Во Скопје ќе ги победиме со повеќе од 20 поени разлика
- Сигурен сум дека во Скопје ситуацијата ќе биде поинаква односно дека ќе ја совладаме Естонија, и тоа со повеќе од 20 поени разлика. Во Талин бевме поразени и поради малата помош што домаќинот во клучните моменти ја доби од судиската тројка. Судиите имаа неколку дискутабилни одлуки. Не ни признаа чист кош, а и не ни дадоа две слободни фрлања кога мораа да го сторат тоа според кошаркарските правила. Подобри сме и верувам дека пред своите гледачи нема да имаме никакви проблеми убедливо да ги победиме Естонците - изјави Илиевски.
Без право на кикс во преостанатите три меча
По поразот во Естонија калкулациите за освојувањето на првото место во групата се јасни, само со три победи во преостанатите три меча Македонија може да се надева дека може да избори пласман на турнирот во Менорка. Тоа значи дека прво треба да се остварат победи на двете домашни средби по ред, над Шведска и над Естонија, за потоа да биде остварен триумф над шведските репрезентативци на реванш-средбата во далечната Лулеа во областа Лапонија, која е близу до Северниот Пол. Сето тоа подразбира дека Естонците ќе ја победат Шведска на домашен терен, но и дека ние ќе ги совладаме Естонците со седум и повеќе поени разлика на пресметката во Скопје закажана за 22 август.
http://www.vreme.com.mk/DesktopDefault.aspx?tabindex=8&tabid=1&EditionID=1178&ArticleID=75769
И ја очекувам победа со над 10
