„Правда за праведните“ со фалсификат го поддржувале Заев
Струмичката полиција поднесе кривична пријава против П.С. (28), сопственик на фирмата „Ин медија“ и М.К. (27), затоа што со фалсификат го „измислиле“ Здружението на граѓани „Правда за праведните“ за поддршка на Зоран Заев.
Според МВР, П.С. на 29 јули годинава направил лажен печат и штембил на име на Здружението, кое во тој момент не постоело, односно не било регистрирано во Централниот регистар.
Неговиот пријател М.К. го искористил невистинитиот печат и штембил како доказ при доставувањето барање до струмичката полиција за организирање јавен собир на 30 јули.
Полицијата реагирала веднаш и поднела барање до Централниот регистар, кое им одговорило дека наредниот ден ќе се изврши упис на Здружението. Следувал разговор со П.С., кој ги потврдил полициските обвинувања.
На 1 вагуст полицијата извршила разговор со неколкумина од основачите на Здружението, кои рекле дека ги поднеле документите за упис во Централниот регистар во Струмица на 29 јули и очекувале дека истиот ден Здружението ќе биде регистрирано, поради што ургирале кај П.С. да бидат извадени печатот и штембилот без решение за упис, но подоцна произлегло дека имаат некои технички недостатоци во документацијата, па од Регистарот им било наложено да ги отстранат и затоа уписот бил извршен два дена подоцна, велат од МВР
извор
Утрински весник 27.08.2008