Поглупава статија немам прочитано.
https://sportmedia.mk/2022/05/05/дали-пеп-навистина-е-толку-добар-трене/
ДАЛИ ПЕП НАВИСТИНА Е ТОЛКУ ДОБАР ТРЕНЕР ИЛИ Е САМО ОБИЧЕН ЛУЗЕР?
Пишува: Зоран Ѓоршоски
Ова е веќе смешно, да не кажеме трагично. После оној епски меч синоќа на “Сантијаго Бернабеу“, на кој Реал на спектакуларен начин го победи Манчестер Сити и се пласира во финалето во ЛШ, Пеп Гвардиола служи за потсмев во медиумите. Дури и оние на Островот, па и во неговата Каталонија го нарекуваат Пеп – ЛУЗЕРОТ.
Цели единаесет години тој Пеп не може да го освои „ушлето“ во ЛШ. Иако во Баерн и во Сити потроши МИЛИЈАРДИ И МИЛИЈАРДИ, тој и натму се гордее само со двата пехари со Барса од 2009 и 2011. Да, во таа Барса во која играа Меси и компанија, кога Барса беше убедливо најдобра во светот. Кога некој друг ги постави темелите на таа Барса. Некој што се вика Франк Рајкард.
Други ќе кажат дека тоа било по заслуга на Пеп, дека Пеп е најдобриот тренер во светот, некои велат и во историјата зошто тој го сменил фудбалот…
Како да не?
Пеп е само еден обичен ЛУЗЕР!
Како може поинаку да се протолкува она што тој синоќа го направи на “Бернабеу“, освен дека тој и само тој е виновникот за елиминацијата на Сити.
Секоја чест за најголемиот клуб во светот, за КРАЛОТ, за се она што го претставува Реал Мадрид, но Пеп имаше се во свои раце и на крај се упропасти.
Има ли некој да му каже на Пеп дека се додека упорно форсира игра со “лажна деветка“ во Сити, тој ќе губи и натаму како што и синоќа загуби, на мечеви кои се нарекуваат епски.
Ете му го Грилиш за кого плати 100 и повеќе милиони фунти, ете му го Стерлинг или било кој…
Својата нервоза ја пренесе на играчите, на моменти се губеше, не знаеше што сака.
Уште треба да учи…и тоа од Дон Карло.
Тоа е таа школа на успешни и перфектни тренери како што е Карло Анчелоти.Сталожен, мирен, во даден момент прави потег што носи победа.
Искрено Пеп со таа екипа на Реал како тренер нема да ја мине ни групната фаза во ЛШ, а Дон Карло стигна до финалето.
Некој ќе рече па тој Пеп е цар во Премиер – лигата…секоја сезона е шампион, освен пред една година кога Ливерпул му ја “украде“, дека беше цар и во Бундес – лигата со Баерн Минхен.
Одговорот е во другите клубови. Во Јунајтед го нема Фергусон, во Арсенал го нема Венгер, Ливерпул сега се дига со Клоп, а Челзи како Челзи…
И затоа нема конкуренција, посебно не кога ќе истуриш милијарди и милијарди.
Пеп е добар тренер, тука нема дилеми, но далеку од тоа е дека нај, нај, нај…дека е фудбалски револуционер, дека е едноставно перфектен.
Погледнете само на каков начин губи во ЛШ во изминатите 10-11 години и се ќе ви стане јасно.
Аматерски…
Сега ајде по уште една титула во Премиер – лигата…
А во летниот преоден рок уште некоја милијарда за нови играчи…
А во Париз на “Сент Дени“, на 28 мај, Дон Карло и Јирген ќе решаваат кој ќе биде новиот европски фудблски ХЕГЕМОН.
Е, тоа се ТРЕНЕРИШТА…
