Значи,
2012, моментално најголемиот хит, блокбастер, топ 1 на box office-от итн итн...
Филмов ме става во огромна дилема, незнам дали да почнам да го величам заради сценските ефекти или рафално да го стрелам за пропустите и идиотските работи во содржината.
За време на филмот заклучив сепак, дека ова не е филм во кој мозокот треба да ти работи, ова е филм во кој треба да се ужива во тоа како светот заслужено оди по ѓаволите.
Значи, иако овие работи ги чувам за крај, уште одма да кажам: ако сакате филмов да ви се допадне, потребно е да го исклучите делот од мозокот кој сака да размислува и кој е критички настроен, и да и се препуштите на акцијата.
Значи, во смисла на визуелните ефекти и на пропорциите на катастрофата, ова е најдобар апокалиптичен филм кој се појавил.
The Day After Tomorrow (2004), од истиот режисер може вода да му носи во тој поглед. Катаклизмата во 2012 е од невидени размери и не завршува со тоа што малку ќе измрзнеме. Ако го споредам со други филмови од најразлични помали или поголеми катастрофи кои го зближуваат човештвото, односно ги тераат луѓето да заборават на меѓусебните проблеми и да се соочат со поголем предизвик, би можел да направам споредба и со
Armageddon (1998/I),
Independence Day (1996),
Titanic (1997) итн... и да кажам дека има и подобри филмови од овој во тој поглед.
Приказната, како и во повеќето вакви филмови, има многу пропусти, но една од работите кои изнервираа многу гледачи е начинот на кој главните ликови во целиот филм за влакно ја избегнуваат катастрофата: патот се распаѓа пола метар зад колата, пола метар зад авионот, работи паѓаат од сите страни пола метар лево или десно... (види трејлер) ни ја навредува интелегенцијата, мислам дај сериозно: еднаш во текот на филмот е доволно, сепак не е филм за деца. Ликовите не се обработени како по правило во овие филмови, клише има колку да сакаш, а ми фали еден филм кој конечно нема да ги тури богатите и сиромашните во ист кош и да не убедува како сиромавиот ќе се спаси а богатиот ќе го крка: во вистинската реалност, сиромашниот нема да се доближи ни на 100 км од спасот... Но пораката која ја оставаат овие филмови е дека во случај на општа катастрофа и мака, сите сме едно па дури и да бидеш без пари си има свои предности (до кога ќе не лажат ја незнам...).
И покрај се што е кажано, мора да се признае дека ефектите надополнуваат голем дел од традиционалните пропусти на ваквите филмови. Така да, незнам како поинаку да го оценам, затоа ќе земам пример од еден друг член кој даде посебни оцени:
6/10 за приказната.
10/10 за ефектите.
Аха, и заборавив, најлегендарна сцена од филмот (а и немаше повеќе од една), е кога оној лудиот радио водител (
Woody Harrelson кој е единствен лик кој одглуми на ниво во филмот) се качува на планината, врши радио пренос од крајот на светот и им вика на своите слушатели: „How i wish you were here with me!“
Оценка 9,9/10 од мене !
