Ама мислам дека постов не ти е вреден за коментар...
Среброљупци и развратници за ова ливисе потребни повеѓе верници а ??
па нормално дека, ке бараш повеѓе верници ни овде несте нешто поарни од другине секти којшто опстојуваат само за материјална заработка
ВЕРУВАЊЕТО ВО БОГА НЕ Е БЕСПЛАТНО
Господ по висока цена
Во еден ист ден бев кум на крштенката на мојот пријател, го венчав со сопругата и на крајот го крстевме детето, пресметките покажаа дека треба да платиме околу десет илјади денари
Во еден ист ден бев кум на крштенката на мојот пријател, го венчав со сопругата и на крајот го крстевме детето. Пресметките покажаа дека во црквата треба да платиме нешто помалку од десет илјади денари. Тоа беше прескапо за нас, раскажува анонимен граѓанин по своето искуство со желбата да ги исполни овие обреди во една од црквите на МПЦ.
Обредите биле извршени благодарение на свештениците, кои зеле помалку пари, толку колку што луѓето можеле да издвојат.
Цените на црковните услуги што јавно се истакнуваат на црковните храмови, со својата висина се' повеќе ги оддалечуваат луѓето да ги исполнуваат црковните обреди. МПЦ пред неколку месеци реши да ги зголеми цените за венчавки, крштенки, погреби, осветувања... За свештеничка служба за венчавка во црква треба да се плати 2.600 денари, за крштенка 1.800, а за погреб - 1.900.
- По крштенките гледаме дека луѓето веќе не се во можност да ги прават како порано. Се' повеќе луѓе се решаваат тоа да го направат тогаш кога има масовно крштавање на реката Треска во Скопје. Така им е поевтино, бидејќи плаќаат по 500 денари за документот за крштавањето - вели свештеник од црквата „Свети Димитрија“ во Скопје.
Владиците на МПЦ го бранат постоењето на ценовниците по црквите со образложение дека „од нешто мора да се живее“. Тие велат дека нивните цени се зголемиле дури по десет години, откако тоа се случило со многу други цени.
- Тогаш кога државата ќе ни ги врати сите имоти, ќе можеме да размислуваме за поинаков пристап. Како црква имаме проблем бидејќи ни се намалува бројот на обредите. Жално е да кажам, но сега најмногу се прават погреби. Ако порано правевме по стотина венчавки и дваесетина погреби, сега е сосема обратно - вели владиката преспанско-пелагониски Петар.
Парите што се прибираат во црквите се користат за платите на свештениците, за плаќање комуналии, како и за финансирање на заедничките институции на МПЦ. Средното богословско училиште и Теолошкиот факултет на МПЦ западнаа во тешка финансиска криза откако епархиите не им ги уплаќаат задолжителните средства што ги добиваат како приходи од црквите и манастирите.
Верниците предлагаат МПЦ воопшто да не определува цени, туку надоместокот да се остави на слободната волја на луѓето што сакаат да извршат некој обред. Со тоа ќе се одбегне ситуација со која произлегува дека добри христијани се луѓе што имаат пари, а лоши тие што немаат.
- Во еден период се обидовме и со тоа, но по правило ни се случуваше луѓето што се во очигледно слаба материјална состојба, да оставаат повеќе пари од оние што се побогати - велат во црквата „Свети Димитрија“.
Дневник
