БРАНКО ГО ОДЛОЖИ ИЗВРШНИОТ ОДБОР НА БИХАЌКА
СДСМ:Кој ќе биде шутракот?
По два виртуелни и лажни претседатели на СДСМ-Бучковски и Шекеринска, сега Бранко Црвенковски ќе постави шутрак кој ќе му ја чува фотелјата додека не дојде. Такво понижување на партија не направил никој, барем не неказнето.
Одлуката на претседателот Бранко Црвенковски да се врати во СДСМ е главната причина поради која социјал-демократите ја одложија за в недела седницата на Извршниот одбор, која претходно требаше да се одржи в среда.
Откако Црвенковски во вторникот на состанокот во неговиот кабинет, на лидерката во оставка Радмила Шекеринска и на потпретседателите на партијата Јани Макрадули, Игор Ивановски и Зоран Заев им соопштил дека дефинитивно се враќа меѓу сопартијците на онаа позиција за која партиските органи сметаат дека е најадекватна, Шекеринска веднаш ја откажала седницата на ИО.
Неофицијално, Струмичкиот градоначалник Зоран Заев, за кого Црвенковски потпиша аболиција за криминал тежок осум милиони евра и кој се споменуваше како иден лидер на СДСМ, веднаш се откажал од своите амбиции и се заложил токму Црвенковски да биде промовиран за нов лидер. Било договорено до неговото враќање во СДСМ партијата да ја предводи колективно претседателство или в.д. претседател. Лидерката Шекеринска не сакаше да каже што е најдобро за СДСМ и остава тоа да го покаже седицата на ИО.
- Не се сомневам дека ќе донесеме одлука која ќе биде најдобра за СДСМ и за Македонија. Нема фоторобот како треба да изгледа новиот претседател на СДСМ. Имаме повеќе квалитетни имиња и се надевам дека ќе го одбереме најдоброто, изјави Шекеринска. В недела ќе биде позната одлуката на Извршниот одбор, во која улога ќе го повикаат Црвенковски да се врати во партијата.
Во меѓувреме, тој, од позиција на претседател продолжува со трибините низ Македонија, со цел да ја омаловажи политиката на Владата и премиерот Никола Груевски. На трибината во Куманово "Македонија предизвици и перспективи", Црвенковски повторил дека нема да се кандидира на идните претседателски избори бидејќи од таа позиција не можел да влијае на политиката на Груевски.
- Нема да се кандидирам,бидејќи од оваа позиција претседател на државата, според уставните надлежности што ги имам, не можам да ја променам политиката на Груевски. Принуден сум со таа политика да кохабитирам и да станам соучесник, иако длабоко верувам дека таа на долг рок е штетна и ќе предизвика непоправливи последици. Тоа е причината поради која решив да се вратам во СДСМ и со сето мое искуство, желба и решителност, како знам и умеам да направам се, СДСМ на чело на опозицијата, на следните избори, кога и да се, да ја порази оваа политика на Груевски и ВМРО-ДПМНЕ. Груевски бара да се соочиме.Ќе се соочиме и отсега морам да му кажам дека ќе ги загуби следните парламентарни избори, рече Црвенковски.
По два виртуелни и лажни претседатели на СДСМ - Бучковски и Шекеринска,сега Бранко Црвенковски ќе постави шутрак кој ќе му ја чува фотелјата додека не дојде.Такво понижување на партија не направил никој, барем не неказнето.
![[acko]®](/data/avatars/m/5/5544.jpg?1306673917){kind=avatar}
