Јас типувам дека Сити оваа година нема да бидат шампиони. Време е веќе да ги фати синдромот на заситеност. Освен тоа, Ковачич ни оддалеку не е добра замена за Гундоган, го изгубија и Марез а можно е и Бернардо Силва да си замине. Немаат лев бек, немаат ни десен кој знае колку квалитетен. Ќе го донеаст Гаврдиол, кој реално е оверкил во одбраната, каде веќе имаат неколку екста квалитетни фудбалери.
Јунајтед конечно склопи добар тим, покриени се скоро на сите позиции, и ако го доведат и Амрабат ќе имаат квалитетна замена за Касемиро. Сега останува на Тен Хаг да направи нешто со овој тим. Многу ќе зависи и од тоа колку Хојлунд ќе покаже и дали е вистинско решение за најголемиот проблем на Јунајтед во последните години, реализацијата на шансите.
Ливерпул има добра екипа, ќе бидат при врвот, но некако се чини дека е време Клоп да си замине. Ги донесоа Мекалистер и тој Унгарецот, типични трансфери како за Клоп, инаку ништо посебно како фудбалери, онака фубалски амали. После освоената титула како Ливерпул да ја изгуби магијата, и некако се чуствува дека е време за голема промена таму.
Арсенал има одлична екипа, Рајс е топ играч и ќе биде големо засилување, но мислам дека направија една капитална грешка, купувањето на Хаверц. Нула од играч, не постои правилна позиција за него, со никаков став, жив зијан. Наместо парите кои ги лупнаа на Хаверц, можеа да купат вистински квалитетен шпиц. Вака со честите повреди на Жезус, ќе мораат Хаверц да го играат таму, а не го бива. Очекувам нерви да искинат со него.
Тука за вршува списокот на тимови кои можат да се борат за титулата, и кои најверојатно ќе ги поделат првите четири места. Остануваат уште Њукасл и Челзи но не мислам дека оваа сезона можат да се вмешаат во борбата за пласман во ЛШ. Челзи е екипа во изградба, на некои позиции имаат многу играчи, на некои немаат никаков играч, има таму работа за Покетино за уште две сезони да го среди тимот. Њукасл реално беше оверачивер минатат година, имаат солиден тим, ништо посебно, пласман 5-6 место.
А да, го заборавив Тотенхем. Не е ни чудно, екипа за заборав. Чекаат да замине Кејн па да му стават катанец на клубот. Единствено за што вредат се што редовно му прават проблем на Сити.
