Последен гледан филм со кратка рецензија

[FuckYouAll]

http://upload.wikimedia.org/wikipedia/en/1/1b/The_Boondock_Saints_poster.jpeg
The Boondock Saints е криминалистички трилер во него се работи за Connor and Murphy MacManus кои откако ке убијат членови на руската мафија ке станат Vigilantes.
Филмот изобилува со акција и крв.
10/10

 

[bucio]

Шампионите од Шутка.


Сум се згазил во смеење, шампоинот на гробишта најјак беше. Добар е овај Др. Кољо си направил добро филмче инаку страшна работа, кој го нема гледано не знае што има пропуштено .

 

[Io Sono Interista]

Awakenings (1990)

Двајца навистина врвни актери во една многу емоционална драма. Робин Вилијамс како доктор и Роберт ДеНиро како пациент во една ментална институција.

После 30 години кататонична состојба (не сум најсигурен со терминологијава, ама еден вид на комплетна парализа, се освен мозочните функции), пациентите во една болница се враќаат во нормална состојба откако новиот доктор ќе примени нов третман. Ова будење ќе му дозволи на Леонард Лоу (ДеНиро), кој бил дете кога настапила болеста, да го почуствува животот повторно, како и промените.

Одлична глума на Роберт ДеНиро, навистина тешка улога одиграна на најдобар можен начин. На филмот слободно ќе му дадев 10-ка да не беше некако предолгиот почеток, но во продолжение филмот се одвива со нормално темпо.

9/10 Треба да се погледне, посебно за љубителите на драми.

 

[Johnny Stulic]

Bad Lieutenant: Port of Call New Orleans 2009.




Трилер филм со Николас Кејџ, Вал Килмер, Ева Мендес и Ексибит во главните улоги. Не е правен по шема како останатите филмови за лоши цајкани полни со дрога корупција и коцкање, има поинаков пристап кон нештата иако суштината е таа, дејствието се случува после ураган Катрина во Њу Орлеанс.....

Не е по шема туку е римејк не може да му се фати Кејџ на малото прсте на Кејтел за перформансите изгледа патетично кога ќе ги споредиш.
Погледни го оригиналот за да ја приметиш разликата во квалитет.
Ме нервира кога ќе успеат да сјебат култни филмови само да се дочепат до некоја пара.

 

[bobi2008]

eXistenZ

Oдличен sci-fi инспиративен, предизвикува интересни дискусии за технолошкиот развој на човештвото, како и производството на електронски игри.
Мора да се признае, некои од уредите во филмот изгледаат смешно нефункционални, ама идејата за нивното производство е е морбидна и стиумлативна. На крајот се ќе се разјасни.
Интересна е изведбата на мешање на неколку жанрови, ама во секој случај е успешно вклопено како целина.
Можеби по гледањето на филмот, се чувстува дека дека можеше да се вметне подлабока суштина во филмот, но во секој случај филмот вреди да се гледа, особено ако сте гејмер.

Triangle (2009)

Со сигурност најдобра хорор/мистерија која сум ја гледал оваа година. Филмот навистина ми остави впечаток.

Џес е самохрана мајка која има ментално-ретардирано дете. Еден ден го остава во школо и оди на јахта со пријателите, но видно вознемирена, од нешто... Подоцна, јахтата наидува на силно невреме и се превртува. Патниците преживуваат бидејќи трупот од јахтата свртен наопаку останува над водата. Откако невремето ќе се расчисти, доаѓа огромен патнички брод, очигледно напуштен...

Е, тука мислев дека ќе е истото ср*** како и секогаш. Некакви чудни фрикови ќе почнат да ги јадат патниците и то... Дури се мислев да го исклучам филмот. Но, продолжението од филмот страшно ме изненади. За среќа, поради тоа што, се што би кажал би било спојлер, нема да пишувам ништо повеќе за содржината. И ви препорачувам и вас да не читате, на ИМДБ или било каде, зошто тоа ќе ви го упропасти филмот. Мистерија како мистерија, најдобро е ништо да не знаете.

Филмот е инаку за оние кои сакаат да им работи мозокот додека гледаат, значи не е хорор од типот што повеќе крв - тоа подобро, туку повеќе е психолошки трилер. Исто така, филмот е многу динамичен, времето ќе ви летне одма.

8/10, сакам вакви филмови.

Веројатно еден од попотценетите филмови оваа година.
Само не можам да не забележам дека филмов ми изгледа како холивудска адаптација на идејата од независниот филм Primer, со мала преработка на идејата, жанровска промена, но со намален ментален предизвик, за да се задоволи што поголем број на публика.

Како и да е, тоа е добро изведено и претставува одлична мистерија, иако имам мали забелешки кои не ми се вклопуваат во целата приказна.

Во секој случај, филмот е за препорака и претставува задоволителен mindfuck, што помалку се информирате за него, толку повеќе ќе ве изненади.

 

[Io Sono Interista]

Harry Brown (2009)

Се сеќавате на Death Wish (1974) со Charles Bronson? Е, можете да го замислите Бронсон пензионер, а бандите тинејџери.

Токму таков филм е Harry Brown, во кој Michael Cainе глуми пензионер, поранешен маринец, кој живее во еден кварт преполн со деликвенти кои го тероризираат локалното население. Кога неговиот единствен преостанат пријател ќе биде убиен од деликвентите, откако предходно полицијата не превзема ништо за да го заштити, тој ги презема работите во свои раце.

Со оглед на исклучително реалниот пристап во прикажувањето на проблемот со малолетничката деликвенција, како и глумата на Caine, која е како и секогаш на екстра високо ниво, филмов и тоа како може да стигне далеку. Без многу компликации и непотребни сцени, филмов започнува со проблемот и веднаш преоѓа на решението.

Филмот е инаку британска продукција.

9/10 од мене, одличен филм.

 

[wot]

Dorian Gray (2009)

Oдлична драма. Малце модифициран филмот или различна верзија имам јас читано.
Не е 2012/АVATAR/НЕКОЈ_СО_ЈАКИ_АНИМАЦИИ филм, ни пак има некоја феноменална глума. Едноставно филм со интересна приказна. Таквите не се рецензираат ни пак се откриваат најмалите расплети и слично, затоа што единствено тоа може да понуди филмот. Добра приказна. Топло препорачувам. А и на тие кои веќе им е позната приказната за Дориан Греј, истотака препорачувам, затоа што мене ми се допадна. 7/10.

The Invention of Lying (2009)

Нашиот модератор веќе го рецензирал преубаво. (овде)
Моcking jesus моментот е закон! Квалитетна комедија, интересна и креативна приказна. Аматерско реализирана малку според мене, единствена мана. Филмот бев спремен да го изгаснам во првите 20 минути. Расплетот доаѓа кога Ricky Gervais дознава дека е единствениот кој може да каже лага, приотоа да напоменам дека живеат во свет каде лагата не постои како концепт. Значи да не се повтарам со интерашот, читнете ја неговата. Битно филмот содржи својствен хумор кој не е баш за сите. 8/10 од мене.

:salut:

 

[Io Sono Interista]

Love Happens (2009) e првиот филм кој го гледав во 2010 и веднаш ќе одам против критиките, кои претерано го нападнале и оцрниле филмот, а верувам дека е подобар од она што се пишува за него. Ама кога сме тука, продуцентите на филмот до некаде си го добиле тоа што си го барале, затоа што филмот воопшто не е она, кое тие сакаат да и го продадат на јавноста.

Значи, филмот се вика Love Happens што нема врска со она што се случува во него, потоа, завиткан е во убава романтична фолија:

и има убав романтичен трејлер:


И Џенифер Анистон е во него. Кога ќе се собере сето ова, очигледно е дека авторите се обиделе на јавноста да и продадат романтична комедија, а филмот воопшто не е тоа. Па така, веројатно е дека филмот го гледала погрешна маса на луѓе, љубители на овој жанр, кои се разочарале. А другата голема маса на луѓе кои не го сакаат тој жанр, поради насловот, фолијата и трејлерот, веројатно нема ни да го гледаат филмот.

ОК, си има романса во филмот но тоа е споредно. Филмот е всушност емоционална драма за луѓе кои изгубиле некој близок. Таков е Burke, кој пред 3 години ја изгубил сопругата во сообраќајна несреќа. Обидувајќи се да излезе на крај со болката, Burke пишува книга која ќе го направи популарен, и понатаму организира средби со луѓе како него, на кои им помага да се справат со проблемите.

Филмот е за љубители на драми. И оние кои ја сакаат Џенифер Анистон. Патем, нејзината улога е премала во филмов и би требало да почне да бара поголеми улоги. Инаку си е ОК, стандард за оние кои ја гледаат секогаш.

7/10 од мене за филмот, додека на IMDB има 5.4 во моментов и многу лоши критики.
​

 

[ZigZag]

Bride of Re-Animator. Филмот започнува 8 месеци после првиот филм(Re-Animator). Др. Вест го имa срцето на Мег и заедно со Ден се обидува да состави ново тело за нејзиното срце. Во меѓувреме Blood Happens.

Како и првиот филм и овој е треш хорор(ама добар треш).

Оценка: 8.5/10

Tagline:
Date.
Mate.
Re-animate :music3:

 

[Psyside]

The Box (2009/I)

Значи ако веќе гледам лош филм подобро да биде лош од почеток до крај. А ужасно се нервирам кога филм ќе започне одлично, има приказна што ветува многу, актерска екипа... и ќе продолжи од лошо полошо.

Филмов е типичен пример за неискористена идеја, започнале одлично и од филмот направиле каша - попара.

Непознат мистериозен човек остава необична кутија на вратата од едно семејство. Кутијата има копче на врвот а семејството добива необичен предлог: се што треба е да го притиснат копчето во следните 24 часа, по што некој некаде ќе умре, а тие ќе добијат 1 милион долари.

Одличен вовед во хорор/мистерија... Понатаму не вреди ни да се трошат зборови.

2/10. За почетокот...

Целата идеја на филмот па дури и делови од сценариото се буквално копирани од епизода од неповторливиот серијал Зона На Самракот од 1985, Класичен рип оф.

 

[Io Sono Interista]

Целата идеја на филмот па дури и делови од сценариото се буквално копирани од епизода од неповторливиот серијал Зона На Самракот од 1985, Класичен рип оф.

Не е рип-оф туку е сквернавење на серијалот. Јас сега ги гледам старите епизоди. Не сум ја гледал таа епизода на која што мислиш, но филмот е ужасно бледа копија на Twilight Zone.

 

[Psyside]

Таков серијал уште еднаш не се прави!!

извинете за офтопик морав :smir:

 

[Tomasino]

Сличен по тематиката со Condemned.
Добар филм,ме бендиса,посебно завршетокот е добро смислен!

 

[iksimkd]

Universal Soldier: Regeneration

Терористи се закануваат со нуклеарна катастрофа откако го заземаат градот Чернобил и Нуклеарниот Реактор 3 на Нуклеарната Централа во Чернобил. Единствената надеж за успешно да ја повратат централата и да спречат нуклеарна катастрофа е реактивација на тимот Universal Soldier сега репрограмирани и со нова мисија...

Се на се филмов беше одличен. Интересно беше да се види како Жан Клод Ван Дам и на 50 години знае да се тепа и да глуми одлично Исто во филмот игра и Dolph Lundgren и бившиот шампион во UFC Andrei "The Pitt Bull" Arlovski. Инаку, најинтересно и необично во филмов ми беше тоа што играат бугарски глумци и зборуваат на бугарски јазик. Која била финтата не ми е јасно...?

IMDB Оцена: 7.7/10
Моја оцена: 9/10

 

[Apokalipto]

Инаку, најинтересно и необично во филмов ми беше тоа што играат бугарски глумци и зборуваат на бугарски јазик. Која била финтата не ми е јасно...?

IMDB Оцена: 7.7/10
Моја оцена: 9/10

Веројатно да покажат дека Бугарија е семоќна и ќе ја завземе Русија

а пер, нели помисли дека не зборувале бугарски туку руски пошто во русија се?