Евангелијата се пишувани од автори кои никогаш не го виделе Исуса, со децении а и векови ПО снртта на Исус. Затоа и се полни со контрадикторности. Од почеток до крај, на пример, еве само еден мал мал дел каде евангелијата се противречат едно со друго:
Евангелијата не се пишувани со векови, туку само неколку децении по смртта на Исус. Двајца од писателите (Матеј и Јован) биле апостоли на Исус, значи во последните години од Неговиот живот Го гледале повеќе од мајка Му, со други зборови, Му биле фамилија.
Во евангелијата нема контрадикторности. Овие подоле, како што ќе видиш, се само твои неразбрани прашања и дилеми што ти се појавиле заради твојот погрешен мотив со кој си пристапил кон евангелијата.
Дали светиот дух му го најави раѓањето на Исуса на Марија (кај Лука) или на Јосиф (Кај Матеј) ??
Прашањево е смешно. Светиот Дух го најавил раѓањето на Исус и кај Марија, и кај Јосиф. Лука го опишува едниот настан, а Матеј другиот. Што е контрадикторно тука? Тоа е и целта на 4те евангелија, да се дополнуваат едни со други.
Дали Исус е роден за време на владеењето на Херод околу 5-6 година ПНЕ или за време на Римскиот попис околу 6-7 година НЕ (разлика од 11-13 години)
Историјава ти е сомнителна (да не речам измислена). Ајде наведи ги историските документи каде е документирано кога умрел Херод (Ирод), во која година е пописот во Галијеја, поточно докажи ми дека во 6та година ПНЕ немало попис... па ќе дискутираме.
Дали Исус со семејството бега во Египет заради колежот на првородените (по Матеј) или се сели од Витлеем во Назарт заради пописот (спрема Лука)
Прво бега во Египет, а потоа се сели во Назарет. Матеј го спомнува колежот на првородените, а Лука не го спомнува, но и двајцата велат дека Исус со семејството се вратиле во Назарет. (Матеј 2:23; Лука 2:39)
Дали Јован го крстил Исуса (према Матеј Марко и Јован) или (према Лука) во тоа време Јован веќе бил мртов
Јован Го крстил Исус. Каде тоа во Лука се вели дека Јован бил мртов при крштевањето на Исус?
Дали Исус (по Јован) бил повеќе пати во ерусалем или по другите евангелисти само еднаш
Исус бил повеќе пати во Ерусалим.
Каде тоа другите евангелисти велат дека Исус само еднаш бил во Ерусалим?
Дали во Бетанија (по Марко и Матеј) Исус е на гости кај лепрозниот Симон чија што жена истура врз Исусовата глава скапоцено масло или е на гости (по Лука) кај фарисејот Симон каде грешница му ги потурува нозете на Исуса и ги брише со својата коса или (по Јован) гозбата во Бетанија е порано и се одвива кај Лазар и неговите сестри Марија и Марта
Исус е многу дружељубив човек и бил, верувал или не, кај сите нив на гости
Дали Исуса го уапсиле еврејите или (по Јована) и римските војници
Каде тоа "по Јована" се вели дека римските војници го апселе Исуса?
Јован xx:xx (стави бројки на местото на x)
Дали имаше две (Матеј и Марко) или едно (Лука и Јован) судење пред Синедриумот
На какви "две" судења тука мислиш? Таму имаше само едно (долго и драматично) судење - судењето на Исус Христос - кое се одвиваше со неколку прекини поради желбата на Пилат да Го ослободи Христос.
Дали последните зборови на крстот беа Господе зошто ме остави (Матеј и Марко) Татко во твоите раце го предавам духот свој (Лука) или Се сврши (Јован)
Последните Исусови зборови (ако се сметаат за последни тие што ги кажал пред да умре на крстот) беа "Татко, Го предавам Својот Дух во Твои раце." Лука 23:46
Образложение:
Тие се последните Исусови зборови затоа што тоа е единственото место во евангелијата после кое што следи: "И кога Го рече тоа - издивна". Лука 23:46
Кај другите евангелисти Исусовата смрт не настапува веднаш по наведените зборови.
Доста ти се за сега, кога ќе имам време ќе ти ги одговорам и другите прашања. А ти во меѓувреме размислувај дали станува збор за "контрадикции" или само за неразјаснети прашања од евангелијата.
