Да резимираме настани од последните два-три дена за да им е полесно на релативизаторијатот да може да ги бране тезите на железниот опинок од северните разбојници.
1. Ослободувањето на Мијале, кој е секогаш на "браникот на татковината" и еден од членовите на фамилијата. Ама веројатно е најдобар и најпоштен од сите во фамилијата. Шарените не се бореа за ова, на сите ни е јасно веќе тоа. Се бореа за бројчаник да се стави на триумфална (средено), за да влеземе во ЕУ и НАТО (исполнето, дури и фестивал имаше), за криминалците да си лежат (лежат по хотели и хациенди), за дуи да одговараат (одговараат, но на прашања од новинарите на албански). Се е цакум-пакум. Борбата се исплатеше. Павленце е пример. Додека беше режимот имаше 59 кила, а сега бројчаникот сврти и станаа 95.
2. Градоначалникот М(с)ерко и неговата искреност. Ги освои срцата на милиони луѓе пред малите екрани и пошироко со својата чиста мисла и наивност. И во право е. Стока си има (помалку глави од Стево), сепак има материјал за стрижење и ако даде Господ па и Бентли ќе купи. Заслужи и го личи. Дуинг бизнис со стока во северна се исплати.
3. 0 оценка од германските инвеститори. Мора пак да се прави квантен скок. Сепак ја поправи Кочо нулата во единица, ама со пријатели. Без железни опинци не се оди на испит бе Кочо! Наври тоа опинците, начучули ги ушите, не мрчи многу и напред заедно. Немој да бидеш закукулен-замумулен.
4. За да ја поправи оценката кај инвеститорите ака логори на смртта Муртињо смисли нова тактика. Место одбрана ќе игра на карта напад. Отвара границите на северостан за гладен народ. Ова е држава, а не текмаде. Шо се за северостан 300000 работници. Има да ги распоредиме по цела Пелагонија, од Мусинци до Прилеп. Кирацо е логистичка поддршка и кадровик кај социјалдемокрастите, кој на малото прсте ги знае проблемите во овој дел од северот, па дури и љубовните. Нов бран на напреден народ ќе дојде, млади семејства, европеизирани. Се си мислам во Путурус бакал да отворам додека не е доцна. Има да пука бизнисот. Мигрантите (по ново работна сила) имаат пара според северџанска логика.
5. Приватизацијата на болниците и на тој начин привлекување на инвеститори е одлична идеја и сигурен сум дека најзаслужен за истата е специјалниот советник за култура на Муртињо, господинот и брат Љубе. Не се сомневам дека ако биде кандидиран за некоја престижна награда како нобеловецот без проблем ќе ја добие. Филипче конечно ќе може да здивне и да се фокусира на поважни работи од здравството во северна. Си кажа дека секој според џебот ќе се лекува. За северџаниве нема проблем со 500 евра плата на овој стандард да се лекуваат и во поелитните приватни болници. Добро е што северна е еколошки чиста и безбедна земја, со чисти животни ресурси, па процентот на заболеност и смртност е најнизок во Европа.
6. Ласкова за министер за култура. Таква културно издигната личност е одеален кандидат за прв човек за култура во северна. После успехот со касандра и таквите незаборавни музички изведби од нејзина страна, не би можелоа да се замисли културата поинаку освен тоа на нејзино чело да застане драгата Цвета. Би типувал за советник да си ја земе Беткичот. Срцки
7. Лотото ќе го завршиме со седмица, или пописот што се планира во северна каде ќе се попишат сите Македонци/граѓани на република северна Македонија, Албанци, Илири, Дардани, Турци, Срби, Власи, Бугари, Грци, Косовци и др. малцинства кои по род се чувствуваат како едни од погоренабројаните како во државиштево, така и во целиот космос, рајот и пеколот.
