Впечатоци од старата и очекувања од новата година

[MARCELLO]

Во темава секој има можност да сумира впечатоци од старата и да си ги напише очекувањата кој мислите дека ќе се случат во новата година.

Јас оваа 2015 година на работно ми беше малку напорна бидејќи работам во бутик кај мајка ми и имаше период кога морав и 2 смени да работам ради икс причини за кој не би требало да ве оптоварувам со тоа. Околу љубовга (мислам на девојка) за мене ништо и оваа година . Годинава ќе ја запаметам со заокружување на мојте години јубилеј 25-ка ова лето и тоа што си купив лап топ

Малку доста по тапа година за мене но пред крајот на годината почнаа да се дешаваат повеќе интересни семејни работи.

Во новата година очекувам доста интересни работи. Свадба на брат ми. Околу љубовта да ми тргне нешто веќе . Да ме служи повеќе здравје и среќа, а другите добри работи сакам сами спонтано да си дојдат без некој премногу очекувања.

 

[squirrel]

Мех. После 20 години чичко ми и татко ми се простија, среќа не во мое присуство. Изгубив желба за студирање, не си најдов работа, не отидов на одмор пак (додуша не ни сакав), ми се заебаa федерите на тремоло барот, на другар ми му се роди второ дете, љубов тапа, не ми се оствари желбата да дочекам невалидни избори... има уште куп работи што ми се случиле. Ќе ја памтам како најлошата година, барем до сега.

Не очекувам ништо во новата. Очекувањата се лоши, а мене не ми оди баш најдобро.

 

[FeliXxX]

Да прежиевееме до наредната година.

 

[О|ивер シ]

>inb4 "оваа ќе ебев за малце, другава сигурно"

 

[RickyLFC9]

Годинава некако ми кулминираа негативните работи кои кружеа низ мојот живот последниве неколку години. Ми резултираа со раскрстување со некои личности, сфаќањето дека едноставно со некои луѓе повеќе не си одговараш. И го разбирам значењето на онаа петто-одделенска слика што ја става секое девојче за да изиграва drama queen, слика која кажува колку е заебано тоа што некои луѓе кои до вчера ти биле блиски и си споделувал се, денес не можеш ни муабет да си направиш со нив. Но сите растеме, и како што со растењето ни се отвараат повеќе врати, така кај сите нас се формираат различни амбиции базирани врз нашиот карактер. Тие амбиции потоа ти го праќаат животот на различен пат низ различна врата, истовремено менувајќи ти го и карактерот. И не можеш да се бориш со тоа, пошто that's just the way it's meant to be. Кога еднаш ќе ги отвориш тие врати, заминуваш и не се враќаш назад, па ги оставаш луѓето зад себе, собирајќи ги и носејќи ги со тебе само спомените и ништо друго.

Годинава го сфатив значењето на тоа зашто луѓето ти викаат дека до матура се најубавите години. Ама сфатив дека и за погрешни работи те спремаат, а ударот доаѓа од она што не ти го кажуваат. Те спремаат демек глава ќе те боли, ќе имаш грижи, ќе имаш којзнае што. Да, секогаш ќе имаш грижи и притисок да направиш нешто за да си обезбедиш сигурна иднина. Но, ти пак можеш да имаш стабилен живот, да знаеш на што си, и тие грижи да не те тангираат. Она што се менува е разликата во меѓусебниот однос помеѓу тебе и луѓето кои си ги познавал, тоа е тоа што боли. Кога веќе не си „заглавен“ да седиш на иста клупа со некој, да излегуваш во истото маало, или на било каков начин да поминуваш време со некој, природно се менува односот. Некој влегол во сериозна врска и поминува огромно време со партнерот, некој се фокусира на факултетот и го намалува времето одвоено за дружба со пријателите, некој се запознава со луѓе и сфаќа дека со нив повеќе си одговара, па културно се оддалечува од тебе, некој се спрема за во странство и поминува неколку месеци надвор од државава. Мислам, сите се супер причини за нив, никој тебе не ти наштетува намерно или нешто. Ама сепак тебе ти прави проблем тоа што така стојат работите и што не можат да се сменат. И се осеќаш малце изгубен и несигурен, па тоа ти прави потежок притисок, а таквиот притисок прави да носиш погрешни одлуки за својот живот. И кога си свесен за сето тоа, те удира мала депресија. Е така се осеќав годинава барем јас. Како да изгубив еден мал дел, но дел со огромна тежина од мојот досегашен живот.

Така што сега кога во оваа година ги сфатив негативните работи кои доаѓаат со мојата возраст, сакам следнава да ги видам позитивните работи кои по правило треба да следат. Тоа во главно би требало да се врти околу искуството кое ми е потребно за да ги надминам пречките кои ми се на патот. Да имам знаење какви средства да употребам за на најефикасен начин да ја постигнам мојата цел. А она што ќе остане измеѓу, да го исполнам со повеќе радост, со сфаќањето дека не е лош ни овој период од животот. Да го исполнам тој недостаток кој го почувствував оваа година. Едноставно сакам да почувствувам зошто е добро да имаш 21-22 години, да видам што е доброто од овој период од животот. Се надевам дека догодина ова време ќе го имам одговорот.

 

[Kostic]

preku pesna mi e polesno.

 

[Forza Milan!!!]

Иако ми се исполнија сите желби и се одеше според планот, научив многу работи и добив повисока работна функција, сепак годинава е лоша за мене.
Една од најлошите, изгубив многу важна личност.
Во новата очекувам сите што ги сакам да се покрај мене живи и здрави. Не барам многу.

 

[Смрт за зони и пајак воз.]

Секоја нова година себе и на другите им посакувам една иста желба:

ДА ЈА ДОЧЕКАТЕ И СЛЕДНАТА НОВА ГОДИНА!

 

[Artemisia Vulgaris]

Многу убава година на приватно поле. Зголемување на успехот скоро на секој сегмент од животот. Направив навистина крупни чекори оваа година. Крупни чекори за поуспешно инфилтрирање во системот и исполнување на туѓите очекувања. Јебеш!

Во новата година, како и секоја друга, очекувам зголемена социјална свест, намален број на жртви на капитализмот, расизмот, национализмот и востание против бескрупулозните олигарси, паразити жедни за крв, во секој дел од светот.
Скромно.

 

[Zlatikevichius]

2015 и не беше така лоша за мене. На професионален план - одлична: унапредување и многу повисоки примања. На приватен план - сѐ што не чинеше, секој и најмал здравствен или било каков друг проблем и проблемите на блиските, секоја, дури и најмала нервоза ја лечев со прегратките на син ми. Уживав во неговото растење и пресреќен сум заради неговото присуство, па сѐ друго ми е неважно. Кога ќе компензирам, задоволен сум и од мојата 2015 на приватен план зашто поседувам богатство кое со пари не се купува.

Во 2016 сакам само да сме здрави, живи, среќни - и јас, и луѓето кои ги сакам. Толку.

 

[Brutus]

2015 беше одлична но сепак останаа некои нерешни прашања (колкѕ да не биде досадно во 2016). Се надевам дека во 2016 ќе ги разрешам тие прашања или барем ќе имам појасна слика за што да правам во 2017.
На другите им посакувам здравје, љубов и среќа во изобилство во 2016.

 

[Коловрт]

На крајот од 2014 имав чувство како зад себе да ја оставам најлошата година од мојот живот.
На крајот од 2015 имам чувство како зад себе да ја оставам најлошата година од мојот живот.
На крајот од 2016 не сакам да имам никакво чувство.

 

[Feisty]

Oвaa гoдинa не прaев будaлa oд себе и тoa ми недoстигa.

Инaку супер испoлнетa гoдинa, убеден сум декa у 2016 ќе јa дoбијaм тaa мaлa ситницa штo фaлеше, aли сегa ми е meh не мoжaм дa јa глеaм

 

[Луси]

Godinava shto izminuva mozham da kazham deka ne beshe losha generalno gledano, sebe si ne si dadov nikakov kredit na uspeh, zatoa shto i taka beshe, sedam doma gledam deca, chuvam kukja da bide pristojna i sekogash topol obrok i krevet, vaka znam deka ne zvuchi kako nishto posebno ili chudno no sepak e obvrska, fala bogu decata se dobri zdravi pravi, na uchilishte odlichni, nemozham od taa strana moeto sedenje doma da go gledam kako ne uspeh, sepak nekoi zhrtvi mora da se dadat, koga podigash familija na novo mesto i pochuvash od lazhichka.
Vo narednava shto ide se nadevam ke najdam rabota ne biram, nikogas ne sum birala, ne se precenuvam sebesi, nikoj ne pochnal od direktor, bitno e da se pocne od negde da se izdigash kako chovek del od opshtesvo, imam pozitivni misli, i pretchuvstvo deka ke e kako shto treba, so toa shto ke pridonesuvam parichno vo domot, ke se osekjam podobro i kon soprugot isto kako da mu trgam edna greda od grbot, a ne e malku nitu mnogu sepak dovolno, prioritet normalno ke bidat decata da si ostanat vo kolosek so zdravjeto i shkoloto, se drugo ke se stekne i sraboti, cheers na site, i Vi posakuvam samo ubavini da ve sledat vo narednava.

P.S. sexot ne go spomenav, ne deka go zaboravam nego mislam oti se podrazbira 80% od zhivotot e sex.

 

[ЏинЏер]

Генерално гледано, задоволна сум од себеси и од годинава што изминува. 2015та за мене беше пресвртна година во многу погледи. Во глобала, не се случи ништо посебно по што би ја памтела, ама сепак, почнав да поставувам темели и да зацртувам планови за годината што следува, а hopefully и за тие после неа. Ако излезат работите како што треба (никогаш не излегуваат, ама пуста надеж), за година дена ќе ме читате како се фалам во некоја слична тема. Како и да е, сигурна сум дека следнава година ќе биде big year за мене, позитивно или негативно. 2016, bring it on bitch.