Луѓе пијавици, крлежи...

[Fortune]

Читам на форумов некои членови се жалат дека познаваат луѓе од кои не можеш никако да се откачиш. А познавам и луѓе што се соочуваат со вакво нешто. Мене не ми е до толку позната оваа појава, т.е. не сум била постојано во близина на таков човек па да речам дека сум имала мака и дека не сум знаела како да го откачам засекогаш.

Што можеш да направиш за успешно да оттргнеш една таквата личност? Еве некој пример.

Еден начин - се трудиш со фини постапки да покажеш дека не сакаш да ти се лепи толку често. Да испаднеш културен де, да се надеваш дека ќе го употреби мозокот и ќе почувствува дека не е посакувано друштво. Но, џабе, повторно се случува истото.
Друг начин - на секој од друштвото му обрнуваш внимание, само пијавицата ја игнорираш. Ако ти се обрати, дури реагираш и дрско, веќе трпеливоста те напуштила и се надеваш дека со игнорирање ќе сфати дека треба да ти се тргне од кожата. Но, секако дека тоа нема никакво влијание врз него.
Трет начин - немаш воопшто трпение и отворено му кажуваш на човекот дека сакаш да ти се тргне од врат, дека ти пречи неговото присуство, дека не го сакаш во своја близина. Но, повторно залудно.

Добро, дали ваквите луѓе навистина не сфаќаат дека треба да се повлечат или така им одговара?
Што би можело да им се врти во главата кога некој упорно им кажува дека сакаат да им се тргнат? Можеби го сфаќаат тој муабет како шега? Ќе си речат: „Ајде, моментално му/и` е, ќе помине, сигурно е нешто налутен/а“
Што можеш да направиш кога и третиов начин не функционира? Да го искршиш од ќотек - џабе е пак, повторно ќе се закачи кога ќе се опорави.

Јас не можам да сфатам. Кога ќе ти биде кажано дека некаде си непожелен, не си пријатно друштво и си за некого досаден, дали упорно ќе се пикаш без да сакаш да сфатиш дека време е да си ги собереш парталите? Ако си разумен човек дали ќе дозволиш да дојде до третиот начин?

Што да се прави со луѓето без осет за да добијат осет? Каков „третман“ им е потребен?

Дајте кажете од искуство како ги бркате од себе ваквите закачалки. Можеби некому ќе му помогнете и тој да се ослободи. Верувам дека е заморно.

Имам уште прашање, но ајде понатаму ќе се надоврзам.

 

[Bada Bing!]

Пукај го у колено.
Како си ги нашол така откачи ги. Или ОК е да имаш болна потреба да бидеш виден од било кого по што ти се налепуваат говна (да не речам муви зашо технички ти си говното)?

 

[Serpico]

Данаиле, простено ти е зашо незнаеш шо зборуваш

Јас, како сериозен нареден чекор ќе пристапам кон чистење на Партизанска со гореспоменатиот уникатен пример кој го знам. И кој ме замара. И го знае тоа. И не престанува. И ќе работи заедно со Комунална Хигиена За почисто Скопје... Ионака е месец на екологија

 

[Маwечко]

На почеток сум пријателски настроена, без разлика колку напорна и неподнослива ми е таа личност.

После, кога ќе почне веќе да ми доаѓа преку глава од неговото/нејзиното постојано додевање и блаботење, пробувам да го/ја игнорирам, не би било убаво да почнам веднаш со испади поради останатите од друштвото.

Ако ни тоа не успева, следува фазата на индиректно ( придружено со доза на иронија ) давање до знаење дека не ми баш омилена личност, т.е. “сфати сам дека не сакам да ме умараш“ фазата.

Е кога веќе ќе ми дојде преку глава, ако ништо не помага и тој/таа сеуште се прави или навистина не сфаќа дека не можам да го/ја сварам, тогаш одам на опцијата “Добро, прекини да бидеш напорен“, со надеж дека ќе ме остави да дишам на раат.

Има само една личност која дошла до послениот стадиум ( всушност, тоа е единствената личност што воопшто требала да ги поминува сите 4 ), а јас си останав со надежта.
И само еднаш дојде до тоа да му плеснам во фаца ДА ПРЕКИНЕ, кога направи нешто што знаеше дека го мразам и ужасно ми смета.

Видов дека не е баш едноставно да се отарасиш од некој доколку е во состав на друштво, во кое во споредба со него јас сум “новајлија“, па и непријатно ми е воопшто да пристапам кон некои драстични мерки кога гледам дека другите веќе навикнале на неговото однесување.

 

[Ilumious]

Mене на пример многу ме нервира некој кога ќе ми се залепи и ќе ми прави трач муабет, како на пример која со кого идела и какви гаќи носела. Тоа мене не ме инетересира. Е сега, една таква личност секогаш е во мое присуство. Уште па кога ќе ми каже дека сака да си иде со мене накај дома ми иде да земам да се отрујам.
Тогаш почнувам со операцијата "Отарасување", што значи спомнувам дека не си одам дома, дека одам на клиника.
Секогаш ми се трга. Пробајте, функционира.

 

[Saladin]

Големо ми е нивото на трпение... Но еве имав и таков случај. Се лепеше една личност и тоа најмногу поради користољубиви причини (и` бев некој вид идол па учеше многу од мене и ме имитираше во се` освен во нејзината постапка дека се лепи за мене)
Како ја откачив таа личност...
Како што реков, трпението ме спаси... Почнав индиректно со добар збор, на фин начин да му дадам до знаење дека ме замара. Не сфаќаше (перцепираше) дека нешто не е во ред со него, па почнав со опцијата 2 - игнорирање. Среќа не учевме заедно па таа среќна околност ја искористив што е можно порационално. Не му се јавував, ако бев дома, кажував на моите дека не сум - ако ме бараше тој. Процесот траеше многу долго... И на крај конечно трпение - спасение. Сфати конечно дека не е пожелен во моето друштво.
На крај сума сумарум од сево ова:
- Зависи од личноста, колку е упорна.
- Зависи од вас колку сте решени да ја откачите, а исто така и вашата упорност е потребна тука
- Користите ги сите оружја за игнорирање (склучете пакт со вашите дома да ве заштитуваат кога ќе ве побара крлежот)
- Дознајте каде се` се движи крлежот во текот на денот, вие да не бидете на исто место со него.

 

[Мар мар]

Истата ситуација ми се деси вчера. Договорени бевме со другарките да одиме на гости кај една колешка. И со нас се попрати една друга колешка од факс која до пред 1 сат ни „Здраво“ не ни рече ко се видовме, не ни обрнуваше внимание и си правеше муабет со други.
А после ко завршивме со предавањата немаше со кого да си оди и се залепи до нас, никако не можевме да ја откачиме. И бидејќи ни беше незгодно да и’ кажиме в лице дека не е пожелна во друштвото пробавме прво да ја игнорираме, не ја вклучувавме многу во муабетот но таа пак не сфаќаше. После тоа се договаравме да одиме да јадиме, мислејќи дека ќе си замине, ама таа пак се попрати со нас. Третиот пат веќе ни дојде преку глава и и’ рековме дека ќе си одиме дома. Меѓусебно со другарките се договоривме кај да се најдиме и си заминавме. Така успеавме некако да ја откачиме. :hihihi:
И другиот пат кога ќе дојде до истава ситуација уште на почеток ќе и’/му ставам до знаење дека е вишок за да не мора после да измислувам лаги и изговори за да се оттргне. Ем нема да ме нервира и замара, ем ќе си правам муабет за што сакам, зошто пред некој кој не е пожелен во друштво не можеш да правиш муабет на секоја тема.

 

[Desire]

Леле што имав јас една другарка,не крлеж,не пијавица,абе не знам како да ја наречам.
Од што збореше цело време не можеш на ред да дојдеш од нејзе,се случувало цела вечер да пројде она само да збори.Ај да збореше нешто саглам,таа една иста случка ќе ти ја повторува,иста приказна што сме ја чуле веќе стопати,и не те остава ти да кажеш нешто.
Не дека постојано се лепеше за мене,ама ако и текнеше нешто поврзано со мене,немаше шанса да се откачи од мене додека не и се исполни “планот“.

И пошто јас веќе не знаев што да правам,се криев дур се криев,и решив да пробам со првиот начин,културно да ја откачам,ама поради нејзиниот низок коефициент на интелигенција не и текнуваше.
Пробав и со вториот начин,и тоа не да сум ја игнорирала,абе она мораше да го повторува по двапати кажаното за да и одговорам,и обавезно и одговарав со цинички тон.
Е после вториов начин малку и стана сумњиво,ама не доволно.
Ич ама ич не сакав да ја откачам на груб начин,ама кад се мора се мора,и на крај и кажав се во лице,дека не сакам веќе да се дружам со нејзе,и еве ме сега, слободна како птица

Леле кога ќе ми текне само,еднаш бевме со другарка ми кај нејзе на спиење :lud: ,и сабајлето стануваме ние мамурни,нерасположени за зборење,а таа (не знам како и успеа),абе од кој стана само дрдореше.

Значи најдобар начин,откачувајте такви пијавици на време,додека не ви станале поблиски пријатели,и слободно кажете им се во лице,зошто со такви досади нема подруго решение.

 

[Zemzela]

Ха ха добра тема...инаку и јас сум имал вакви случаи...
Под 1. чекаш на личноста да и текне,најчесто не и текнува дека е вишок така да одиш на втора скала
Под 2.Игнорација максимална,нема моб,нема смс,нема контакти...
...инаку како пример имам другар и он ми кажа како се ослободил од неговиот крлеж...типов му се јавувал на секој саат,па што правиш,па што јадеш и такви глупи прашања кога на едно јавување на овој му прекипело и на прашањето што правиш овој му вратил...еве бе др*ам ...типов веќе не се јавил,чудно но вистинито, се спаси

 

[Crazy in Love]

И мене никогаш не ми биле јасни тие луѓе. Ако видам дека во нечие друштво сум непожелна или само барем да осетам, почувствувам дека не сум добродојдена во тоа друштво, сама се повлекувам и се тргам настрана од тие луѓе, затоа што нејќам да им бидам товар.

Мислам дека главната причина за ова е тоа што тие луѓе едноставно сакаат да бидат во друштвото, сакаат да бидат, излагаат, да споделуваат заеднички моменти, па затоа дури и кога јасно се индицира дека се персона нон грата, ним им е полесно да се прават наудрени, да замижуваат пред очигледното се со цел да не се одвојат од друштвото или од тој човек.

Нема лек. Не знам. Навистина. Дури и да има луѓе кои така се лепеле, сум ги трпела, глупаво ми е да му речам дрско или безобразно, сепак не сакам да навредам нечии чувства. Можеби дискретно сум ја откачувала таа личност или сум се вадела на изговори дека имам работа, но сепак не можам ни да ги отсечам туку-така.

Што знам, можеби се плашат дека ако се тргнат од тоа некое друштво, дека нема да најдат други пријатели, па затоа цврсто се решиле да не ги пуштаат моменталните пријатели.

Некои пак, ем се лепат, ем постојано сакаат да бидат во право и да се центар внимание. Јас имав таков личен случај со една “другарка“. Бевме 4 другарки, она дојде подоцна во друштвото и почна да се однесува како шериф и постојано беше залепена за останатите три, а мене беше решена да ме елиминира од друштвото. Едно време престанав да излегувам со нив, од причина што не ја поднесував и и ги знаев намерите.

Сепак другарството со останатите 3 остана, како сестри сме, а она кога виде дека не може да не раздели и да ни расипе другарство, се повлече малку, но постојано одеше со нас, кај иде едната и она мора да е таму, а што е најтрагично само за себе збореше. Уауу тоа беше пеколен период. На крај веројатно сфати дека не е пожелна навистина и дека не ја шиша никој и престанавме да комуницираме.

Убаво е човек некои работи сам да ги увиди. Најубаво е така. Ако не, избегавање, менување број... Има разни методи, се зависи од особата и колкава е нејзината намера да се лепи и да биде замор.

 

[Desire]

Некои пак,ем се лепат,ем постојано сакаат да бидат во право и да се центар внимание.Јас имав таков личен случај со една “другарка“.Бевме 4 другарки,она дојде подоцна во друштвото и почна да се однесува како шериф и постојано беше залепена за останатите три,а мене беше решена да ме елиминира од друштвото.Едно време престанав да излегувам со нив,од причина што не ја поднесував,и ги знаев намерите.Сепак другарството со останатите 3 остана,како сестри сме,а она кога виде дека не може да не раздели и да ни расипе другарство,се повлече малку,но постојано одеше со нас,кај иде едната и она мора да е таму,а што е најтрагично само за себе збореше.Уауу тоа беше пеколен период.На крај веројатно сфати дека не е пожелна навистина и дека не ја шиша никој и престанавме да комуницираме.

Е иста ваква имав,поточно имавме во друштво.Само за себе зборуваше,увек она да биде центар пажња,и постојано се обидуваше да не раздели и некого да елиминира од друштво,најмногу сакаше сестра ми да ја елиминира.
Само што оваа не сфати дека не ја сакаме во друштво,дека е ужасно досадна,па мораше да ја известиме на грубиот начин

 

[Natural-girl]

Не ми се јасни овие луѓе, едноставно не ги разбирам + многу ме нервираат. Немам трпение со нив па веројатно затоа ниеден досега не ми се залепил долго време.

 

[Setsuko]

Ми се случило само еднаш и среќа веќе не се гледаме толку често.

Порано бевме „другарки“. На почетокот се трпеше до некаде после тоа почна ептен да замара и досадно беше многу, уште полошо што не и текнуваше дека не е пожелна. Многу наши постапки укажуваа на тоа дека не е пожелна ама очигледно не го забележа, не го сфати или не сакаше да го сфати тоа.

Користољубиво можеше да се влече со нас кога немаше со кој друг, а ако најдеше друштво тогаш не не` ни познаваше. Малце комплицирана ситуација беше ама се надмина.

Немојте да бидете трпеливи ниту пак на учтив начин да се обидете да објасните, најчесто нема да ве разберат.
Игнорирајте или директно кажете: „ми сметаш“. Само така ќе се спасите од нив.

 

[Bavarecot]

Ма немам проблеми, само нека се лепат па ќе се дружиме за тоа е форумов нели? Повелете ве чекам да ми се залепите.

 

[Acid]

Ма немам проблеми, само нека се лепат па ќе се дружиме за тоа е форумов нели? Повелете ве чекам да ми се залепите.

Последен пат кога проверив, форумов беше за дискусии.
Не за лепење, дејтинг, секс, каприц и дудлање. Иако, некои сакаат да го претворат во таков.

Назад на темата.