Ај малку copy/paste од ФБ профилот на Пасвор продукција:
ТАКСИРАТ 12 го има фестивалот! Таксират подарокот за Вас е интернационалната сензација MANU CHAO LA VENTURA, последниот трио проект на Ману Чао кој ќе настапи на главната вечер на Таксират на 4. декември во Метрополис Арената.
Ману Чао во Скопје доаѓа со ексклузивен европски настап, специјално за 12тото издание на Таксират. Неговиот нов бенд е Ману Чао Ла Вентура, уште еден состав во неговата импозантна кариера, како и секогаш – талентиран, полн со животна енергија и панк сензибилитет.
Интернационалната сензација Ману Чао создава и пее на повеќе јазици отколку што човек има прсти, но причината поради која неговата музика е толку многу прифатена има подлабока приказна. Неговиот звук и порака е фантастичен микс на шпанска гитара, салса, реге, француска шансона, панк рок и музички влијанија кои Ману Чао неуморно ги црпи со своите обиколувања на светот. Неговата уникатна музика има и македонски влијанија. Дури и да не го разбирате што кажува, навистина не е важно, Ману Чао зборува на универзален јазик.
Ману Чао имаше настап за паметење пред македонската публика во 2002. година на Скопското лизгалиште, концерт кој сеуште се раскажува. 4ти декември во Метрополис Арената е долгоочекуваната осумгодишна средба со Ману Чао.
“Новата авантура е La Ventura, трио кое дозволува импровизација и поголема слобода во изведбата. Со само три членови, лесно е да се премине од една песна во друга и да се импровизира во истиот момент, да се влезе во опасност, да се излезе од неа. Многу луѓе рекоа: Ти си луд, бенд без бас е невозможен. Ние го направивме тоа и отидовме во Јапонија, Бразил, Сиетл, Портланд, Сан Франциско и навистина добро се забавуваме на сцена”.
Ману Чао
Поради големиот интерес за 12тото издание на Таксират, влезниците се во ОГРАНИЧЕН БРОЈ и во претпродажба уште денес и утре ќе бидат по стартната цена од 600 денари, а во четврток (18 ноември) стартува претпродажната цена од 800 денари.
Оваа претпродажна цена ќе важи и за наредните 2000 влезници.
Последните 2000 влезници ќе чинат 1000 денари.
Влезницата на самиот ден на фестивалот ќе чини 1000 денари.
Продажните места се:
Скопје: Југотон, Custom Pub, Чакра, Лајка, Ultra Design Shop, Tobacco Exclusive, La Kana, Kamarad Ramstor, Дамар, Цвеќара Розе Веро 2, Круг (Аеродром), Браво, Пинвица Стар град, Café Café (Лептокарија), SuperFly, Хавана, Tobacco Gogi Drachevo, Castro Битола: Loudness music, Hard Rock Штип: Дом на млади Тетово: Амнезија Охрид: ZZ Top Прилеп: Сидро Струга: Калабалак, Café Album Куманово: Агора Радовиш: Стигма Виница: Гала Кочани: Шишко
Влезниците за концертите на Bernays Propaganda (26ти ноември), Darwood Dub (27ми ноември), DJ Premier (30ти ноември) и Мизар (2ри декември) и Ferry Corstein (2ри декември) ќе се најдат во претпродажба од петок, 12ти ноември во Југотон, Чакра, Лајка, La Kana, Дамар, Круг (Аеродром) и Браво.
Цена на влезници:
Bernays Propaganda 200/250 денари
Darkwood Dub 200/250 денари
DJ Premier 350/450 денари (ВИП влезници 600 денари)
Мизар 200/250 денари (ВИП влезници 400 денари)
Ferry Corstein 300 денари
И да не заборавиме... Таксират 11 беше распродаден ден пред фестивалот.
