Горе-долу ги познавам повеќето кандидати,а и нивното политичко минато,па би можел да искоментирам по некој збор за секој од нив,без било какви афинитетити или предрасуди кон било кој од кандидатите.
Андосија Ристова ја познавам како мој поранешен професор од кавадаречката гимназија и тоа како една од построгите во истата.Се зачудив кога ја видов на градоначалничката листа,бидејќи истоимената професорка не можеше да воспостави некој посебен сооднос со учениците,а не знам како и на кој начин би ги привлекла евентуалните гласачи.Без никакво политичко искуство,очигледно залутала во погрешни води.Најмногу што би и дал,би било претседател на месна заедница и ништо друго.
Ристо Атанасов,тотален анонимус за мене,овој кандидат многу помалку го познавам,но мислам дека нема некое политичко портфолио и искуство за да биде татко на грдот.Му давам многу мали шанси за победа,речиси равни на нула.
Душко Сапунџиев,познат бизнисмен и личност во градот,секако успешен, човек со поголемо работно искуство,а и способност за менаџирање кое за оваа функција е пресудно.Сепак поради политичките состојби во државава,кои не му одат во прилог на независните кандидати,сметам дека нема некои поголеми шанси за победа,иако тоа не значи дека не е кадарен и способен да ја извршува оваа функција.
Јордан Невчев,познат хирург во болницата во градот,поранешен член на СДСМ,а сега на НСДП,според мене нема некои поголеми шанси за победа,а тоа се должи на неколку работи,но пред се тука е популарноста меѓу народот и состојбите на теренот.Тука пред се мислам на непотребното истрчување на опозиционата коалиција со двајца кандидати,а тоа би можело да резултира со пораз уште во првиот круг на истата,во најлош случај.Тотален аутсајдер на овие избори според мене.
Ратко Грков,кандидат на опозицијата и досегашен претседател на советот во градот,сигурно кандидатот со најголемо искуство во политиката,што секако не значи дека би бил идеален градоначалник.Ситуацијата во неговата партија,дури и на општинско ниво не беше нималку розова,имаше поделеност околу кандидатот,што на крај сепак резултира со неговата кандидатура.Можеби главен претендент со Панов,за градоначалничкиот трон.
Алексанадар Панов,можеби човекот со најголеми шанси за победа,не само заради неговата добра репутација,тука и заради најголемиот рејтинг што го ужива неговата матична партија.Го познавам како мој сосед,умерена личност,а и добар познавач на работите,според тоа што сум го слушал и гледал.Некако влезе со најголем елан и самодоверба во кампањата,па оттаму и му давам и најголеми шанси за победа.Му оди во прилог и тоа што неговата партија ја има и централната власт,па оттаму може да вети и повеќе проекти финансирани и поддржани од истата,а тука да нема никаква опструкција,како што беше случај во други места.Тоа секако е адут плус.
Порака за сите,воздржете се од било какво лобирање на истиов форум,во полза на било кој кандидат,има други места за такво дејствување.Овоа е само место за дискусија и културен разговор,а не за меѓусебно обвинување и навредување,а најмалку за промоција на некој кандидат.Нека победи најдобриот.Поздрав
