Сега за сега само првата зона (85-86 lvl) и првата инстанца се пуштени, и 1-10 зоната каде ќе стартаат пандите. Ги поминав и сум изненаден колку добро се направени од графички и артистички аспект. За квестовите можам да кажам дека поголемиот дел се по шаблон - уби 15 од ова, 15 од она итн. Има и интересни квестови и по некој синематик. Целата сторија со пандиве не ми се допаѓа, но тоа е субјективно мислење.
Како и да е, со оној скилот на шаман што можеш далеку да гледаш го истражив целиот континент. И само ќе кажам дека не чекаат големи изненадувања, секоја наредна зона е подобра од преходната
Од тоа што можев да го видам, сите зони се попунети со мобови и дури начекав и еден ворлд бос кој имаше некои си 350+ милиони здравје и одличен модел. Се разбира само што почна бетата но според она што го видов ми личи дека се прилично напред во дизајнирање и не би требало да чекаме долго за да излезе играта во продажба.
Се на се сум пријатно изненаден. Целата експанзија има азиска тематика и
одлична графика (за енџинот кој го користи нормално). Со минатата експанзија го подобрија рендерирањето на водата, со оваа воведоа нов начин на рендерирање на терен - планините изгледаат реално, текстурите на ѕидовите на објектите се подетални, ново подобрено рендерирање на оган и дим, и имаме сосема
нови модели на дрва (веќе не изгледаат ретардирано како во Ванила).