ајде вака пошо сум искрена за некои работи.
Дедо ми почина од рак на бели дробови како последица на цигарите. Еден период пушеше една, потоа премина на две кутии. Навечер се будеше да запали цигара. На 58 легна, на 59 умре. Во тој меѓупериод, од нешто помалку од година, не запали цигара. И мајка ми е истата, цепа две на ден. Татко ми, пак, сам си ги витка, никогаш не бил страстен пушач, повеќе е за цигара колку за друштво. Во семејниот круг, само они се пушачи.
Никогаш не сум гледал на ова од аспект на здрав живот, затоа што моите животни навики и рутини не можат да влезат во оваа дефиниција, не се ни во делокругот на ова поимење. Не правам крвни слики да внимавам на параметрите, нит правам безбезе испитувања, јадам брза што значи и сува храна, чипсови, хемикалии, внесувам се. Ова не ми е столбот на исхраната, но внесувам. Ниту пак од аспект на финансиски тег, затоа што и за тоа многу не се замарам. Едноставно ми е грда навика, отсекогаш ми било одбивно. Големиот проблем е тоа што многу тинејџери, што мислат дека се фраери и кул, стануваат зависници од никотин. Друштвото кое ми беше во средно, единствено јас не бев пушач, другите сите почнаа во 2ра/3та. А нели, нема продажба на цигари на лица под 18 години!
Да бидам искрен, колку и да ја поддржувам оваа мерка, односно предлог-закон, не ја разбирам од аспект на политичката имплементација. На власта не и е грижа за нашето здравје, започни од болничките услови, кадарот кој никогаш за ништо нема да одговара, воздух, пестициди во храна, ниски санитарни стандарди при обработка и производство на храна, сомнителни критериуми за увоз на храна, кои се под ингеренции на незаинтересираната АХВ... Ова не е ни гол популизам, затоа што мерката ќе има контраефект по нивниот политички рејтинг, ќе постои одредено незадоволство, ќе има помалку гости во угостителските објекти, а законот нема да важи во средините каде што очите на државата не допираат (така беше и за време на Ковид пандемијата, слободно седевме во кафичи и ресторани без сертификати), што секогаш доведува до фрустрации. Види ги, пример, Влатко и Ска, беа едни од најчил луѓе на форумов, последниве два дена тука креваат востание! Овој пак Ска, од нервоза, влезе во Грујо фазон при пресметка на опортунитетниот трошок (363+208=700)!
На крајот на денот, многу врева за ништо, како и се досега, ова ќе биде на сила месец-дена, после никаде нема да се применува.
Воздржан за предлогот на ИО, За за законот. Не го перцепирам анкетното прашање затоа што не кореспондира во целост со предлогот на ИО (прошири и на паркови, стадиони и плажи). Така гласот е даден во однос на предлогот, што беше востановено на зачетокот на оваа тема.
