Екатерина Захариева, министерката за надворешни работи на Бугарија во
интервју за Фактор вели дека се надева дека Договорот меѓу Македонија и Бугарија ќе создава услови за пофлексибилни решенија и за проблемот со името. За нас е важно решението за името да не е поврзано со делови од Бугарија, вели министерката.
„Примерот што го дава македонската влада е стимулативен и јас се повикувам на најавите на премиерот Заев за решавање на проблемите со соседите, бидејќи, како што зборуваме, кога имаш потешкотии со тројца од четирите соседи може би требало да се замислиш, каде има проблем - дали е кај соседите или дали немаш проблем самиот како политичар? Од оваа гледна точка разговорите помеѓу Република Македонија и Република Грција ќе продолжат со интензивно темпо. Бугарија, како своја желба, посакува решението за прашањето на името да не биде поврзано со северни географски поими, бидејки, така или онака во Бугарија исто има Пиринска Македонија. Мислам, дека има добронамерност кај сите влади. Зборувавме со мојот колега во Грција, Коsиас, зборував со Димитров и силно се надевам дека ние политичарите се научивме да правиме компромиси, бидејќи политиката, потпишувањето на договори, решавањето на спорови се и компромиси и на двете страни“.
Захариева нагласи дека сепак, тоа се разговори на две автономни држави - Република Македонија и Република Грција, но уште еднаш го нагласи моментот дека за нив е важно решението за името да не е поврзано со делови од Бугарија, да не биде поврзано со северни географски поими...
