Мене ми е смачено од нашево стискање палци и после коментари по медиумите: немавме среќа. Камо ја атмосферата што е потребна за успех? (за квалитетот да не збориме, какви се, такви се, наши се).
Атмосфера за квалификации се подгрева месеци пред почетокот и треба да достигне максимум пред самиот почеток. За тоа е потребна организација, поддршка од иституции и активно вклучување на медиумите во истата. Ако сакаме успех во квалификации, денови како денешниот треба се да е на нозе и од сабајле да се чувствува тензија, сите муабети да бидат за вечерашниот натпревар. Таквата атмосфера допира до репрезентативците и им дава поголема шанса да успеат...
Кај нас, се по старо, како и секогаш. 2 минути во сите вести дека вечерва почнуваат квалификациите и дека нашите се спремни за успех. А кога доаѓа неуспехот (нека не прескокне вечер), тогаш 5-6 реченици за што не чинело и повеќе среќа следниот пат. Никаква здрава критика за тоа што не чини, што треба да се направи организациски, како да се променат работите. А кога нема критика, нема ни резултати.
Се извинувам на песимизмот, доаѓа од години и години трпење на секакви идиоти во нашиов фудбал. Се надевам дека вечер ќе се надминеме и макар и случајно или среќно, ќе ги започнеме квалификациите непоразени и во текот на истите атмосферата природно ќе се подигне на потребното ниво.
