По долго време водење „војна“ со очилата денес конечно добив леќи.
Дома се мачев може повеќе од 40 минути додека да ги ставам, а првиот пат кај лекарот ги ставив без проблем... Многу нервози истрпев денес, па ако може некој од поискусните да ми каже некои финти да ги ставам полесно? Најголем проблем ми е што трепкам рефлексивно и никако не можам да ја доближам леќата до окото асално или пак ми останува на прстот.
А додека ги носам не чувствувам проблем засега, само некако чуден впечаток имам дека не сум навикната.
Честитки за леќите, со здравје да си ги носиш и со лесно да ти легнат. Не се сомневам дека одговорноста и хигиената ќе бидат на највисоко ниво. :smir:
Мој совет за ставање на леќите.
Осетливиот дел од окото е рожницата, поради тоа и инстиктивно трепкаш во моментот кога ќе има контакт со неа. Финтата е да ја поставиш леќата на белката и после таа сама да се лизне, односно со трепкање ќе си го најде местото. Кога има допир на белката не е толку сензитивен и затоа е полесно ставањето. Почетниците најчесто се обидуваат леќата директно да ја стават таму кај што треба, што е многу тешко и неудобно да се изведе.
Значи постапката е следна. Со едната рака го повлекуваш надолу долниот капак (не баш капакот, туку месото под него), за да се отвори окото. Потоа погледнуваш нагоре и гледај нагоре за целото време. Со другата рака ја поставуваш леќата на долниот дел од белката што е под рожницата и го затвораш окото. Ова фактички испаѓа дека ја ставаш леќата на слепо (што е така), но со пракса ќе видиш дека ќе можеш и со една рака да го изведеш.
Чисто колку да се истренираш пред да се обидеш, пробај со прстот (без леќа на него) да ја допираш малку белката, колку да добиеш осет за местото и за текстурата. Плус тоа и самото око ќе се научи да не реагира рефлексно на тој допир.
Се надевам помогнав.
--- надополнето ---
Можеби прашањето не е најсоодветно за групава, можеби е и малку глупо, но сепак е поврзано со видот и ме интересира. На очен лекар не сум била никогаш, затоа што фала му на бога не сум имала потреба. После учење или седење пред компјутер како да ми тежат очите, а преку ден кога ќе излезам надвор ми солзат. Дали очила за одмарање би помогнале?
За очила за одмарање не знам дали ќе помогнат или кој е ефектот. Но, обавезно да си земеш капки за подмачкување. Кога читаме, гледаме ТВ, буљиме ко будали во компјутер, трепкаме помалку од вообичаено, па затоа окото се суши и реагира на триењето со капаците.
Капките не се антибиотски, не се плаши, тоа се капки кои го хидрираат и плакнат окото. Се ослободува притисокот од суво триење и евентуално црвенило. Кратко и јасно, тоа се лубриканти, направени на база на вода, такашто нема никаква опасност. Се користат по потреба и колку сакаш. На некој начин е како да му даваш на окото чаша вода.
Јас ги користам Systane, ги има во Зегин, малку се поскапички од другите, околу 520 ден. за нецел месец, ама се феноменални. Ако ти е скапо, побарај некоја друга марка, сигурно ќе најдеш, па ќе си видиш кои најмногу ти одговараат.
