Преглед на четвртото коло:
Малага 3-1 Леванте
Малага и по четири кола е непоразена во Ла Лига, каде досега има три победи и едно реми. Овојпат поразен од Ла Росаледа си замина Леванте. Головите за Малага ги постигнаа Савиола, Хоакин и Портиљо додека за Леванте погоди Мичел.
Валенсија 2-1 Селта де Виго
Валенсија на Местаља се намачи против одличната Селта за да стигне до првата победа во Примера сезонава, по тешкиот старт кога мораше да гостува на Бернабеу и Камп Ноу. Натпреварот го отвори Фегули во 3-та минута, изедначи Кабрал во 15-та минута, а победата на Лос Че им ја донесе славеникот Али Сисоко кој го славеше својот 25 роденден и го постигна својот прв гол во дресот на Валенсија на дебито пред публиката на Местаља.
Гетафе 1-4 Барселона
Барселона го збриша Гетафе на гостински терен без Лео Меси во стартниот состав. Резултатот го отвори Адријано во 31-та минута, а Меси погодуваше двапати во 74-та и 78-та минута (првиот од пенал). Домашните намалија на 3-1 со автоголот на Маскерано, а Давид Виља со голот во 91-та минута
Севиља 1-0 Реал Мадрид
Андалузијците конечно му се одмаздија на кралскиот клуб за поразите од 2-6 последните две сезони на Санчез Пизхуан. Со голот на Троховски во 69-та секунда, домашните стигнаа до водството кое го задржаа до самиот крај на мечот. Игуаин и Рамос ги имаа најдобрите шанси за изедначување на резултатот кај гостите од Мадрид.
Еспањол 3-3 Атлетик Билбао
Фернандо Љоренте ги одигра првите минути за Билбао оваа сезона и во првиот допир со топката постигна гол на еден од најинтересните натпревари ова коло. Еспањол поведе на Корнеља ел Прат со 2-0 благодарејќи на головите на Хави Лопез и Верду, додека во второто полувреме лавовите од Баскија го изедначија резултатот на 2-2 со головите на Љоренте и Адуриз. Еспањол повторно поведе 3-2 со голот на Лонго во 80-та минута, но Ариц Адуриз беше повторно стрелец овој пат со прекрасен волеј во 83-та минута носејќи му бод на Атлетик на гостувањето во Барселона.
Гранада 1-1 Депортиво Ла Коруња
Нелсон Оливеира им донесе водство на Галицијците во 40-та минута по грешката на дефанзивецот на Гранада, додека Флоро Флорез во 81-та минута го изедначи резултатот на 1-1.
Осасуна 1-1 Мајорка
Осасуна и Мајорка одиграа реми 1-1 на Рејно де Навара во Памплона. Домашните поведоа преку Кике Сола во 69-та минута, а островјаните изедначија преку израелецот Хемед во 79-та минута.
Реал Сосиедад 2-0 Реал Сарагоса
Втора победа за екипата од Сан Себастијан овојпат против гостите од Арагон. Ињиго Мартинез во 55-та минута и Карлос Вела во 61-та минута беа стрелци за Сосиедад.
Атлетико Мадрид 4-3 Рајо Ваљекано
Забавата на Висенте Калдерон каде јорганџиите водеа со 4-0 на 10 минути до крајот на натпреварот за малку ќе се претвореше во кошмар. Марио Суарез, Коке, Туран и Фалкао ги постигнаа головите за Атлетико, додека последните 10 минути им припаднаа целосно на гостите од Ваљекас кои за тој период постигнаа дури 3 гола: Делибашиќ во 82-та и 85-та минута и Лео во 89-та минута беа стрелци кај Рајо.
Реал Ваљадолид 0-1 Реал Бетис
Грешката на голманот на Ваљадолид, Хаиме, на само една минута пред крајот на натпреварот му овозможи на Рубен Кастро да и ја донесе победата на екипата од Севиља на Хосе Зориља.
Статистики за четвртото коло:
Голови: 33 (3,3% по натпревар)
1x2: Пет победи за домаќините, три ремија и две победи за гостите
Жолти картони: 56
Црвени картони: 4
.
