ГЕРИ НЕВИЛ АНАЛИЗА: Донев е главниот виновник за доминацијата на Евертон во КЕЛ
Ќе започнам од крајот на Сезона 5. Сезона во која Евертон на моменти дури и беше во борба за опстанок, а Чемпионс почна да губи верба во дел од своите играчи. Лука Модриќ беше катастрофален во првата полусезона, Вернер со 4 настапи беше трет стрелец на тимот, Погба сеуште се бараше себеси. Сепак, на крај се консолидираа и успејаа да победат на последните 6 кола, со што завршија на 6тата позиција во лигата.
Пред самиот крај на сезоната двата градски ривали, Евертон и Ливерпул договорија трансфер: Модриќ и пари за Луис Суарез. Тука, малку понесен од ривалството со Чемпионс во Кајгана Ворлд каде едниот ја води Барса, а другиот е тренер на Реал Мадрид... се приклучи С. Донев. Ги даде ни повеќе ни помалку Иван Ракитиќ и Томас Милер, кои во тоа време му беа најдобри играчи во тимот само и само Суарез да не премине во Евертон. И додека Донев мислеше дека го направи најфраерскиот потег во историјата на Кајгана лигите, тој всушност започна една доминација на Евертон, кој во наредните 2 сезони стана прв тим што ја освојува титулата едно по друго, сруши неколку рекорди и загуби само 5 од 44те натпервари.
Зошто го велам ова? Па прво Чемпионс се реши да не го продава Модриќ, кој како што спомнав погоре при крајот на 5тата сезона почна да си ја враќа формата и успеа да дојде до Агуеро во swap deal со Кевин Де Брујне. Де Брујне сеуште не беше играчот кој што е денеска и реално немаше скоро никаков придонес во играта на Карамелите. Од друга страна Кун ја започна сезоната фантастично и самиот реши неколку натпревари. Лука уште од стартот на Сезона 6 беше маестрален, а Евертон после поразот од Динамо Киев во првото коло, се вклучи во борбата за титула. Како одминуваше времето сините играа се подобро и подобро, Бејл, Роналдо и Агуеро одлично се надополнуваа, а на Модриќ и Погба им се приклучи и Видал, со што средниот ред на Евертон беше убедливо најдобриот во лигата. Ја земаа титулата таа сезона, освојувајќи рекорден број на поени, а Чемпионс не застана и ги направи можеби најдобрите 2 потега во неговата Кајгана СМ кариера. Прво го смени Агуеро со Роберт Левандовски, а потоа го увиде издигнувањето на Кевин Де Брујне и си го врати белгиецот во својот тим, а во Свонси го испрати Герет Бејл. Сенсот за трансфери кој го има овој менаџер многу ме потсеќа на Фергусон, кој во моето време во Јунајтед успеа да изгради 3 или 4 одлични генерации. Лева со своите 15 голови ја освои златната копачка за Сезона 7 (направи и 5 асистенции), Де Брујне учествуваше во 9 голови, а Лука Модриќ изигра уште една маестрална сезона и повторно, како главен диригент на играта на Евертон беше еден од најзаслужните за освојувањето на титулата.
И за крај само едно прашање... Дали Евертон ќе го постигнеше сето ова, ако Донев едноставно не се иск*рчеше и го оставеше Чемпионс да си го уништи средниот ред за да дојде до Луис Суарез? Јас мислам дека не.