Топлификација и нејзиниот штетен и патетичен бизнис план [општа дискусија]

Да ги подсетам исклучените дека имаат право да достават приговор за фактурите.
Еве како изгледа мојот последен приговор, па кој сака нека направи copy - paste, нека го прилагоди текстот како му одговара и според своето мислење.
Поднесувањето на приговор е бесплатно
...................
До БЕГ, подружница снaбдување .................. (центар, исток, запад, север) 1000 Скопје
Од .................................................,
Ул......................................................, Скопје
Предмет : Приговор на фактура број...................................
Овој Приговор Ви го упатувам врз основ на член 21став 2 од Правилата за снабдување со топлинска енергија број 01 – 1302/1. Овој став гласи: „ Снабдувачот е должен во рок од петнаесет дена сметано од денот на приговорот да се изјасни по приговорот во писмена форма. “
Барам од Вас, писмено да се изјасните по секоја точка од овој Приговор.
1.Приговарам зошто не ми испративте предлог договор согласно Член 66 став 3 од Правилата за снабдување со топлинска енергија број 01 – 1302/1. Овој став гласи: „ Снабдувачот е должен да им достави договор за снабдување со топлинска енергија на сите исклучени потрошувачи во колективните објекти за домување до 01. 09. 2012. “ Вие тоа не го сторивте – зошто?
2. Приговарам зошто токму Вие ми доставивте фактура и ме „ задолжувате “. Во Скопје и Република Македонија има и многу други снабдувачи. Член 66 став 2 од Правилата за снабдување со топлинска енергија број 01 – 1302/1 гласи: „ Сите исклучени потрошувачи на топлинска енергија кои нема да склучат договор за снабдување со топлинска енергија со соодветниот снабдувач и да се приклучат на системот за дистрибуција најдоцна до 01. 10. 2012, должни се да плаќаат надоместок за ангажирана моќност ( фиксен дел ) од надоместокот за топлинска енергија, кој се определува согласно тарифниот систем за топлинска енергија “. А член 6 став од истите Правила гласи „ Снaбдувачот и потрошувачот се должни да склучат договор за снабдување со топлинска енергија во согласност со овие Правила “. Јас со Вас немам склучено договор, а Вие ми праќате фактура и ме „ задолжувате “, без постоење на договор и со тоа ми ја одземате слободата да склучам договор со Снабдувач според мој избор, како што е пропишано со Правилата за снабдување со топлинска енергија број 01 – 1302/1. Зошто ми ја ограничувате слободата да одберам и склучам договор со снабувач според мој избор?
3. Приговарам затоа што ме сметате за „ исклучен потрошувач од колективните објекти за домување “. Вистина е дека пред повеќе време се исклучив од системот на АД Топлификација, но веднаш потоа се приклучив на друг дистрибутивен систем. Врз основ на што, заклучивте дека јас имам статус на: „ исклучен потрошувач од колективните објекти за домување “, па си земате за слобода да ми праќате вакви фактури.
4. Приговарам зато што Вие во пресметка користите податоци добиени со мерење со начинот на мерење наречен „ мерење со калориметри “. Според моето уверување и мислење тој начин на мерење не е точен и представува измама и кражба. Овој начин на мерење не предвиден со закон или со друг пропис со задолжителна употреба како задолжителен начин на мерење. АД Топлификација во грејната сезона 2007/2008, без било каков правен основ и без моја согласност, го наметна овој начин на мерење. Наметнувањето на овој начин на мерење, како и неквалитетната, бедна и прескапа услуга се причини што јас се откажав од услугите на АД Топлификација. А и сега, повторно без моја согласност, ми изготвивте пресметка која базира токму на овој начин на мерење, кој според моето уверување и мислење представува измама и кражба, а јас не сакам врз мене да се применува тој начин на мерење, односно не сакам да бидам измамуван и ограбуван. Зошто го правите тоа?
5. Приговарам зошто фактурата ја нарекувате „ Фактура за испорачана топлинска енергија “. Вие не сте ми испорачале топлинска енергија, јас не сум добил било каква енергија од Вас. Не сакам да добивам било каква енергија од Вас или да имам било какви односи со Вас
6. Приговарам на точноста на очитаните податоци од мерачот за топлинска енергија, а кои се наведени во фактурата. Јас не сум присуствувал на тие очитувања на мерачот и ја оспорувам нивната точност и сметам дека овие вредности, кој наводно се очитани, не се точни.
7. Пригиварам, затоа што ме „ задолжувате “ и ако не користам Ваши услуги, а според Одлуката У. бр. 148/2008 на Уставниот суд на Република Македонија е одлучено да исклучените не плаќаат ништо.
Ве предупредувам дека со праќање на вакви, неосновани и неточни фактури и со вакви „ задолжувања “, Вие ги кршите моите основни човекови права кои ми се гарантирани со Уставот и Законите. Јас не сакам да имам било какви односи со Вас и не добивам и не сакам да добивам било што од Вас. Вие сепак неповикани „ доаѓате “ во мојот Дом, ми праќате „ Фактури за наводно испорачана топлинска енергија “ и ако ништо не сте ми испорачале и барате да Ви платам за тоа „ ништо “, а со тоа сакате да ни земете од храната која јас и членовите на моето Семејство ја јадеме и која сме ја добиле од Господ. Со тоа ме вознемирувате, го нарушувате интегритетот на мојот Дом, ме малтретирате, се мешате во мојата приватност, го реметите мојот личен и семеен живот, го нарушувате моето достоинство и углед, ми предизвикувате трошоци, го нарушувате моето здравје и здравјето на другите членови на моето Семејство. Затоа барам и Ви препорачувам да во иднина не го правите истово или слично на ова, во спротивно ќе бидам принуден да побарам заштита


Во Скопје на ………….. 2013 ...................................................
 
Во Дневник има напис дека акционерите на Топлификација се здружуваат поради одбрана од превземање на нивните акции во ТЕ ТО.
Мислам дека ова е најава на она што неминовно следи.
ТЕ ТО е промашена мегаломанска инвестиција, во која се вложени најмаку 60 милиони евра и измамените доверители, акционери и банките, ќе бараат начин да си вратат барем дел од вложените пари.
http://www.dnevnik.com.mk/default.asp?ItemID=5B54F106C80DC84DA81D5A99B2FD9427
 
Намалена цената на парното

Топлинската енергија за домаќинствата преку „Балкан енерџи груп“ се намалува од 3,37 денари за киловат-час на 2,62 денари за киловат-час, додека ангажираната моќност се зголемува на 893,52 денари за киловат-годишно. За корисниците на „Скопје Север“ цената се намалува од 3,32 денари за киловат-час на 2,60 денари за киловат-час.
Според новиот правилник за топлинска енергија што го усвои Регулаторната комисија парното ќе може да поскапува или поевтинува секој месец. Со сегашниот Правилник тоа можеше да се прави само двапати годишно, во декември и во јуни.
Промената на цената на топлинската енергија е предизвикана од падот на продажната цена на природниот гас.

Линк
 
Зголемувањето на цената на ангажираната моќност значи дека „ задолжувањата “ за исклучение ќе се покачат.
--- надополнето: 28 февруари 2013 во 18:28 ---
Eве ја најдов одлуката на страницара на Регулаторна:
http://www.erc.org.mk/odluki/2013.02.28 ИЗВЕСТУВАЊЕ НА ЈАВНОСТА.pdf

Еве ја суштината на текстот:
..............
Со горе наведените Одлуки се врши намалување на цената на топлинската енергија за
категоријата на домаќинства од 3,3755 ден/kWh на 2,6256 ден/kWh а ангажираната моќност се
зголеми од 665,2155 ден/kW/година на 893,5202 ден/kW/година на ниво на мерно место.
Соодветно на овие одлуки се врши намалување на цената на топлинската енергија за
категоријата на „останати“ од 6,7511 ден/kWh на 5,2512 ден/kWh а ангажираната моќност се
зголеми од 1.330,4310 ден/kW/година на 1.787,0404 ден/kW/година на ниво на мерно место.
...............
Ова значи дека јас и сите други кои сме исклучени ќе добиваме за 34% повисоко „ задолжувања “
893,5202 ден/kW : 665,2155 ден/kW = 1,3432

+ 34,32%
 
Она што мене ме интересира е зошто Уставен суд молчи по ова прашање. Сосема е јасно дека Лобистите на БЕГ си ја завршиле работата со пратениците и Регулаторна, а со оглед на тоа што нема глас од Уставен, изгледа со нив се уште преговараат. Исходот на преговорите ќе биде познат оној момент кога Уставен ќе се огласи по ова прашање.
 
Кој море да беше ова наше маало парната во отпад ќе завршеа ееееееее одамна, добри сме со бонсек :icon_lol: , а и извршителката се знае дека се залагаме за еднаквост меѓу половите би ја тепале исто како маж да е :icon_lol:.
 
Коментар во дневник со кој целосно се сложувам:

„Поради зголемувањето на фиксните трошкови од 665 на 893 всушност во потоплите зимски месеци сметките ке бидат поголеми од сешните а во ладните месеци поефтинувањето ке биде минимално . Земете една сегашна сметка и израчунајте . Граѓаните се повторно излажани.“
 
Во Дневник е објавен напис со проценка колку ќе изнесуваат намалувањата односно покачувањата на цените на Топлификација:
http://www.dnevnik.com.mk/default.asp?ItemID=0228DFA17861CA43B7CE4223AB291E97

Во Вечер има напис дека во кој се тврди дека „ обврска “ на регулаторите е да ги штитат оние што се приклучени во мрежата, бидејќи оние што се исклучени го нарушуваат не само топлинскиот систем, туку и целокупниот енергетски систем
http://www.vecer.com.mk/default.asp?ItemID=AA9FC33673DBEF44BE93ABD487F3F1CB
 
Многумина мислат дека зад работењето на Балкан Енерџи, не стои Топлификација, туку некој друг и дека сега ќе било подобро
Тоа е наивно верување,,,
Балкан Енерџи е само преименувана Топлификација која и понатаму ги остварува „ бизнис плановите “ на Топлификација.
А тие „ бизнис планови “ се да од граѓаните на Скопје се наплатат годишно 10 до 12 милиони евра за да се плаќаат кредитите и обврските на ТЕ - ТО. А како во поранешните постови образложив ТЕ - ТО е промашена мегаломанска инвестиција која најверојатно никогаш нема да проработи.
Топлификација сега има околу 20 илјади корисници. За да се соберат овие 10 милиони евра секој корисник треба да плати 500 евра годишно само за кредитите на ТЕ ТО. За да оваа сума се намали „ бизнис планот “ предвидува да и исклучените плаќаат, за да овие 10 милиони евра се поделат не на 20 туку на 30 илјади граѓани, односно секој граѓанин да плаќа „ само “ по 300 евра годишно.
На Топлификација и Регулаторна им многу битно да Уставен не го укине Правилникот. Затоа сега ги намалуваат сметките на приклучените, а ги зголемуваат сметките на исклучените
Сега ќе покажам со пример до какви апсурди оди тоа:
Според најновите цени еден КWh топлинска енергија од Топлификација чини 2,6256 денари за еден КWh
Tоплификација користи гас, Еден нормален метар кубен гас содржи помалку од 10 КWh и последна цена му е 29,1056 денари што значи цена за еден КWh никако не може да биде пониска од 2,91056 денари, а како што гледате цената е пониска за 10%.
Немојте да се „ склдисувате “ - Топлификација никогаш не губи. Ако на сметките кој ги добивате пишува дека ви е испорачано 3000 KWh - всушност вие сте добиле само 1500 KWh. Бидејќи тоа нејзино мерење не е точно.
 
„Топлификација“ минатата година, и прокај проблемите што ги имаше со наплата на долговите и покривањето на долгот кон „Макпетрол“, како и со отплатата на кредитите, оствари нето добивка од 28,3 милиони денари (460 илјади евра) за разлика од износот од само 1,75 милиони денари преклани, покажува во финансискиот извештај на компанијата.
Во текот на годината е остварен приход од продажба на стоки и услуги во износ од 1,5 милијарди денари што е пониско за 24 осто во однос на 2011 година. Во расходите најголемо учество од 1,3 милијарди денари имаат потрошените суровини и трошоците за услуги.
Поранешниот снабдувач со топлинска енергија годинава треба да го наплати и заостанат долг од корисниците на парно во износ од 543 милиони денари, но има и големи обврски кон банките за земени краткорочни кредити во износ од 716 милиони денари.
„Топлификација“ побарува 12,5 милиони евра и за периодот до 2010 година и вкупно 12 милиони евра за последните две години. Досега има земено кредити во износ од околу 19 милиони евра.
Компанијата лани ги врати лиценците за парно и даде дел од топланите под наем со вработените на новиот снабдувач со топлинска енергија „Балкан енерџи груп“.
Главена дејност, на која „Топлификација“ треба да се ангажира годинава, ќе биде бизнисот со природен гас и електрична енергија во кои веќе има искуство.
 
Во медиумите со денови немаше ништо околу Топлификација
Сега најдов два написа
1, Утрински известува дека Топлификација не враќа пари
http://www.utrinski.com.mk/default.asp?ItemID=818DC09A81514047A2E03B163A2A14C2
2. Телма известува дека Балкан Енерџи се претворил во Топлификација и слабо затоплува
http://telma.com.mk/index.php?task=content&cat=1&rub=6&item=24989
 
"Смрт за зони и пајак воз." ми се допаѓа приговорот што го имаш составено но ме интересира дали имаш повратен одговор од "БЕГ" и ако имаш дали би можел да го постираш бидејќи навистина многу ме интересира што ти имаат одговорено :)
 
pravdan напиша:
"Смрт за зони и пајак воз." ми се допаѓа приговорот што го имаш составено но ме интересира дали имаш повратен одговор од "БЕГ" и ако имаш дали би можел да го постираш бидејќи навистина многу ме интересира што ти имаат одговорено :)
Кликни за повеќе...
Од БЕГ немам повратен одговор
Немам одговор ниту на овој ниту на претходните три приговори кој ги пратив на Топлификација - Снабдување Центар за фактирите за 10, 11 и 12 месец 2012.
Молчат.....
Интересно што до денес нема ни нова фактура од БЕГ
Инаку БЕГ и Топлификација -тоа ти е исто. Исти вработени, исти директори, исти простории,.... се е исто
На секому препорачувам да вложи приговор, ништо не чини, а можеби од него ќе има корист
 
You must log in or register to reply here.

Kajgana Shop

Back
На врв Bottom