ја познаваш ниту сакаш да ја знаеш, зошто и го оценуваш постот, а не неа.(искуство на еден форумџија од личност што 100 пати ја спомнаа, а за мене не е вредна да се спомнува затоа не именувам)
, затоа и најверојатно нема клуч темава ...