Ова е во 2008. Еве нешто повеќе
Од монтажната лента на фабриката „Застава автомобили“ од Крагуевац денеска излезе последниот автомобил од моделот „Застава 101“, заведен под бројот 1.045.258.
„Со тоа е завршено производството на основна програма на автомобили во „Застава“, која од 1953 година, па до денеска, произведе нешто повеќе од 4,1 милиони автомобили, од кои околу 650.000 се пласирани на пазарите на 76 земји во светот“, изјави заменик директорот на „Застава“, Дејан Марковиќ.
Производството на „Застава 101“ почна во 1971 година и две децении подоцна произведен е милионитиот автомобил од тој модел, кој важеше за „семеен автомобил“. Во 1981 година „Застава 101“ е прогласен за автомобил на деценијата. Две години порано остварена е рекордно годишно производство на „стокецот“, кога од монтажната лента се симнаа 88.918 возила.
Во фабриката „Застава автомобили“ неодамна беа произведени и последните модели на „Југо“ и на „Флорида“.
Досега вкупно се произведени 1.273.532 модели „Скала“ („Застава 101“ и „Застава 128“), а последниот „Застава пик-ап“, кој се произведува во фабриката на „Застава“ во Сомбор, е нумериран под број 108.548.
Најголем извоз крагуевачка „Застава“ оствари во средината на 80-тите години на минатиот век, кога на пазарите во САД беа пласирани 147.000 автомобили од марката „Југо“.
Во погоните на „Застава“ се произведени и 923.487 модели на „Застава 750“ („Фиќо“), како и 202.160 модели на „Застава 1.300“ и „Застава 1.500“, чие производство е одамна завршено.
Рекордна година во историјата на „Застава“ е 1989 кога се произведени 220.000 автомобили. „Застава“ тогаш имаше 53.337 вработени, а во нејзиното производство биле вклучени 280 претпријатија од 130 градови од поранешна Југославија.
Во погоните на крагуевачката фабрика се произведени и 2.620 модели на автомобилите „Уно“, а „Застава“ имаше и „дополнителен програма“ за автомобилите познати како „Пегличка“.
„Застава“ низ целиот свет пласирала 644.520 автомобили од сите модели. Во Велика Британија се извезени 69.932 автомобили, во Полска - 72.892, во Грција - 58.400, во Италија - 19.902, во Унгарија - 28.344, во Франција - 25.697, во Германија - 16.100, во Кина - 2.014, во Белгија и Холандија - 29.901, во Шпанија и Португалија - 4.471 и во Сирија - 2.473 автомобили.
Прекинот на производство на основната програма на „Застава автомобили“ е предвиден со договорот меѓу Владата на Србија и „Фиат“, кои го основаа заедничка компанија, која во почетокот на 2010 година ќе почне со производство на нови модели на автомобили во погоните на фабриката во Крагуевац.
